Danieli 1:8 - ÎVUKU RÎA ÛVORO MWARO

⁸ Nwatî Danieli nîwatuire atî ke ndangîîgwatia gîko na njîra ya kûrîa irio, kana kûnyua ndivei ya Mûthamaki. Kwoguo Danieli nîwaûririe Ashipenazi amwîtîkîrie ndakarîe irio icio nîguo ndakagwatwe nî gîko.

Danieli 1:8 Referencias Cruzadas

1Atha 5:5

Kwoguo rîu nîrenda gûtumîra Ngai-Mûnene, Ngai wakwa hekarû, wata ûrîa Ngai-Mûnene eerîre vava Daudi atî, ‘Mûvîcîguo, ûrîa ngeekarîria gîtî Kîam ûthamaki vuva waku nîke ûkandumîra hekarû.’

Thaburi 106:28

Nîmaacokire magîtuîka arûmîrîri a Baali marî Peori, na makîrîa magongoona marîa maarutîrîtwe mîvuanano îtarî mwoyo.

Thaburi 119:106

Nîmbîranîrîte na mwîvîtwa na nîngindîrîtie ûndû ûcio, atî ngaarûmagîrîra matuîro maku ma kîvooto.

Thaburi 119:115

Nthengutîrani mue andû evia, nîguo mbathîkîre maathani ma Ngai wakwa.

Thaburi 141:4

Ndûkareke ngucîrîrua gwîka maûndû macûku, kana mbîka maûndû ma waganu. Ndûkareke nyitanîra na andû arîa mekaga maûndû ma waganu, kana ndîcanîra nao irugorî ciao.

Nthi 23:3

Ndûkerirîrie irio ciake nîûndû nî mbaro, nwa kwîthîrwa nî cia gûkûveenereria.

Danieli 1:5

Mûthamaki nîwathanire mavecagwe irio irîa mbaro aarîcaga na ndivei îrîa aanyunyaga. Anake acio maagîrîrwe nî kûthomithua îvinda rîa mîaka îthatû, na vuvarî mavirwe kûrî mûthamaki.

Danieli 5:4

Maanyuire ndivei magîkumagia ngai irîa ciarûthîtwe na thaavu, sîlûva, gîcango, cuuma, mîtî na mathiga.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Ciîko 15:20

Vandû va ûguo, tue nîtwagîrîrwe nî kwandîka maarûa kûrî o tûmere maûndû mama. Matikarîcage irio irîa irî na mûgiro nîûndû nîciîthagîrwa itegeretwe mîvuanano: matigekage ciîko cia ûmaraa: matikarîcage nyama cia nyamû irîa ciîthagîrwa ithioretwe ngingo itagwîtûrûra nthakame; na matikaarîcage nthakame.

1Akor 7:37

Nwatî ethîrwa mûndû nîatuîte atî ke ndakûvikania atakûringîrîrua na nîavotete kwatha merirîria make ma mwîrî na gwîkara kûringana na wendi wake na nîatuîte ûrîa agwîka ndavîtîtie nîûndû wa kûrega kûvikania.

2Akor 9:7

Mûndû nîwagîrîrwe nî kûvecana wata ûrîa ke atuîte kûvecana. Na mûndû ndakavecane takwa akûringîrîrua, nîûndû Ngai nî akenagua nî ûrîa ûvecanaga akenete.

Gûco 32:38

Irî kû ngai irîa ciarîcaga mathunya ma nyama cia magongoona na ikanyua ndivei ya îtega? Nîciûke imûtethie rîu; nî ciûke imûgitîre.