Danieli 1:5 - ÎVUKU RÎA ÛVORO MWARO

⁵ Mûthamaki nîwathanire mavecagwe irio irîa mbaro aarîcaga na ndivei îrîa aanyunyaga. Anake acio maagîrîrwe nî kûthomithua îvinda rîa mîaka îthatû, na vuvarî mavirwe kûrî mûthamaki.

Danieli 1:5 Referencias Cruzadas

Kîam 41:46

Josefu aambîrîrie wîra kwa mûthamaki wa Misiri arî na ûkûrû wa mîaka mîrongo îthatû (30). Nîwaumire kûu kwa mûthamaki na akîthiî akîthiûrûrûka vûrûri wonthe wa Misiri.

1Atha 10:8

Gûkena-rî nî aka aku! Wana kûgîa na mûnyaka nî ndungata ciaku, irîa mwîkaraga nacio vîndî cionthe ikîthikagîrîria ciugo ciaku cia ûûgî.

2Atha 25:30

Jehoiakini nîwavecagwa wa mûthenya kîrîa aavataraga nî mûthamaki ûtûûrorî wake wonthe.

2Maû 9:7

Kaî aka aku marî na mûnyaka-î! Kaî ndungata ciaku irîa igûtungataga vîndî cionthe na ciîgucaga ciugo ciaku cia ûûgî irî na mûnyaka-î!

Nthi 23:3

Ndûkerirîrie irio ciake nîûndû nî mbaro, nwa kwîthîrwa nî cia gûkûveenereria.

Jeremia 15:19

Kwoguo Ngai-Mûnene arauga atîrî, “Ûngînjokerera nîngûgûcokia ûrîa wekariî mbere, nawe nî ûkandungatîra rîngî. Ûngîaria maûndû marîa magîrîrîte na tî marîa matarî vata, we ûkaragia vandûrî vakwa. Andû nîmagagûcokerera, nwatî we ndûkaathiî kûrî o.

Danieli 1:19

Nake mûthamaki nîwamarîrie onthe, na gatagatîrî kao, gûtirî wamûkenirie ta Danieli, Hanania Mishaeli na Azaria. Kwoguo mûthamaki nîwamathuurire matungatage gwake mûciî.

Danieli 1:8

Nwatî Danieli nîwatuire atî ke ndangîîgwatia gîko na njîra ya kûrîa irio, kana kûnyua ndivei ya Mûthamaki. Kwoguo Danieli nîwaûririe Ashipenazi amwîtîkîrie ndakarîe irio icio nîguo ndakagwatwe nî gîko.

Mathaayo 6:11

Tûve ûmûnthî irio cietû cia gûtwîgana.

Luka 1:19

Nake mûraika ûcio nîwamûcokerie atîrî, “Nie nînie Gaburieli na nûngamîte mbere ya Ngai ûrîa ûndûmîte mbûke ngûkinyîrie ûvoro ûyû mwaro.

Luka 11:3

Tûvecage wa mûthenya wa mûthenya irio cietû cia gûtwîgana,

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

1Sam 16:22

Kwoguo Saûlo nîwatûmire ndûmîrîri kûrî Jesii na akiuga atîrî, “Tiga Daudi ekare gûkû akîndungatagîra, nîûndû nie nînîmwendete.”