1Tim 1:3 - ÎVUKU RÎA ÛVORO MWARO

³ Nîrenda wîkare Efeso wata ûrîa nakûthaithire rîrîa nathiîte Makedonia. Andû amwe kûu Efeso nîmarathomithania maûndû matarî ma ma, na nwanginya ûmakaanie matige gwîka ûguo.

1Tim 1:3 Referencias Cruzadas

Ciîko 18:19

Na rîrîa maakinyire Efeso, Paûlo nîwatigire Pirisila na Akuila na akîthiî agîtonya îvoerorî na akîaranîria na Ayahudi.

Ciîko 18:21

Vandû va ûguo, akîmatiga nîwamerire atîrî, “Ngai enda, nie nîngaacoka rîngî kûrî mue.” Nake nîwatwîre meri akiuma kûu Efeso.

Aroma 15:26

Nîûndû etîkia arîa marî Makedonia na Akaia nîmarutîte indo ciao matakûringîrîrua nîguo matethie andû a Ngai arîa athîni kûu Jerusalemu.

Aroma 16:17

Ariû na aarî a îthe wetû, nîramûthaitha atî: mwîmenyagîrîre kûrî andû arîa maretaga nyamûkano na kûvîngithia mûndû. Andû acio nîmareganaga na maûndû marîa mwathomithirue. Îthemageeni andû ta acio.

2Akor 11:4

Nîûndû mue nîmûkiragîrîria mûndû wa wonthe ûrîa ûkaga kûrî mue na akamûvunjîria Jesû wîngî tiga ûrîa twamûvunjîrie. Na nîmwamûkagîra roho na mûgetîkîra ndûmîrîri îngî ngûrani mûno kuuma kûrî Roho na ûvoro mwaro ûrîa mwamûkîre kuuma kûrî tue.

Aefeso 4:14

Tûtigaacoka gûtuîka ta ciana irîa cikanagua na mbere na igaikanua na vuva na ikaveenererua nî arimû a maveeni a mîthemba yonthe. Acio nîo mavîtithagia andû arîa engî nîûndû wa mawara marîa matungîte.

Afil 2:24

Nie mwene nîngwîvoka Mwathani atî nîngûka kûrî mue narua.

1Tim 4:11

Athana na ûthomithanie maûndû mama.

1Tim 4:6

Ûngîthomithia etîkia onthe mataaro mama, ûkethagîrwa ûrî ndungata mbaro ya Jesû Kristû. Ûgekagîrwa vinya nî ciugo cia wîtîkio na kîrîra Kîam ma kîrîa wîthîrîtwe ûkîrûmîrîra.

1Tim 5:7

Mathageni nîguo matikagîe na ûndû mangîcukwa naguo.

1Tim 6:10

Nîûndû wendi wa mbeca nîkîo kiumo Kîam maûndû marîa macûku monthe. Andû amwe matiganîrîtie wîtîkio wao nîûndû wa kwenda mbeca mûno na makagîa na ûrûrû na kîeva kîîngî ngororî ciao.

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.

1Tim 6:3

Mûndû wa wonthe ûthomithagia ûndû mûgeni na ûndû ûtakwîgucana na ndûmîrîri ya ma ya Mwathani wetû Jesû Kristû, na maûndû marîa mathomithanagua nî ndini yetû,

2Tim 1:18

Nie nîravoya Mwathani akeeguîra Onesiforo ntha mûthenya wa Mûthiia. Nîûndû we wanawe nîwîcî waro ûrîa aandethirie vîndî îrîa naarî Efeso.

2Joh 1:7

Aveenania eengî mûno nîmathiîte nthî yonthe. Aya nî andû arîa mataumbûraga atî Jesû Kristû aûkire arî na mwîrî ta mûndû. Mûndû ta ûcio nî wa maveeni na nî nthû ya Kristû.

Kûguû 2:14

Nwatî nîrî na maûndû manini ngûmûcukîra: atî kûrî andû amwe gatagatîrî kenyu marûmagîrîra maûndû marîa Balaamu aathomithanagia. Balaamu ûcio nîke wathomithirie Balaki ûrîa agûtûma andû a Isiraeli mevie na njîra ya kûrîa irio irîa ciarutîrîtwe mîvuanano na mevia na ciîko cia ûmaraa.

Kûguû 2:20

Nwatî nîrî na ûndû nîramûcukîra: Mue nîmwîtîkagîria mûndûmûka ûcio wîtagwa Jezebeli atambie kîthomo Kîam maveeni. Ke etucaga nî mûrathi wa Ngai, nwatî na njîra ya kîthomo kîu gîake, nîavîtithagia ndungata ciakwa igeka ciîko cia ûmaraa na ikarîa irio irîa irutîrîtwe mîvuanano.