TAUNET 17:4 - Bukuit Ne Tilil

⁴ “Keero, mi anyun kayomisenyu kobooten, ak tuun iegu kwandap pororyosyek che chaang'.

BUKUIT NE TILIIL Sireet ne Dutero Kanon

⁴ “Keero, mi anyun kayomisenyu kobooten, ak tuun iegu kwandap pororyosyek che chaang'.

BUKUIT NE TILIL

⁴ Keero, eng’ ane anyun, komi kayomisennyu koboten, ak tun iegu kwandab bororiosiek che chang’.

TAUNET 17:4 Referencias Cruzadas

TAUNET 12:2

Ayain iegu pororyet ne oo, ak aberuurin, ak atoroor kaineng'ung' koeet, si iegu kaberuret.

TAUNET 13:16

Ayae lagoguk kochang'a ko uu temburyek che po ng'wony, si ngot komugaksei koiit chii temburyek, ko kaagaa iitoksei lagoguk ak icheek.

TAUNET 16:10

Yeityo kotestai koleenji malaikaiyatap Kamuktaindet ne Toroor, “Atese kochang'a miising' iyoteng'ung', kot koma iitaksei amu chaang'indonywa.”

TAUNET 22:17

Eng' kaberuret aberuurin, ak eng' kayabet ayabi iyoteng'ung' kobarait kotenit kecheik che po kipsengwet, ak kotenit ng'aniek che po ngeguutap nyanjet. Tuun nyabani lagoguk kurgeetap puunikwak;

TAUNET 25:23

Ak ki leenji Kamuktaindet ne Toroor, “Miitei moeng'ung' pororyosyek aeng'u, ak tuun pcheegei pororyosyek chu aeng'u punu moeng'ung'; kimitu pororyet age kosiir age; ak koot ne oo ne ming'in.”

TAUNET 28:3

Ingoberuurin Kamuktaindet Ne po Kamuktaet, ak koberuurin eng' iyoteet ak kobarain, si kobiit iegu tuiyetap piik che chaang'.

TAUNET 32:12

Ago ki imwa ile, ‘Ayaun ne myee iman, ak ayae iyoteng'ung' kochang'a ko uu ng'aniegap nyanjet che ma iitoksei amu chaang'.’ ”

TAUNET 35:11

Ak koleenji Kamuktaindet, “Aa Kamuktaindet Ne po Kamuktaet. Ii ak itesage, tuun mong'unenen inyee pororyet ak chaang'indap pororyosyek, ak mang'unen laitorinik.

TAUNET 48:19

Ago ki eesyo kwandanyi, ak kole, “Angen ale uu nooto, weeriinnyu, angen. Egu agine ineendet pororyet, ak tuun eetu. Ago eetu ng'eetap kamet ne ming'in kosiir ineendet ak chaang'aitu lagokyik koegu pororyosyek che chaang'.”

KOMONG'U 6:4

Ki agimiit kayomisennyu kobooto icheek, ale agoochi emetap Kanaan, ole ki menyei icheek ko kiprutoin.