NG'ATUTIK 9:3 - Bukuit Ne Tilil

³ Nai anyun rani ile, Kamuktaindet ne Toroor Kamuktaindeng'ung', ko landoi kondoenen ko uu maat ne oo ne liblibeni. Ng'emei pichooto ak kogoochi konyeratitu eng' taing'ung' si iluul ak ing'em ichokyi ko uu ye kimwaun Kamuktaindet ne Toroor.

BUKUIT NE TILIIL Sireet ne Dutero Kanon

³ Nai anyun rani ile, Kamuktaindet ne Toroor Kamuktaindeng'ung', ko landoi kondoenen ko uu maat ne oo ne liblibeni. Ng'emei pichooto ak kogoochi konyeratitu eng' taing'ung' si iluul ak ing'em ichokyi ko uu ye kimwaun Kamuktaindet ne Toroor.

BUKUIT NE TILIL

³ Nai anyun rani ile, Jehovah Kamuktaindeng’ung’ ne landoi kondoenen ko u mat ne iwong’u; ng’emei bichoto, ak kogochi konyeratitu eng’ taing’ung’: ione anyun ko u noto, ing’em ichokyi ko u ye kimwaun Jehovah.

NG'ATUTIK 9:3 Referencias Cruzadas

KOMONG'U 23:23

Amu wendi malaikaiyandennyu kondoenen, komutin iwe ole mi Amorik, Hitik, Perisik, Kanaanik, Hibik ak Jebusik ak aiste icheek awong'u.

KOMONG'U 24:17

Ki uu itoondap liilindap Kamuktaindet maat ne peelei kowong'u eng' tulweet parak ko uu ye kigeerei piigap Israel.

ISAIAH 27:4

Ma tinyei nereegek che ng'woneen. Kata myee nda koboryena katook che rutei piich ak che toorei piich! Ta katyegoti icheek, ta kabeele tugul.

ISAIAH 30:27

Ogeero, punu kainetap Kamuktaindet ne Toroor ole loo, lalei eng' nereegekyik, ak eng' iyeto ne oo ne togostoi; nyiitaat kutinnyi nyitatet, ak uu ng'elyeptanyi maat ne peelsei;

ISAIAH 30:30

Ak koyai Kamuktaindet ne Toroor kutinnyi ne po toroornatet kogasak, ak koboor kochoru eunnyi, eng' nyitatetap nereeknatennyi ak liplibenetap maat ne peelsei, kobooto cheet ak usoonet ne oo ak koigap ropta.

ISAIAH 30:33

Amu kigechop Topet kobooch keny; ee, kigechopchi laitoryat; ki koyai kolooit kwo ng'wony ak kotebeesit: karurugutyennyi ko maat ak kweenik che chaang'; inaami kabuusetap Kamuktaindet ne Toroor, ne kergei ak koik che laldos, che isururu.

ISAIAH 33:14

Ki aragenso kiptengeginik che mi Zion; ki konam potanet che ma iywei Kamuktaindet. Mwaei icheek kole ng'oo eng' acheek ne imuuchi komeng'iis ak maat ne igeesu? Ng'oo eng' acheek ne imuuchi komeng'iis ak maat ne lalei koigeny?

MIKAH 2:13

Kagondoe putindet icheek: kagobutis ak koba agoi ormariichet, ak komandae yooto: kagondoe icheek laitoryannywa, ak komi tainnywa Kamuktaindet ne Toroor.

MATAYO 15:10

Ki kuur tuiyet kobwa ole mi ak koleenji, “Ogas ak oguiye:

MARIKO 7:14

Ki kuur tuiyet kogeny kobwa ye mi ineendet ak koleenji, “Ogasa okweek tugul si oguiye:

ROMANIK 8:31

Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?

EPESOEK 5:17

Nooto anyun amoberberitu, ago oguiye kiit ne uu mageetap Kiptaiyat.

NG'ATUTIK 1:30

Yaei pooryeet agobo okweek Kamuktaindet ne Toroor Kamuktaindeng'wong' ne indoenok ko uu tugul che kiyaiywok eng' Misiri,

NG'ATUTIK 20:1

“Ye iwe obargei ak puuniguk ak iroo kotinyei paraisisyek, kariisyek ak piik che chaang' kosiirok, ko mat iywei. Amu mi Kamuktaindet ne Toroor Kamuktaindeng'ung' ne ki imutun imong'u eng' emetap Misiri kobooten.

NG'ATUTIK 20:4

Amu wendi kobootok Kamuktaindet ne Toroor Kamuktaindeng'wong' koyae pooryeet agobo okweek eng' puunikwok ak kosarwok.’

NG'ATUTIK 4:24

Amu Kamuktaindet ne Toroor Kamuktaindeng'ung' ko maat ne iwong'u ak kotinyei ng'et kong'.

NG'ATUTIK 7:16

Ing'eme iwong'u pororyosyek tugul che koonin Kamuktaindet ne Toroor Kamuktaindeng'ung'. Amat iriiree icheek anan ioot kanamonikwak, amu egu mesteet eng' inyee nooto.

NG'ATUTIK 7:22

Oone ko mutyo Kamuktaindet ne Toroor Kamuktaindeng'ung' pororyosyechooto eng' taing'ung'. Ma kichamun ibar iwong'u tugul eng' kasarta agenge ndabuch ko chang'achin tyong'igap timiin.

NG'ATUTIK 9:6

Nai anyun ile ma koonin Kamuktaindet ne Toroor Kamuktaindeng'ung' emoni myee kobunjiin amu imandang'ung'; amu okweek ko oo piich che uueen metowoi.

2 THESSALONIKEK 1:8

eng' maat ne lalei, koyaakyi mugetuut icheeget che ma nai Kamuktaindet, ak icheek che ma kase iit logoiywek che myach che po Kiptaiyandennyo Jeso:

HEBRANIK 12:29

amu Kamuktaindet nenyo ko maat ne igeesu.

JOSHUA 11:12

Ki nam Joshua nganasook tugul che po laitorinichooto ak laitorinikwak tugul; ak kobar kooges icheek eng' rotwetap chok ko uu ye ki kang'at `Musa otwogindetap Kamuktaindet ne Toroor.

JOSHUA 11:8

Ak ki inde `Kamuktaindet ne Toroor icheek eunegap Israel, si kobar ak koon kot koit Sidon ne oo ak Misrepot-maim agoi atebweetap Mispe ole tokyingei kong'asiis. Ki par icheek kowong' kot koma ng'et agot agenge.

JOSHUA 14:12

Ara anyun, konoo tulwooni ki kamwa Kamuktaindet ne Toroor eng' peetuunooto. Ki igas eng' peetuunooto ile ki mi Anagik olooto ak nganasook che eecheen che ng'ootaatiin. Imuuch komi Kamuktaindet ne Toroor kobooto, si aoon koba ko uu ye ki mwa ineendet.”

JOSHUA 3:11

Ogeero, choorchingei Jordan moingetap arorutyetap Kiptaiyat ne po ng'wony komugul kondoenak kolandoi.

JOSHUA 3:14

Ye kingo ng'eetyo piik eng' emaisyekwak koba kolandae Jordan, ko ki indoe tisiik che ibei moingetap arorutyet.

KIRUOGIK 4:14

Koleenji Debora Barak, “Ng'eet! Ni peetuut ne indoi Kamuktaindet ne Toroor Sisera eung'ung'. Mi Kamuktaindet ne Toroor kondoun.” Ki wo anyun Barak kochoortagei eng' tulweetap Tabor, kobooto kiplugotinik eliphuusyek taman kosubi ineendet.