NG'ATUTIK 8:16 - Bukuit Ne Tilil

¹⁶ Kibaenen mana eng' surkwen che ki ma nai kwanisyeguk, si koming'inin ak kotyemin. Kiyaun ne myee eng' let,

BUKUIT NE TILIIL Sireet ne Dutero Kanon

¹⁶ Kibaenen mana eng' surkwen che ki ma nai kwanisyeguk, si koming'inin ak kotyemin. Kiyaun ne myee eng' let,

BUKUIT NE TILIL

¹⁶ ne kibaenen mana eng’ ong’atet, che kima nai kwanisieguk; si koming’inin, ak kotiemin, si koyaun ne mie eng’ let:

NG'ATUTIK 8:16 Referencias Cruzadas

TAUNET 22:1

Kingo pata tuguuchooto, kotyem `Kamuktaindet Abraham, koleenji, “Abraham” ak ki le, “Ami yu.”

2 ATEPTAP PEETUUSYEK 32:31

Ago eng' ng'aleegap piik che ki iyook pounigap Babilon, che ki pwa koteepse agobo kwang'utyet ne kiyaak eng' emet, ko ki pagaakta `Kamuktaindet ineendet, kotyem si konai tuguuk tugul che ki mi muguleldanyi.

Kitabuutap JOB 42:12

Ki iberuur anyun `Kamuktaindet ne Toroor peetuusyek che po let che po Job kosiir peetuusyekyik che po tai, amu ki tinyei keechiirek eliphuusyek taman ak ang'wan, tambeesik eliphuusyek lo, eiik eliphuusyek aeng' che po chogit ak iyuogik eliphuut che po sigiroik.

TIENWOGIKAL 119:68

Ii myee, ak iyae ne myee; ineeta ng'atuutiguk.

KOMONG'U 15:25

Ki riirchi `Musa Kamuktaindet ne Toroor ak ki iboorchi `Kamuktaindet ne Toroor ineendet keetit. Ki nam keetoto yeityo kowiirchi peek ak ki anyinyitu. Kichopchi `Kamuktaindet ne Toroor icheek eng' olooto ng'atuutyet ak kirwooget kotyeme icheeget:

KOMONG'U 16:15

Ye kingo keer piigap Israel tuguuchooto, koteebegei icheegei, kole, “Nee tuguuchuuto?” Amu ki ma nai tuguuchooto. Ak ki leenji Musa, “Amitwogik chuuto che kagoonok Kamuktaindet ne Toroor oam.

KOMONG'U 16:31

Ki kuure kootap Israel amitwogichooto Mana: ki kergei tuguuchooto ak peek che mubere che leelach ak ki chamu magatiinik che mengeechen che ki kikwanda kumyat.

KOMONG'U 16:4

Ki leenji `Kamuktaindet ne Toroor Musa anyun, “Aroong'wok amitwogik che punu kipsengwet. Pendi piik peetuut age tugul koyumi che yamei peetuut si kobiit atyem icheek anai ngo muuchi koosup ng'atuutyennyu.

KOMONG'U 20:20

Koleenji `Musa piik, “Amoiywei, amu kanyo Kamuktaindennyo kotyemak si kotebee taing'wong' kaiyweisyennyi ne oiywei ineendet asi moyai tengek.”

KALEWANAIK 17:3

Po `tereet fedha che kitiliili, ak po `maat ne oo thahabu, ago Kamuktaindet ne Toroor ne tyemei mugulelwek.

DANIEL 11:35

Ak kobutyo alak eng' che utaatiin, si kobiit kitiliil, ki anyiny, ak keyai koleelagitu, kot koit peetuut ne po let, amu ta koitu peetuut ne ki king'at.

ROMANIK 8:28

Ak kingen keele, eng' icheek che chamei Kamuktaindet, kotuitos tuguuk tugul si kobois koreu che myach eng' icheek che kigeguur ko uu magennyi.

2 KORINTOEK 4:17

Amu pichiindanyo ne nyumnyum, ne ma tebyei, koyaiywech toroornatet ne oo ne po koigeny, ne tesoksei miising' kosiir;

NG'ATUTIK 13:3

ko meepchi iit ng'aleegap maotyondonooto anan karwotitoindonooto. Amu tyemok Kamuktaindet ne Toroor Kamuktaindeng'wong' si konai ngo chame Kamuktaindet ne Toroor Kamuktaindeng'wong' eng' mugulelwekwok ak eng' saboonwekwok.

NG'ATUTIK 8:2

Ibwaat ooreet komugul ne ki komutunenen Kamuktaindet ne Toroor Kamuktaindeng'ung' eng' surkwen kenyisyechu artam, koming'inin ak kotyemin si konai kiit ne mi muguleldang'ung', ngichame anan ko mechame iriip ng'atuutikyik.

NG'ATUTIK 8:3

Ki iming'inin, ki koonin koamin rubeet ak kibaenen mana che ki ma inai, amanai kwanisyeguk. Ki yai niito si kogoonin inai ile ma sabei chii eng' amdit kityo, ago sabei eng' kiy age tugul ne mang'une kutitap Kamuktaindet ne Toroor.

JAKOBO 1:12

Paibai chiito ne muitoi eng' yoomseet: amu ye kagoterteer, kotaachei kuutweet ne po saboondo, ne ki iarorchi Kiptaiyat icheek che chamei ineendet.

1 PETERO 1:7

si kenyoor eng' kalasunet ak toroornatet ak teegisto, tyemet ne chamaksei ne po kayaneng'wong', ne tinyei kamanuutyet ne oo kosiir ne po thahabu che petos nganda kityemei eng' maat, eng' ng'ang'et ne po Jeso Kristo: