NG'ATUTIK 8:11 - Bukuit Ne Tilil

¹¹ “Riipkei anyun si meutye Kamuktaindet ne Toroor Kamuktaindeng'ung' ak imete ng'atuutikyik, kirwoogutikyik ak kaneetisyosyechooto kang'atiin rani.

BUKUIT NE TILIIL Sireet ne Dutero Kanon

¹¹ “Riipkei anyun si meutye Kamuktaindet ne Toroor Kamuktaindeng'ung' ak imete ng'atuutikyik, kirwoogutikyik ak kaneetisyosyechooto kang'atiin rani.

BUKUIT NE TILIL

¹¹ Ripgei anyun, si meutie Jehovah Kamuktaindeng’ung’, imete ng’atutikyik, ak kiruogutikyik, ak konetisiosiekyik, che kang’atin rani:

NG'ATUTIK 8:11 Referencias Cruzadas

TIENWOGIKAL 103:2

Ilasu Kamuktaindet ne Toroor, ee saboondanyu, ameutyee konunoikyik tugul.

TIENWOGIKAL 106:21

Ki iutye Kamuktaindet, yetindennywa, ne kiga koyai tuguuk che eecheen eng' Misiri,

KALEWANAIK 1:32

Amu parei icheek kachuchugetapkei ne po abusanik, ak ng'emei icheek poroteetap che perber.

KALEWANAIK 30:9

si ma piye ak aeesyen, ak ale, “Ng'oo Kamuktaindet ne Toroor?” Anan si ma egu kibanania, ak achoorse, si ma mwa kainetap Kamuktaindennyu eng' tangoi.

ISAIAH 51:13

ak ki iutye Kamuktaindet ne Toroor Yaindeng'ung', ne kiito kipsengwet, ak kolumda lumeiywegap ng'wony; ak iyweisyei kotugul, peetuut komugul, amu koroomnatetap usiindet ye chobegei si kong'emis? Mi ano koroomnatetap usiindet?

JEREMIA 23:27

che leen kogoochi piikyuk koutye kainennyu eng' karwotitaosyekwak che mwachin chii tugul chiitap kokwennyi, ko uu ye kiutye kwanisyekwak kainennyu amu Baal?

ATEPTAP LAWIK 13:48

anan ngo mitune usiisyek che ki kitoor anan che ki kimur, che po katanit, anan ngo che po koroorigap keechiirek, ngo magateet, anan eng' kiy age tugul ne kiyae magateet,

MALAKI 4:4

“Obwaat Ng'atuutyetap otwogindennyu Musa ne ki ang'at eng' Horeb, agoochi ng'atuutik ak kirwoogutik agobo Israel komugul.

KAITOSYEK 15:39

Egu anyun sawoiyot eng' okweek ne ogeere ak obwaat ng'atuutik tugul che po Kamuktaindet ne Toroor ak oyai, si mosup kiit ne machei mugulelwekwok ak konyekwok, che ki cham osubi oibegei.

NG'ATUTIK 11:32

Oriip anyun ak oyai kaneetisyosyek ak kirwoogutik tugul che kande taing'wong' rani.

NG'ATUTIK 4:1

Ki testai Musa kong'alaal ak ki le ara anyun, ee Israel, oepchi iit ng'atuutik ak kirwoogutik, che aneetook si kobiit oyai si osapche ak obe onam kobunjook emet ne koonok Kamuktaindet ne Toroor, Kamuktaindetap kwanisyekwok.

NG'ATUTIK 4:5

Ki aneetak ng'atuutik ak kirwoogutik ko uu ye king'ata Kamuktaindet ne Toroor Kamuktaindennyu, si kobiit oyai chooto eng' emet ne obendi oname.

NG'ATUTIK 4:9

Riipkei anyun, ak iriip saboondang'ung' eng' kagiiletapkei, si meutye tuguuk che ki keer konyeguk ak si ma manda eng' muguleldang'ung' eng' peetuusyeguk tugul che po sabeeng'ung'; agoi ineet lagoguk tuguuchuuto ak mochogoroniguk.

NG'ATUTIK 6:11

ak kooriik che nyiitootiin tuguuk tugul che myachen che ki ma inyiiti, keriingonik che po peek che ki ma ibale, mbareenigap sabibuk ak mseituni che ki ma imiine, ak ye iam ak ibiye,

NG'ATUTIK 7:11

Riip anyun ak iyai ng'atuutik, kaneetisyosyek ak kirwoogutik che kang'atiin rani.

NG'ATUTIK 8:14

Memeen anyun ak iutye Kamuktaindet ne Toroor Kamuktaindeng'ung' ne ki imutun imang'une emetap Misiri eng' kootap otwoknateet,

KIRUOGIK 3:7

Ki yai ne ya piigap Israel eng' taitap Kamuktaindet ne Toroor, koutye ineendet kamuktaindennywa ak koot Baalik ak Aserot.