NG'ATUTIK 4:10 - Bukuit Ne Tilil

¹⁰ Eng' peetuut ne ki itonone taitap `Kamuktaindet ne Toroor Kamuktaindeng'ung' eng' Horeb, ye ki leenjo `Kamuktaindet ne Toroor, Iyumwa piik ak agoochi kogas ng'aleekyuk si koneetkei koiywea eng' peetuusyekwak tugul komi ng'wony ak si koneet lagokwak.

BUKUIT NE TILIIL Sireet ne Dutero Kanon

¹⁰ Eng' peetuut ne ki itonone taitap `Kamuktaindet ne Toroor Kamuktaindeng'ung' eng' Horeb, ye ki leenjo `Kamuktaindet ne Toroor, Iyumwa piik ak agoochi kogas ng'aleekyuk si koneetkei koiywea eng' peetuusyekwak tugul komi ng'wony ak si koneet lagokwak.

BUKUIT NE TILIL

¹⁰ eng’ betut ne kiitonone taitab Jehovah Kamuktaindeng’ung’ eng’ Horeb, ye kilenja Jehovah, Iyumwa bik, ak agochi kogas ng’alekyuk, si konetgei koiywea eng’ betusiekwak tugul komi ng’ony, ak si konet lagokwak.

NG'ATUTIK 4:10 Referencias Cruzadas

TAUNET 18:19

Amu ki alewen ineendet si komuuch koboi lagokyik ak koonnyi ne tuun piitu, si kobiit koriip ooreetap Kamuktaindet ne Toroor eng' yaeet ak kirwoogetap imanda; si kosuldochi `Kamuktaindet ne Toroor Abraham kiit ne ki mwa agobo ineendet.”

TIENWOGIKAL 145:4

Ilasu poisyoniguk ibinda age agoi ibinda age, ak mwaitoi poisyoniguk che po kamuktaet.

KOMONG'U 19:1

Ki it anyun piigap Israel surkwen ne po Sinai eng' arawet ne po somok kobooch ngap komanda eng' emetap Misiri.

KOMONG'U 19:11

Ingochopkei agobo peetuut ne po somok: amu choorchingei Kamuktaindet ne Toroor tulweetap Sinai eng' peetuutap somok eng' taitap piik tugul.

KOMONG'U 19:16

Eng' peetuutap somok anyun, ko kaeech kobiit tuloosyek ak kalyelosyek. Ki ilaach `pooldet ne tuui tulweet ak ki mi cheetap iryageet ne cheei kot. Kibotanso piik tugul che ki mi nganaseet.

KOMONG'U 19:9

ak ki leenji `Kamuktaindet ne Toroor Musa, “Anyoonjinin iman eng' pooldet ne tuui si kobiit kogas piik ye ang'alaalun ak koyanin agoi.” Kingo mwachi `Musa Kamuktaindet ne Toroor ng'aleegap piik,

KOMONG'U 20:18

Ye kingo keer piik tugul kalyelosyek ak tulweet ne ki iyeni, ak kogas tuleetap ilotik ak cheetap iryageet, kobotanso eng' arageneet ak kotononso eng' ole loo.

KOMONG'U 20:20

Koleenji `Musa piik, “Amoiywei, amu kanyo Kamuktaindennyo kotyemak si kotebee taing'wong' kaiyweisyennyi ne oiywei ineendet asi moyai tengek.”

AMDOINDET 12:13

Ara nguno ko kagogasak tugul, ni anyun ko kagesunetap tuguuchu: Iywei Kamuktaindet ak iriip ng'atuutikyik, amu nyoljin chiito poisyoniito tugul.

ISAIAH 38:19

Ilasun che saptos, ee che saptos, ko uu ye alasun ra. Iboorchin `kwanisyek lagok imandang'ung'.

LUKA 1:50

Tebyei rireenennyi eng' ibinda agoi ibinda eng' icheeget che konyiti ineendet.

NG'ATUTIK 11:19

Oneet lagokwok chooto ye ong'alaaldosi, ye itebye eng' koong'ung', ye iwendoti, ye irue ak ye ing'eete.

NG'ATUTIK 12:1

“Chu kirwoogutik ak atebosyek che tuun oriibe oyae eng' emet ne ki koonok Kamuktaindet ne Toroor, Kamuktaindetap kwanisyeguk, kobunjiin kotee osaptosi eng' ng'wony.

NG'ATUTIK 14:23

Iamisyei eng' taitap Kamuktaindet ne Toroor Kamuktaindeng'ung', eng' ole leweni konde kainennyi komeny olooto, kebebertap taman ne po peeguk, divaiguk, mwaniguk ak che twatei akweeng'ung' ak keechiireguk, si ineetkei iywei Kamuktaindet ne Toroor Kamuktaindeng'ung' kotugul.

NG'ATUTIK 17:19

Ngo tepto ak kosoman ko tee kosabei, si koneetkei koywei Kamuktaindet ne Toroor Kamuktaindennyi, koriip ak koyai ng'aleek tugul che po ng'atuutyoni ak kaneetisyosyechu.

NG'ATUTIK 4:9

Riipkei anyun, ak iriip saboondang'ung' eng' kagiiletapkei, si meutye tuguuk che ki keer konyeguk ak si ma manda eng' muguleldang'ung' eng' peetuusyeguk tugul che po sabeeng'ung'; agoi ineet lagoguk tuguuchuuto ak mochogoroniguk.

NG'ATUTIK 5:2

Ki yai `Kamuktaindet ne Toroor, Kamuktaindennyo kayomiset kobootech eng' Horeb.

NG'ATUTIK 5:29

Kata myee anyun nda tinyei kotugul muguleldo ne uu nooto si koiywea ak koriip ng'atuutikyuk tugul si komyeeit eng' icheek ak eng' lagokwak agoi.

NG'ATUTIK 6:2

si kobiit igonyit Kamuktaindet ne Toroor Kamuktaindeng'ung', inyee ak weeriing'ung' ak mochogoreng'ung' eng' peetuusyeguk tugul kotee isabe. Ak iriip kaneetisyosyekyik tugul ak ng'atuutikyik che ang'atiin, si kochang'a peetuusyeguk.

NG'ATUTIK 6:7

Ineet lagoguk eng' kagiiletapkei: ng'alaale ye itebye ng'wony eng' koong'ung', ye iwendi eng' ooreet, ye irue ak ye ing'eete.

HEBRANIK 12:25

Ogeer, amoeesye ineendet ne ng'alaali. Amu ngot ko ki ma chililyo icheek ye kingo eesyo ineendet ne kiga koteeita eng' ng'wony, kesiire ne tya anyun acheek ngot keistoegei ineendet ne iteu eng' kipsengwet:

NG'ANG'UTYET 19:5

Ak ki mong' kutit eng' ng'echereetap laitornatet, kole, “Olasu Kamuktaindet nenyo, okweek tugul otwogikyik che oiywei ineendet, che mengeechen ak che eecheen.”

1 SAMUEL 12:24

Ne siirei tugul, ko oiywei Kamuktaindet ne Toroor kityo ak oot ineendet eng' imanit, eng' mugulelwekwok tugul, ak obwaat olete tuguuk che eecheen che ki koyaiywok.