NG'ATUTIK 33:10 - Bukuit Ne Tilil

¹⁰ Ineeti Jakobo kirwoogutiguk, Ak koneeti Israel ng'atuutyeng'ung': Indoi taing'ung' nyamdutik che kibeelei, Ak konde kagoochinet ne kibeelei komugul kaptisisyeng'ung'.

BUKUIT NE TILIIL Sireet ne Dutero Kanon

¹⁰ Ineeti Jakobo kirwoogutiguk, Ak koneeti Israel ng'atuutyeng'ung': Indoi taing'ung' nyamdutik che kibeelei, Ak konde kagoochinet ne kibeelei komugul kaptisisyeng'ung'.

BUKUIT NE TILIL

¹⁰ Ineti Jakobo kiruogutiguk, Ak koneti Israel ng’atutieng’ung’: Indoi taing’ung’ nyamdutik che kibeelei, Ak konde kagochinet ne kibeelei komugul kaptisisieng’ung’.

NG'ATUTIK 33:10 Referencias Cruzadas

2 ATEPTAP PEETUUSYEK 26:18

Ki kirinda Uzziah laitoryat ak koleenji, “Manyoljin, Uzziah, ibeelji Kamuktaindet ne Toroor nyamdutik, ago nyoljin tisiik weeriigap Aron, che ki kitabaan kobeel nyamdutik. Mande eng' ole-tiliil; amu kengelel; ma egu teegisto niito eng' inyee ne punu Kamuktaindet ne po Toroornatet.”

2 ATEPTAP PEETUUSYEK 30:22

Kicheer anyun `Hezekiah Lawiik tugul che ki ineetatin eng' otisyetap Kamuktaindet ne Toroor. Koamis anyun eng' igoorto tugul eng' peetuusyek tisap, kogoitoi tiseiywek che po kaalyeet, ak komwachin kongoi Kamuktaindet ne Toroor, Kamuktaindetap kwanisyekwak.

EZRAH 7:10

Amu kiga kogiilgei eng' muguleldanyi Ezrah kocheeng' ng'atuutigap Kamuktaindet ne Toroor, koyai ak koneet kayomisutik ak kirwoogutik eng' Israel.

NEEMIA 8:18

Kisoman kogeny peetuut age tugul bukuit ne po Ng'atuutigap Kamuktaindet, kobooch peetuut ne po tai agoi peetuut ne po let. Ki yai igoorto peetuusyek tisap, ak eng' peetuutap sisiit koyai tuiyetap kaming'inetapkei, ko uu ye ki king'at.

TIENWOGIKAL 51:19

Ibaibaitune anyun tiseiywek che po iman, eng' kagoochinet ne kibeelei ak kagoochinet ne kibeelei komugul; igoitoi anyun `icheek kiruugik eng' kaptisisyeng'ung'.

EZEKIEL 43:27

Ak ye kagobata peetuusyechooto, kobeel anyun tisiik kagoochinoikwok che kibeelei, eng' kaptisisyet, kobooto kagoochinoikwok che po kaalyeet, eng' peetuutap sisiit ak kwo tai; si ataachak, mwaei Kiptaiyat Kamuktaindet ne Toroor.

HOSEA 4:6

Ki keng'em piikyuk amu ma tinyei naet; amu ki ieesye naet, aesyoin agane si ma iegu tisiindet eng' anee. Ak amu ki iutye ng'atuutigap Kamuktaindeng'ung', autye agane lagoguk.

ATEPTAP LAWIK 1:13

Ago ingoun tuguugap ke ak keelyek eng' peek. Ingogoito tisiindet panyeek tugul ak kobeel eng' kaptisisyet. Niito ko kagoochinet ne kibeelei, kagoochinet ne punei maat, nyamdutyet ne anyiny eng' Kamuktaindet ne Toroor.

ATEPTAP LAWIK 1:17

Yeityo kogereer kopcheune aeng' kebebaikyik amat koobeesyo. Ingobeel tisiindet chooto eng' kaptisisyet eng' kweenik che mi ma. Niito kagoochinet ne kigoitoi kebeel, kagoochinet ne punei maat, nyamdutyet ne anyiny eng' Kamuktaindet ne Toroor.”

ATEPTAP LAWIK 1:9

Ago ingoun eng' peek tuguugap ke kobooto keelyekyik ak kobeel tisiindet kirgooto komugul eng' kaptisisyet. Niito ko tiseiywot ne kibeelei, kagoochinet ne punei maat, nyamdutyet ne anyiny eng' Kamuktaindet ne Toroor.

ATEPTAP LAWIK 10:11

Oneet piigap Israel ng'atuutik tugul che ki komwachi `Kamuktaindet ne Toroor icheek eng' Musa.”

ATEPTAP LAWIK 16:12

Ak konem tereet ne nyiitaat ng'etetyot ne punu maatap kaptisisyet ne mi taitap Kamuktaindet ne Toroor, ak ko nyiitaat eunekyik nyamdutik che ng'uu ne anyiny che ki kitui komengegitu, ak koip koba koot ne po oriit, ne ki kioiye angeet.

ATEPTAP LAWIK 16:13

Indoi ineendet nyamdutik ma, eng' taitap Kamuktaindet ne Toroor si kobiit kotuch iyeto ne po nyamdutik kerwetap rireenet ne mi paragutap paornateet, si ma me.

HAGGAI 2:11

“Mwaei Kamuktaindet ne Toroor ne po lugoosyek kole: oteebe tisiik agobo ng'atuutik, oleenji:

HAGGAI 2:12

Ngot koibe chiito ngoryennyi panyeek che itabaanatiin, ak kotiiny ngoryonooto magatyat, anan sogoryek, anan divaik, anan mwanik, anan amit age tugul, ko tos tiliiliitu?” Ak ki wol tisiik kole, “Achicha.”

KAITOSYEK 16:40

Ki ek nooto kabwaatet eng' piigap Israel si ma riik toondet ne ma po ooreetap Aron, nyoo kobeel nyamdutik eng' taitap Kamuktaindet ne Toroor, si ma igei Kora ak piikyik. Ki yaak chooto ko uu ye ki mwachi `Kamuktaindet ne Toroor ineendet eng' Musa.

KAITOSYEK 16:46

Yeityo koleenji `Musa Aron, “Ip tereeng'ung' ak inde maat ne punu kaptisisyet tereet oriit ak inde nyamdutik paragunnyi yeityo iip ichaaktae kwo ole miitei tuiyet si iyachi kagaigaet. Amu kagobun nereegek Kamuktaindet ne Toroor ak kagotoigei koroito.”

KAITOSYEK 7:50

ak nyigiisindap gramit agenge ne po thahabu ne yamei shekelisyek taman, ne nyiitaat nyamdutik;

NG'ATUTIK 24:8

“Riipkei eng' koroitap mogondosaik, riip komyee eng' kagiiletapkei ak iyai ko uu tugul che ineetin tisiik Lawiik. Ko uu ye ki ang'at icheek, oriip anyun si oyai ko uu nooto.

NG'ATUTIK 27:14

ak kowol Lawiik koleenji piik tugul che po Israel eng' kutit ne oo kole,

NG'ATUTIK 33:11

Ee, Kamuktaindet ne Toroor, iberuur tuguukyik, Ak itaach poisyonigap eunekyik. Pir suenutigap icheeget che ng'eetyin, Ak che po icheeget che wechei ineendet si ma ng'eetyo kogeny.”

HEBRANIK 7:25

Eng' nooto anyun komuuchi kogeny kosar agoi kasuldaet icheek che pwaanjin Kamuktaindet eng' ineendet, amu sabei ineendet koigeny si kobiit kosaaei agobo icheek.

HEBRANIK 9:24

Amu ki ma mong'ji Kristo ole-tiliil ole ki kiyae eunek, ne karogutyetap tuguugap iman; ago ki mong'ji kipsengwet ineendet, si kotaagu eng' taitap Kamuktaindet agoi acheek:

1 SAMUEL 2:28

Ak ki alewen ineendet eng' pororyosyek tugul che po Israel koek tisiindennyu, kotogosta ole mi kapkorosunnyu, kwo kobeel nyamdutik ak kolaach ephod eng' tainnyu? Tos ma ki agoochi kootap kwandang'ung' kagoochinoik tugul che po Yahudik che kigoitoi kobun maat?