NG'ATUTIK 28:21 - Bukuit Ne Tilil

²¹ Koonin Kamuktaindet ne Toroor koroito konamin agoi kowong'un eng' emet ne iwendi iname kobunjiin.

BUKUIT NE TILIIL Sireet ne Dutero Kanon

²¹ Koonin Kamuktaindet ne Toroor koroito konamin agoi kowong'un eng' emet ne iwendi iname kobunjiin.

BUKUIT NE TILIL

²¹ Konin Jehovah koroito konamin agoi kowong’un eng’ emet ne iwendi iname kobunjin.

NG'ATUTIK 28:21 Referencias Cruzadas

2 SAMUEL 24:15

Ki iyookyi `Kamuktaindet ne Toroor anyun koroitap ng'wony Israel, kong'etee karon agoi sait ne ki king'at ak ki pek piik eliphuusyek tamanwogik tisabu kobooch Dan agoi Beer-sheba.

1 LAITORINIK 8:37

“Ngot kobiit rubeet eng' emet, anan ko koroito, ngot kobiit chelalityet anan ko uchatet, chereng'endet anan ko kutyet; ngot koyiem icheek puunikwak eng' emetap nganasookwak; koroito age tugul anan komi myando age tugul ne piitu,

KOMONG'U 5:3

Ak ki le icheek, “Kinyonjech Kamuktaindet ne po Yahudik. Kaigai anyun undech keebe pandap peetuusyek somok eng' surkwen, si keeng'ji Kamuktaindet ne Toroor, Kamuktaindennyo, tiseiywot, si ma pirenech koroito, anan ko rotwetap chok.”

JEREMIA 15:2

Ak ngo teebenen koleenjin, kibendi ano? Imwachi anyun ileenji, mwaei Kamuktaindet ne Toroor kole, Che po meet, kobendi meet, che po rotwetap chok, kobendi rotwetap chok, che po rubeet, kobendi rubeet, ak che po luuleet, kobendi luuleet.

JEREMIA 16:4

‘Pegu icheek eng' meet ne ng'waan; ma kiriirchin, ama kitubei. Igeitu ng'atateek eng' ng'wony ak ki pare rotwetap chok ak rubeet; si koek muuswekwak amitwogigap toriitigap parak ak tyong'igap ng'wony.’ ”

JEREMIA 24:10

Ak ayookyi icheek rotwetap chok, rubeet, ak koroito, agoi kogeskei eng' emet ne ki agoochi icheek ak kwanisyekwak.

ATEPTAP LAWIK 26:25

Aibwok rotwetap chok ne yaakwok mugetuut ne po kayomiset. Ye oyumjigei nganasookwok, ayookwok koroito konyo kweng'wong' ak kindeak eunegap puunikwok.

AMOS 4:10

Ki ayookwok koroito ko uu ni ki po Misiri; ki abar murenikwok eng' rotwetap chok, ak ki akweri paraisisyekwok; ak ki ayai pulatetap nganaseng'wong' kotogos kot koit seruunekwok; ago tomo oweekyage, mwaei Kamuktaindet ne Toroor.

SEKARIA 14:12

Ak piitu koroitap ng'wony ne pire `Kamuktaindet ne Toroor piik tugul che ki pargei ak Jerusalem: nundos poorwekwak kota kotonondos, ak konunio konyekwak eng' kelongonikwak, ak konunio ng'elyebwekwak eng' kutusweekwak.

KAITOSYEK 14:12

Abare koroito ak aistoegei icheek, ak ayaaiin iegu pororyet ne oo ne kiim kosiir icheek.”

KAITOSYEK 25:9

Eng' yooto che ki pek eng' koroyooto, ko piik eliphuusyek tiptem ak ang'wan.

MATAYO 26:7

konyonji ineendet kobogoryot ne ki tinyei chuboit ne mi mwaita ne nyamdut ne mi parak miising' alyennyi, ak koroong'ji metitap Jeso ye kita koamisyei.