NG'ATUTIK 20:1 - Bukuit Ne Tilil

¹ “Ye iwe obargei ak puuniguk ak iroo kotinyei paraisisyek, kariisyek ak piik che chaang' kosiirok, ko mat iywei. Amu mi Kamuktaindet ne Toroor Kamuktaindeng'ung' ne ki imutun imong'u eng' emetap Misiri kobooten.

BUKUIT NE TILIIL Sireet ne Dutero Kanon

¹ “Ye iwe obargei ak puuniguk ak iroo kotinyei paraisisyek, kariisyek ak piik che chaang' kosiirok, ko mat iywei. Amu mi Kamuktaindet ne Toroor Kamuktaindeng'ung' ne ki imutun imong'u eng' emetap Misiri kobooten.

BUKUIT NE TILIL

¹ Ye iwe obarge ak buniguk, ak iro mbartanyisiek, ak karisiek, ak bik che chang’ kosiirok, ko mat iywei: amu mi Jehovah Kamuktaindeng’ung’ koboten, ne kiimutun imong’u eng’ emetab Misri.

NG'ATUTIK 20:1 Referencias Cruzadas

TAUNET 26:3

Egu toondet eng' emoni, ami kobooten, ak aberuurin; amu agoonin inyee, kobooto lagoguk, emotinwechuuto tugul, ak agimiit kayasyoet ne ki ayasyechi kwandang'ung' Abraham.

2 ATEPTAP PEETUUSYEK 14:10

Ki wo anyun Asa kotorookta ineendet ak kitet lugeet eng' atebweetap Sepata ne mi Maresha.

2 ATEPTAP PEETUUSYEK 14:11

Ki riirchi `Asa Kamuktaindet ne Toroor Kamuktaindennyi, kole, “Kamuktaindet ne Toroor, ma mi age kobatenen ne imuuchi kotoretis eng' kwenutap ne kiim ak ne ma tinyei kimnateet: toretech, ee Kamuktaindet ne Toroor, Kamuktaindennyo; amu kimang'un, ak kagibwa kebarge ak tuiyoni eng' kaineng'ung'. Ee Kamuktaindet ne Toroor, ii Kamuktaindennyo; amat koterteerin chii.”

2 ATEPTAP PEETUUSYEK 20:12

Ee Kamuktaindennyo, merwookyini? Amu ma ki tinyei kamuget kebarge ak tuiyoni oo kagobokyech. Ma kingen kiit ne kiyaei, ago inyalin konyekyok.”

2 ATEPTAP PEETUUSYEK 20:15

Ki le ineendet, “Oeb iit okweek tugul kap Judah ak che omenye Jerusalem, kobooten inyee Laitoryat Jehoshaphat: kamwaiwok Kamuktaindet ne Toroor ko uu ni, kole: ‘Amoiywei anan oaragense amu lugoni oo; amu ma neng'wong' lugeet, ago po Kamuktaindet.

TIENWOGIKAL 118:6

Mi Kamuktaindet ne Toroor komostanyu; ma yweisyei. Imuuchi koyaiywo nee chii?

TIENWOGIKAL 20:7

Imang'u alak kariisyegap lugeet ak alak paraisisyek; ago kibwaati acheek kainetap Kamuktaindet ne Toroor, Kamuktaindennyo.

TIENWOGIKAL 23:4

Ee, agot ngabune atebweet ne po urwetap meet, koma ywei yaityo; amu imi kobooto; igaigaa kiroktong'ung' ak siaring'ung'.

TIENWOGIKAL 46:11

Mi Kamuktaindet ne Toroor ne po lugoosyek kobootech; Kamuktaindetap Jakobo ko ole kimwechini.

TIENWOGIKAL 46:7

Mi kobootech Kamuktaindet ne Toroor ne po lugoosyek; Kamuktaindetap Jakobo ole kemwechini.

TIENWOGIKAL 46:8

Obwa si ogeer poisyonigap Kamuktaindet ne Toroor, ogeer tuguuk che kikwong'ee che ki yai ineendet eng' ng'wony.

KOMONG'U 20:2

“Aa Kamuktaindet ne Toroor, Kamuktaindeng'ung' ne ki imutun imang'une emetap Misiri, kootap otwoknateet.

ISAIAH 31:1

Pwo eng' icheek che choorchingei Misiri kocheeng'ei toreteet, ak kotiegei paraisisyek; ak komang'u kariisyek, amu chaang', ak komang'u piik che ketei paraisisyek amu kiimeen kot; ago ma inyali Ineendet ne Tiliil ne po Israel, ama cheeng'ei Kamuktaindet ne Toroor!

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

ISAIAH 43:2

Ami kobooten ye ibune peek che chaang'; ak ye ibune ainoosyek, koma imaluuchin; ye ibune maat, koma peelin; ama imelin liplibenetap maat.

ISAIAH 7:14

Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel.

JEREMIA 16:14

Nooto anyun, ogeero, pwoonei peetuusyek, mwaei Kamuktaindet ne Toroor, ne ma kemwaei kogeny keele, Ko uu ye sabei Kamuktaindet ne Toroor, ne ki imut piigap Israel komang'une emetap Misiri;

SEKARIA 10:5

Ak koigei piik che nyigoonen, che tyechei puunikwak eng' ng'atateegap ortinwek eng' pooryeet; ak kobargei, amu mi Kamuktaindet ne Toroor kobooto icheek: ak kotoptobenso piik che ketei paraisisyek.

KAITOSYEK 10:9

“Ye obe lugeet eng' emeng'wong' obaregei ak puunyoot ne usook, oguut anyun igondisyechooto po waagaat, si kibwaatak anyun eng' taitap Kamuktaindet ne Toroor Kamuktaindeng'wong' ak kesorwok eng' puunikwok.

KAITOSYEK 23:21

Tomo kogeerchi Jakobo tengekto, ama keerchi Israel kiy ne imaasat. Mi kobooto ineendet Kamuktaindet ne Toroor Kamuktaindennyi, ak mi cheetap laitoryat kwenunnywa.

ROMANIK 8:31

Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?

NG'ATUTIK 1:29

Ki aleenjok anyun, “Among' komuok anan oiywei icheek.

NG'ATUTIK 2:7

“Amu ki koberuurin Kamuktaindet ne Toroor Kamuktaindeng'ung' eng' poisyet tugul ne po euneguk. Ki konai pandang'ung' eng' ong'atani oo. Ki imi kobooten Kamuktaindet ne Toroor Kamuktaindeng'ung' eng' kenyisyechu artam ak ma rarun kiy.

NG'ATUTIK 20:2

Ye neegit iyai lugeet, koriik anyun tisiindet ak kong'alaalji piik koleenji,

NG'ATUTIK 20:3

‘Ogaso, ee Israel koriikyi rani lugeet obargei ak pounikwok amogoochi mugulelwekwok kotanuiso, amoiywei anan obotanse, among' komuok pichooto.

NG'ATUTIK 31:6

Ogimegitu, onyiganitu, amoiywei anan oaragense amu icheek. Amu wendi Kamuktaindet ne Toroor Kamuktaindeng'ung' kobooten ago ma metoin ineendet ama pagaaktoin.”

NG'ATUTIK 31:8

Ineendet Kamuktaindet ne Toroor ne indoenen ak mi kobooten, amemetoin, ama pagaaktoin ameiywei anan iaragen.”

NG'ATUTIK 7:1

Ye kagoiitin Kamuktaindet ne Toroor Kamuktaindeng'ung' emet ne iwendi iname kobunjiin ak koon pororyosyek che chaang' eng' taing'ung', che chooto ko Hitik, Girgasik, Amorik, Kanaanik, Perisik, Hibik, ak Jebusik, pororyosyek tisap che eecheen ak ko kiimeen kosiirin,

NG'ATUTIK 7:18

Meiywei pichooto; ibwaat miising' ne ki yachi Kamuktaindet ne Toroor Kamuktaindeng'ung' Pharaoh ak Misiri komugul.

NG'ATUTIK 7:21

Among' komuok, amu Kamuktaindet ne Toroor Kamuktaindeng'wong' ne mi kobootok, ko Kamuktaindet ne oo ak ko po kwong'eet.

NG'ATUTIK 9:3

Nai anyun rani ile, Kamuktaindet ne Toroor Kamuktaindeng'ung', ko landoi kondoenen ko uu maat ne oo ne liblibeni. Ng'emei pichooto ak kogoochi konyeratitu eng' taing'ung' si iluul ak ing'em ichokyi ko uu ye kimwaun Kamuktaindet ne Toroor.

JOSHUA 1:5

Ma piitu chii ne imuuchi kotonon eng' taing'ung' peetuusyek tugul kotee isabe. Ko uu ye ki ami kobooto Musa, ko uu nooto ami kobooten. Ma meteen anan abagaakteen.

JOSHUA 1:9

Tos ma anee ne ki ang'atiin? Kimitu ak inyiganitu. Meiywei anan itoptoben amu mi Kamuktaindet ne Toroor Kamuktaindeng'ung' kobooten eng' ui tugul ole iwendi.”

JOSHUA 11:9

Ki yachi `Joshua icheek ko uu ye ki ng'at Kamuktaindet ne Toroor. Ki ep kwarinigap paraisisyekwak yeityo kobeel kariisyekwak eng' maat.

KIRUOGIK 6:12

Ak ki mong'ji ineendet malaikaiyatap Kamuktaindet ne Toroor ak koleenji, “Mi Kamuktaindet ne Toroor kobooten, inyee chiito ne ii kiim ak ko ii nyigan!”

KIRUOGIK 6:16

Ak ki leenji Kamuktaindet ne Toroor, “Ami kobooten iman ak ibare Midianik ko uu yo chiito agenge icheek.”

1 SAMUEL 17:32

Kingo it koleenji `Daudi Saulo, “Amat kome chii mugulel agobo ineendet; wendi otwogindeng'ung' kobaregei ak Philistindoniito.”