NG'ATUTIK 17:2 - Bukuit Ne Tilil

² “Ngo pitunee kwenung'ung' eng' kurgotiguk alak tugul che koonin Kamuktaindet ne Toroor Kamuktaindeng'ung' chii ne muren anan ne kwony, ne yaei ne ya eng' taitap Kamuktaindet ne Toroor Kamuktaindeng'ung' kobistoe arorutyennyi,

BUKUIT NE TILIIL Sireet ne Dutero Kanon

² “Ngo pitunee kwenung'ung' eng' kurgotiguk alak tugul che koonin Kamuktaindet ne Toroor Kamuktaindeng'ung' chii ne muren anan ne kwony, ne yaei ne ya eng' taitap Kamuktaindet ne Toroor Kamuktaindeng'ung' kobistoe arorutyennyi,

BUKUIT NE TILIL

² Ngo biitune kwenung’ung’, eng’ kurgotiguk alak tugul che konin Jehovah Kamuktaindeng’ung’, ne muren, anan kwondo, ne yaei ne ya eng’ taitab Jehovah Kamuktaindeng’ung’ kobistoe arorutiennyi,

NG'ATUTIK 17:2 Referencias Cruzadas

2 LAITORINIK 18:12

Amu ki ma kas iit kutitap Kamuktaindet ne Toroor Kamuktaindennywa, ago ki pistoe kayomisennyi, chooto tugul kiga ng'at Musa otwogindetap Kamuktaindet ne Toroor, ma cham kogas anan koyai.

2 LAITORINIK 21:3

Amu ki teech kogeny komoswek che torooreen che kiga kobut Hezekiah kwandanyi; kiteekyi Baal kapkorosusyek ak koyai Asera ko uu ye kiga yai Ahab laitoryatap Israel. Kigutung'ji ineendet tuguuk tugul che po kipsengwet ak koot.

Kitabuutap JOB 31:28

ko myee koek niito agine tengekto ne irwookyin kirwoogik: Amu ta kiga amwachi lembech Kamuktaindet ne mi parak.

KOMONG'U 22:19

“Kibarei age tugul ne ruitos ak tyony.

KOMONG'U 22:20

“Chii age tugul ne eeng'jin tiseiywot kamuktain age tugul ne ma Kamuktaindet ne Toroor, keng'emei kiwong'u.

JEREMIA 31:32

ma ko uu kayomiset ne ki kiyomiske ak kwanisyekwak eng' peetuut ne ki anamanu icheek amutu komong' eng' emetap Misiri; kayomiset nootonyu ne king'em icheek, nganda ki aa manong'otyot eng' icheek, mwaei Kamuktaindet ne Toroor.

JEREMIA 34:18

Ak agoitoi piik che ki kobistoe kayomisennyu, che ma yai ng'aleegap arorutyet ne kiga koyai eng' tainnyu, ye kipcheune aeng' moita ak kobun kwenutap kebeberwekyik;

EZEKIEL 16:38

Ak arwoogun, ko uu ye kirwookyin kwonyiik che putei kayosyetap katunisyet, ak che tumdoi korotiik; ak aibun korotiigap nereegek che ng'woneen ak ng'etkonda.

HOSEA 6:7

Ago ki kobistoe icheek kayomiset ko uu Adam: ki koberbera eng' olooto.

HOSEA 8:1

Kuut iryageet. Nyoonji kootap Kamuktaindet ne Toroor ko uu kipsiichit: amu ki kobistoe icheek kayomisennyu, ak kongelelji ng'atuutikyuk.

ATEPTAP LAWIK 20:2

“Ileenji piigap Israel, Chii age tugul ne igoochin lagokyik Molek, ngo age eng' piigap Israel anan age eng' punootik che meng'iisyei eng' Israel, kebarei chiichooto iman. Lachei piigap emet eng' koik.

ATEPTAP LAWIK 26:15

ak ngot oeesye kaneetisyosyekyuk, ak kowech saboonwekwok kirwoogutikyuk, kot ko moyai ng'atuutikyuk tugul, obut kayomisennyu,

ATEPTAP LAWIK 26:25

Aibwok rotwetap chok ne yaakwok mugetuut ne po kayomiset. Ye oyumjigei nganasookwok, ayookwok koroito konyo kweng'wong' ak kindeak eunegap puunikwok.

NG'ATUTIK 17:5

imutu anyun murenonooto anan kwonyooto ne kayai kioto ya konyo kurgotiguk si ilach eng' koik kot kome.

NG'ATUTIK 29:18

Si ma piit chii eng' okweek mureno anan kwondo, anan kapchii, anan ooreet, ne mastoi muguleldanyi rani kobagaakta Kamuktaindet ne Toroor, Kamuktaindennyo kwo koot kanamonigap pororyosyechooto si ma piit eng' okweek tigityotap ng'wanindo ak ng'wonet.

NG'ATUTIK 29:25

Kole anyun piik, ‘Amu ki pagaakta kayomisetap Kamuktaindet ne Toroor, Kamuktaindetap kwanisyekwak ne ki yai kobooto icheek ye ki imutu komong' eng' emetap Misiri.

NG'ATUTIK 31:20

Amu ye kaamut koit emet ne ki ayosyechi kwanisyekwak, nooto nyiitaat cheego ak komi kumyat eng' chaang'indo ak ye kagoamis kobiyong'so ak koneryo, koweektagei anyun ole mi kanamonik koba koot, kosasa ak kobut kayomisennyu.

NG'ATUTIK 4:23

Oriipkei anyun si moutye kayomisetap Kamuktaindet ne Toroor Kamuktaindeng'wong', ne ki yai kobootok, oyai kanamwet eng' kergeindap kiy age tugul ne kietenen Kamuktaindet ne Toroor Kamuktaindeng'ung'.

HEBRANIK 10:28

Meei chiito ne kasas Ng'atuutyetap Musa koma mi rireenet, eng' paorinik aeng' anan ko somok:

JOSHUA 23:16

“Ngo ngelelji kayomisetap Kamuktaindet ne Toroor Kamuktaindeng'wong', ne king'ataak ak obe oot kanamonik ak ogutung'ji, kolaldos anyun nereegegap Kamuktaindet ne Toroor agobo okweek ak ochakte obegu, owong'ugei eng' emoni karaaran kigogoonok ineendet.”

JOSHUA 7:11

Kogoyai Israel tengekto, ee kogobistoe kayomisennyu ne kiga ang'at ak kogoip tuguuk eng' che itabaanatiin, kogochoorso, koberberis ak kogonde ole mi tuguukwak.

JOSHUA 7:15

Chii ne kinyoorchin kiit ne itabaanat, kebeelei eng' maat kobooto tuguuk tugul che tinyei amu kobistoe kayomisetap Kamuktaindet ne Toroor, ak amu koyai abusnateet eng' Israel.’ ”

KIRUOGIK 2:20

Ki nereech kot Kamuktaindet ne Toroor agobo Israel ak komwa kole, “Amu ki kobistoe pororyoni kayomisennyu ne ki ang'at kwanisyekwak, ama kas iit kutinnyu,

KIRUOGIK 6:31

Ago ki leenji Joash piik tugul che ki ibeligei ak ineendet, “Ong'alaali otoreti Baal? Anan osaru ineendet? Ne ng'alaali agobo ineendet ko myee kebar kota ko karon. Ngot ko kamuktain ineendet, ko ingong'alaal kotoretkei, amu kogoluul chiito kapkorosunnyi.”