NEEMIA 7:1 - Bukuit Ne Tilil

¹ Ye kingo kageteech irimeet ak ande kereiywegap kurgotik, koga kelewen riibiik, tyeniik ak Lawiik,

BUKUIT NE TILIIL Sireet ne Dutero Kanon

¹ Ye kingo kageteech irimeet ak ande kereiywegap kurgotik, koga kelewen riibiik, tyeniik ak Lawiik,

BUKUIT NE TILIL

¹ Ak kingo kageteech irimet, ak ande kereiywekab kurgotik, ak kingo kagelewen ribik, tienik ak Lawik,

NEEMIA 7:1 Referencias Cruzadas

2 LAITORINIK 7:10

Ki pa anyun ak koguur riibindetap nganaseet ak komwachi icheek koleenji, “Kagibe nganaseetap piigap Syria, ak kama komi chii yooto, anan ko tweguunetap chiito, ago ka ratotiin paraisisyek ak sigiroik, ak ko uu emaisyek kiit ne ko uu.”

2 ATEPTAP PEETUUSYEK 31:2

Kipchei Hezekiah riipsosyegap Tisiik ak Lawiik kobee riipsosyekwak, chii tugul ko uu poisyennyi, Tisiik ak Lawiik agobo kagoochinoik che kibeelei ak kagoochinoik che po kaalyeet, kootis eng' ormariichogap nganaseetap Kamuktaindet ne Toroor ak koweekta kongoi ak kolas.

EZRAH 3:8

Ak eng' kenyiit ne po aeng' ngap koit kootap Kamuktaindet eng' Jerusalem, kotoi Zerubabel weeriitap Shealtiel ak Jeshua weeriitap Josadak kobooto tupchosyekwak (tugul che tisiik, Lawiik ak luulenik tugul che kiga week Jerusalem) poisyet. Ki inde Lawiik, kobooch che po kenyiisyek tiptem ak che siirei, koriip poisyet ne po kootap Kamuktaindet ne Toroor.

NEEMIA 10:39

Ibu anyun piigap Israel ak lagogap Lawi kagoochinet ne kinamjin parak ne po peek, ne po divaik ak mwanik, kobwa kooriik che po oriit, ole mi tuguuk che po ole-tiliil ak tebee tisiik che poisyei, riibiigap kurgotik ak tyeniik. Ma kibagaaktoi kootap Kamuktaindennyo.

NEEMIA 11:3

Chu ko piik che eecheen che po emotinwek che ki meny Jerusalem, ago ki meny chii tugul komostanyi eng' nganasoogap Judah eng' nganasookwak, chooto ko ki Israel, tisiik, Lawiik, otwogigap Hekaluut ak lagogap otwogigap Solomon.

NEEMIA 12:24

Ki che eecheen che po Lawiik ko ki Hasabia, Serebia ak Jeshua weeriitap Kadmiel kobooto tupchosyekwak che kitokyindos ak icheeget, si kolas ak komwaei kongoi, kowaljingei ko uu eng' ng'atuutyetap Daudi chiitap Kamuktaindet.

NEEMIA 6:1

Ak ki ngemwachi anyun Sanbalat, Tobia, Gesem Arabuindet ak puunikyok alak keleenji, ki ateech irimeet, ak ma komi ole putot, (ago eng' peetuunooto ko kitom ande kereiywek che po ormariichok;)

NEEMIA 6:15

Ki kigees anyun irimeet eng' peetuutap tiptem ak muut ne po arawetap Elul. Ki ek peetuusyek tugul konom ak aeng'.

NEEMIA 6:19

Ki ng'alaal kogeny agobo poisyonikyik che myach eng' tainnyu, ak ki ipchi ng'aleekyuk ineendet. Ki iyook Tobia paronok kole komua.