NEEMIA 6:6 - Bukuit Ne Tilil

⁶ ne ki kisir keele mwaat eng' pororyosyek ak komwaei Gasmu ko uu nooto kole inyee ak Yahudik ko ongelel. Ara nooto ne koonok oteech irimeet, ak ne siirei ko mwaat keele imache iegu laitoryannywa.

BUKUIT NE TILIIL Sireet ne Dutero Kanon

⁶ ne ki kisir keele mwaat eng' pororyosyek ak komwaei Gasmu ko uu nooto kole inyee ak Yahudik ko ongelel. Ara nooto ne koonok oteech irimeet, ak ne siirei ko mwaat keele imache iegu laitoryannywa.

BUKUIT NE TILIL

⁶ ne kigisir kele, Mwaat eng’ bororiosiek, ak komwaei Gasmu ko u noto, kole, Obwati, inye ak Yahudik, ongelel; amu noto ne konok oteech irimet: ak iegu laitoriandenywa, ko u eng’ ng’alechuto.

NEEMIA 6:6 Referencias Cruzadas

EZRAH 4:12

Ingonaak eng' laitoryat kole Yahudik chooto kobunu oldang'ung' ko kogoitwech ak kogoit Jerusalem ak koteechei kogeny nganasanooto ya ago ngelelyo. Teechei kogeny irimoik ak lumeiywot ne kiga kobutok.

EZRAH 4:15

si kobiit kecheeng' eng' bukuit ne po ng'aleegap peetuusyegap kwanisyeguk. Inyooru eng' bukuinooto po ng'aleegap peetuusyek ak inai ile ngelelyo nganasani ak koiimi laitorinik ak emotinwek, ak kigong'eet chaamset kobooch keny. Nooto anyun amu ne si keng'em nganasaniito.

NEEMIA 2:19

Ago kingo kas Sanbalat Horonindet, ak Tobia otwogindet ne Amonindet, ak Gesem Arabuindet, kororechech, kochotech ak kosasech ak kole, “Nee kii oyae? Ongeleljini laitoryat?”

NEEMIA 6:13

Kiga kisir ineendet anyun si konyoor melekto amu ng'olyoondoni kole si aiyweis ak ayai ko uu nooto, ayai tengekto, si kosich ng'aleek che yaach che mwaitoi, kole kotaama.

NEEMIA 6:5

Eng' ne po muut, koyookwo Sanbalat otwogindennyi koip eng' eunnyi parweet ne yaataat,

NEEMIA 6:7

Ki ilewen kogeny maotik si kobiit komwaita ng'aleek agobo inyee eng' Jerusalem kole mi laitoryat Judah. Nae anyun laitoryat ng'aleechuuto. Ara anyun nyoo si kirwooch tugul.

JEREMIA 20:10

Amu koagas kateweerisyetap che chaang', kamuiset eng' komosta age tugul. Mwaei choronokyuk tugul che achame, che machei kotaama, kole, omwaite, si kemwaite ineendet; tamangap kigaigai, si kiterteer ineendet ak kiyaaktochinegei mugetuut.

MATAYO 5:11

Oboiboi ye churook piik, ak ye usausook, ak ye mwaitaenok yaityet age tugul kong'oochook agobo anee.

LUKA 23:2

Ak ki toi anyun kotaam ineendet, kole, “Ki kinyooru chiichi komaasi pororyennyo, ak koetei kigoochi Caesarea kodi, ak komwaei ineendet kole, ‘Aa Kristo laitoryat.’ ”

JOHANA 19:13

Ye kingo kas anyun Pilato ng'aleechuuto, komut Jeso komong' saang', ak kotep ng'wony eng' ng'echereetap kirwooget eng' ole kiguure Teteetap Koik, ago kiguure eng' kutitap Yahudik, Gabata.

ROMANIK 3:8

Ak amu nee si ma ki mwa (ko uu ye kimwaitaenech ne ya, ak ko uu ye iyani alage kole kimwae acheek) keele, Ongeyai che yaach si kobiit kobwa che myach? Po iman kirwoogennywa.

2 KORINTOEK 6:8

eng' toroornatet ak teweernateet, eng' ng'aleek che yaach che kimwaitaenech, ak eng' ng'aleek che myachen; ko uu kaberberik, ago ki po iman;

1 PETERO 3:16

otinye kabwaatet ne myee; si ye kitaamok, kigoochin kolilaan icheek che mwaitae ng'aleek che yaach atebeeng'wong' ne myee eng' Kristo.