NEEMIA 13:12 - Bukuit Ne Tilil

¹² Ki ip anyun Judah tugul kebeberwegap taman che po peek ak che po divaik ak che po mwanik, konde ole kigonoree tuguuk.

BUKUIT NE TILIIL Sireet ne Dutero Kanon

¹² Ki ip anyun Judah tugul kebeberwegap taman che po peek ak che po divaik ak che po mwanik, konde ole kigonoree tuguuk.

BUKUIT NE TILIL

¹² Kiib anyun Juda tugul kebeberwekab taman che bo bek ak che bo divaik ak che bo mwanik, konde ole kigonore tuguk.

NEEMIA 13:12 Referencias Cruzadas

2 ATEPTAP PEETUUSYEK 31:4

Ki ng'at kogeny piik che ki menyei Jerusalem kogoito kebeberta ne punjin Tisiik ak Lawiik, si kobiit kogoochigei ng'atuutyetap Kamuktaindet ne Toroor.

2 ATEPTAP PEETUUSYEK 31:5

Ak kingo kasak ng'atuutyet eng' emet, kogoito piigap Israel eng' chaang'indo tongoanigap peek, che po divaik, mwanik, kumyat, ak che po rurateet tugul ne po emet; ak ki ip kebebertap taman ne po tuguuk tugul eng' chaang'indo.

NEEMIA 12:44

Ki kilewen eng' peetuunooto piik koriip kooriik che po oriit ole kigonoree tuguuk, kagoochinoik che kinamjin parak, tongoanik ak kebeberwegap taman. Kiyumji koorchooto kobee mbareenik che po nganasook, kebeberwek che ki king'at eng' ng'atuutyet kobunji Tisiik ak Lawiik, amu ki paibait Judah agobo Tisiik ak Lawiik che kiboisyei.

ATEPTAP LAWIK 27:30

“Po Kamuktaindet ne Toroor kebeberwegap taman che po emet, ngo kesweek che po emet anan logoegap keetiik; itabaanatiin eng' Kamuktaindet ne Toroor.

MALAKI 3:10

Oibu kebeberwek tugul che po taman kobwa choge, si kobiit amitwogik eng' koonnyu, ak otyema anyun eng' nooto, mwaei Kamuktaindet ne Toroor ne po lugoosyek, si ogeer ngo ma yaatwok tirisyogap kipsengwet ak aroong'wok perurto kot koma komi ole ondoi.

MALAKI 3:8

Tos chorei chii Kamuktaindet? Ago ochoora. Ago oteebe ole, “Ki kichoorten ano?” Ki ochor kebeberwegap taman ak kagoochinoik.

NG'ATUTIK 14:22

“Igoite iman kebebertap taman ne po iyoteet tugul ne po kesweguk che piitu eng' mbar kenyiit age tugul.