NEEMIA 1:5 - Bukuit Ne Tilil

⁵ Yeityo ale; “Asaain, ee Kamuktaindet ne Toroor, Kamuktaindetap kipsengwet, Kamuktaindet ne oo ne po kwong'eet, ne riibei arorutyet ak rireenet eng' icheeget che chamei ineendet ak koriibei ng'atuutikyik:

BUKUIT NE TILIIL Sireet ne Dutero Kanon

⁵ Yeityo ale; “Asaain, ee Kamuktaindet ne Toroor, Kamuktaindetap kipsengwet, Kamuktaindet ne oo ne po kwong'eet, ne riibei arorutyet ak rireenet eng' icheeget che chamei ineendet ak koriibei ng'atuutikyik:

BUKUIT NE TILIL

⁵ ak ale, Asain, ee Jehovah, Kamuktaindetab kipsengwet, Kamuktaindet ne o ne bo kamuiset, ne ribei arorutiet ak rirenet eng’ icheget che chamei inendet, ak koribei ng’atutikyik:

NEEMIA 1:5 Referencias Cruzadas

1 LAITORINIK 8:23

ak ki le, “Ee Kamuktaindet ne Toroor, Kamuktaindetap Israel, ma mi Kamuktaindet ne Toroor age ne uu inyee, eng' parak kipsengwet, anan eng' ng'wony oriit; ne riibei kayomiset ak rireenet eng' otwogiguk, che pendote taing'ung' eng' mugulelwekwak tugul.

1 ATEPTAP PEETUUSYEK 17:21

Ak ngoro pororyet ne kergei ak piiguk Israel, che ki wo Kamuktaindet kotyakyigei koek piikyik, si iyachigei kainet eng' tuguuk che eecheen ak tuguuk che po kamuiset, ye ki ioon pororyosyek eng' taitap piiguk, che ki ityaach eng' Misiri?

EZRAH 1:2

“Kamwa ko uu ni Cyrus laitoryatap Persia, ‘Ki koono Kamuktaindet ne Toroor, Kamuktaindetap kipsengwet laitornatosyek tugul che po ng'wony, ak kagong'ata ateekyi koot eng' Jerusalem ne mi Judah.

NEEMIA 2:4

Komwaiwo anyun laitoryat koleenjo, “Nee ne isoome?” Ki asaa anyun Kamuktaindetap kipsengwet,

NEEMIA 4:14

Ak ye ki ageer ole uu, ang'eet ak aleenji piik che taagunotiin, pounik ak piik tugul, “Amoiywei icheek. Obwaat Kamuktaindet ne Toroor ne oo ak ko po kamuiset ak oyai lugeet agobo tupchosyekwok, weeriikwok, tiibiikwok, osotikwok ak kooriikwok.”

NEEMIA 4:8

Ki irwooch tugul kibagenge kole kobwa ak kobargei ak Jerusalem ak kong'eet pooryeet eng' yooto.

NEEMIA 9:32

Ara anyun Kamuktaindennyo ne oo ne po kamuktaet, ak ko Kamuktaindet ne po kwong'eet, ne riibei arorutyet ak rireenetapkei, amat igeer ile kiy ne ming'in, ng'wanindo tugul ne kaityech ak laitorinikyok, pounikyok, tisiikyok, maotikyok, kwanisyekyok ak piiguk tugul kobooch eng' peetuusyegap laitorinigap Assyria agoi rani.

TIENWOGIKAL 47:2

Amu po kwong'et Kamuktaindet ne Toroor, Inee Ne Toroor Miising'; Ineendet ko Laitoryat ne oo ne pou ng'wony komugul.

TIENWOGIKAL 76:8

Ki imwau kirwooget kogasak kobun kipsengwet; Ki iyweis emet, ak ki siis,

TIENWOGIKAL 89:2

Amu ki ale, Teegoksei koigeny rireenetapkei. Igimiit imandang'ung' eng' kipsengwet.

TIENWOGIKAL 89:3

Ki imwa ile, “Ki kiyomiske ak nenyu ne ki alewen, ki ayosyechi Daudi kiboityondennyu aleenji:

TIENWOGIKAL 89:8

Ee Kamuktaindet ne Toroor, Kamuktaindet ne po lugoosyek, Ng'oo ne po kamuktaet ko uu inyee, ee Kamuktaindet ne Toroor? Ak yiemin imandang'ung'.

KOMONG'U 20:6

Ago ariiree eliphuusyek eng' icheek che chama ak kosubi ng'atuutikyuk.

NG'ATUTIK 7:12

Ye ogas kirwoogutichu, oriip ak oyai, si koriip anyun Kamuktaindet ne Toroor Kamuktaindeng'ung' kayomiset ak rireenet eng' inyee ne ki iyasyechi kwanisyeguk.

NG'ATUTIK 7:21

Among' komuok, amu Kamuktaindet ne Toroor Kamuktaindeng'wong' ne mi kobootok, ko Kamuktaindet ne oo ak ko po kwong'eet.

NG'ATUTIK 7:9

Nai anyun ile Kamuktaindet ne Toroor Kamuktaindeng'ung', ko Kamuktaindet, Kamuktaindet ne po imanda, ne riibei kayomiset ak rireenet eng' icheek che chamei ineendet ak koriibei ng'atuutikyik agoi ibindap eliphuut.