KIRUOGIK 21:3 - Bukuit Ne Tilil

³ Ak kole, “Ee, Kamuktaindet ne Toroor, Kamuktaindetap Israel, amu nee si kobiit kii eng' Israel, kot koma komi rani ooreet age eng' Israel?”

BUKUIT NE TILIIL Sireet ne Dutero Kanon

³ Ak kole, “Ee, Kamuktaindet ne Toroor, Kamuktaindetap Israel, amu nee si kobiit kii eng' Israel, kot koma komi rani ooreet age eng' Israel?”

BUKUIT NE TILIL

³ Ak kole, Ee, Jehovah, Kamuktaindetab Israel, amu nee si kobiit kii eng’ Israel, kot ko ma komi rani oret age eng’ Israel?

KIRUOGIK 21:3 Referencias Cruzadas

TIENWOGIKAL 74:1

Ee Kamuktaindet, amu nee si iwiirtech agoi? Amu nee si koiyenji nereegeguk keechiiregap akweeng'ung'?

TIENWOGIKAL 80:12

Amu nee si ibut ng'otonokyik, Si kobut age tugul ne siirtoi logoekyik?

KALEWANAIK 19:3

Ng'emegei chiito eng' perberyennyi, ak konereekyin `ine Kamuktaindet ne Toroor eng' muguleldanyi.

ISAIAH 63:17

Ee, Kamuktaindet ne Toroor, amu nee si igoonech kemaste eng' ortinweguk, ak iuuit mugulelwekyok si ma kiywein? Weege amu otwogiguk, pororyosyegap poroteng'ung'.

JEREMIA 12:1

Ii po iman, ee Kamuktaindet ne Toroor, ye ariirchinin, nga amache atebeenen agobo ng'olyoondoni: Amu nee anyun si kiberuur ooreetap kiptengeginik? Amu nee si komuunyi icheek tugul che yaei kaberberisyet?

NG'ATUTIK 29:24

Teebegei anyun pororyosyek tugul koleen, ‘Amu nee si koyachi Kamuktaindet ne Toroor ko uu ni emoni? Ibooru nee mai po nereegechu ng'woneen?’

KIRUOGIK 21:2

Ki pwa piik Bethel ak kotep ng'wony eng' yooto eng' taitap Kamuktaindet kot koit koskoleny, ak kowaach, ak koriiryo ne ng'waan.

KIRUOGIK 21:4

Ak ki eng' mutai kong'eetyo piik kota ko karon, ak koteech kaptisisyet eng' yooto, ak kogoito kagoochinoik che kibeelei ak kagoochinoigap kaalyeet.