KAITOSYEK 12:6 - Bukuit Ne Tilil

⁶ Ki leenji anyun Kamuktaindet ne Toroor, “Ogas anyun ng'aleekyuk: Ngo mi maotyot kwenung'wong', aboorchinigei anee Kamuktaindet ne Toroor eng' ng'ang'utyet, ang'alaaljini eng' karwotitoet.

BUKUIT NE TILIIL Sireet ne Dutero Kanon

⁶ Ki leenji anyun Kamuktaindet ne Toroor, “Ogas anyun ng'aleekyuk: Ngo mi maotyot kwenung'wong', aboorchinigei anee Kamuktaindet ne Toroor eng' ng'ang'utyet, ang'alaaljini eng' karwotitoet.

BUKUIT NE TILIL

⁶ Kilenji anyun, Ogas anyun ng’alekyuk: ngo mi maotiot kweng’wong’, aborjinige ane Jehovah eng’ ng’ang’utiet, ang’alaljini eng’ karuotitoet.

KAITOSYEK 12:6 Referencias Cruzadas

TAUNET 15:1

Ye kingo pata tuguuchu anyun koityi Abram `ng'olyootap Kamuktaindet ne Toroor eng' ng'ang'utyet koleenji, “Abram, ameiywei! Aa long'eng'ung' ak oo melektang'ung' miising'.”

TAUNET 20:7

Ara anyun imutyi nguno kwonyi chiitap ko po, amu maotyoo inee si kosaun si isap. Ago ngot ko meweekte, inai ile imee ne matiny, inyee, ak tuguuk tugul che itinye.”

TAUNET 28:12

Ak ki keer eng' karwotitoet lang'eiywot ne kagitonoon eng' ng'wony, ne itei kipsengwet. Ak ogeero, malaikaisyek che po Kamuktaindet che kitogostae ak kochoorunegei.

TAUNET 28:16

Ki kos anyun Jakobo eng' rwondo ak kole, “Mi Kamuktaindet ne Toroor olito iman, ago koma anai.”

TAUNET 37:5

Ki irwotyi Joseph karwotitoet, ak ye kingo mwachi weeriik che tupcho, ko kites icheek kowech ineendet kosiir.

TAUNET 37:9

Ki irwotyi karwotitoet age kogeny, ak komwachi tupchosyekyik koleenji, “Ogeero, koarwotyi kogeny karwotitoet: koing'uruukyoo asiista ak arawet ak kecheik taman ak agenge.”

TAUNET 46:2

Ki ng'alaalji `Kamuktaindet Israel eng' ng'ang'utik che po kemoi, koleenji, “Jakobo! Jakobo!” Ak ki le, “Ami yu.”

2 SAMUEL 7:4

Ak ki ityi Nathan ng'olyootap Kamuktaindet ne Toroor kemounooto, koleenji,

1 LAITORINIK 3:15

Kigos anyun Solomon, ak konai kole kaagaa karwotitoet. Ki nyo Jerusalem, ak kotonon eng' taitap moinget ne po arorutyetap Kamuktaindet ne Toroor. Ki igoito kagoochinoik che kibeelei ak kagoochinoigap kaalyeet, ak koyachi igoorto otwogikyik tugul.

1 LAITORINIK 3:5

Kimong'ji `Kamuktaindet ne Toroor Solomon eng' Gibeon eng' karwotitoet kemoi. Ki le Kamuktaindet, “Soom kiit ne imache agoonin.”

Kitabuutap JOB 33:15

Eng' karwotitoet, eng' ng'ang'utyet ne po kemoi, ye nyoonjin piik rwondo ne nyigiis, ye inuuktos eng' itook.

Kitabuutap JOB 4:13

Eng' kabwaatet ne po ng'ang'utigap kemoi, ye kagonyonji piik rwondo ne nyigiis,

TIENWOGIKAL 105:15

kole, “Amat otwaa chechuuk che iilaatin, amoyachi ne ya maotikyuk.”

TIENWOGIKAL 89:19

Ki ing'alaalji anyun cheguuk che tiliileen eng' ng'ang'utik, Ak ileenjini, Kaalaakyi toreteet ineendet ne nyigan; Ki atoroor ne ki kilewen eng' piik.

KOMONG'U 7:1

Ak ki wolji `Kamuktaindet ne Toroor Musa koleenji, “Kayain iigei Kamuktaindet eng' Pharaoh, ak koek ng'eetap komet Aron maotyondeng'ung'.

JEREMIA 23:25

Ki agas kiit ne ki mwa maotik, che maoteni lembechek eng' kainennyu kole, koarwotyi, koarwotyi.

JEREMIA 23:28

Ingomwa maotyot karwotitoet ne koirwotyi; ak ineendet ne tinyei ng'olyoondennyu komwa eng' imanda. Ting'egei nee meteteek ak nganuuk? Mwaei Kamuktaindet ne Toroor.

EZEKIEL 1:1

Ki ageer ng'ang'utigap Kamuktaindet eng' kenyiitap sosom, eng' arawet ne po ang'wan, eng' peetuutap muut ne po arawanooto ye kingo yaatak kipsengwet ami kobooto luulenik eng' ye neegitee aineetap Kebar.

DANIEL 10:8

Ki ang'etu anyun aneegei, ak ki ageer ng'ang'utyonooto oo. Ki ma kota atinye kimnateet, ak ki walak karaaranindanyu kong'emak, ak ki ang'etu koma tinyei kimnon.

DANIEL 2:19

Ki king'ong'ji anyun Daniel ung'ootyonooto eng' ng'ang'utyet ne po kemoi. Ki ilas anyun Daniel Kamuktaindetap kipsengwet,

DANIEL 7:1

Ki irwotyi Daniel karwotitoet, ak kobwonji metinnyi ng'ang'utik eng' itogunnyi eng' kenyiit ne po tai ne po Belshazzar laitoryatap Babilon. Ki sir anyun ng'aleegap karwotitaonooto, ak komwaita ng'aleek che eecheen che po karwotitaonooto.

DANIEL 8:2

Ak ki ageer ng'ang'utyet, ak kinga keere, ami Susa, nganaseet ne oo eng' emetap Elam; ki ageer ami ole neegitee aineet Ulai.

HOSEA 12:11

Tos mi tengek Gilead? Puch piikwak tugul; enyei kiruugik eng' Gilgal: kapkorosusyekwak ko uu koik che kagiruruuch eng' mbar ne ibatat.

JOEL 3:1

Amu, ogeero, tuun ayumi pororyosyek tugul eng' peetuusyechooto, ak eng' peetuunooto, ye tuun aweech kogeny che kiga keluul che po Judah ak Jerusalem,

SEKARIA 1:8

Ki anyooru keereet kemoi agobo chiito ne ki kweryei paraisiit ne piriir ak kotonone keetiigap momonik oriit; ak ki mi patennyi paraisisyek alage che piriireen, che puusyenen, ak che leelachen.

KAITOSYEK 24:4

kale ineendet ne kasei ng'aleegap Kamuktaindet, ne keerei ng'ang'utyetap Ineendet Ne po Kamuktaet, ineendet ne kobutyi ng'wony, ko kayatagis konyekyik.

MATAYO 1:20

Ago ye kingo ta kobwaati tuguuchu, ogeero, ki mong'ji ineendet malaikaiyatap Kiptaiyat eng' karwotitoet kole, “Joseph weeriitap Daudi, ameiywei imutyigei Maria koek osotyondeng'ung' amu managaat ineendet eng' Kabuuset ne Tiliil.

MATAYO 2:19

Ye kingo kagome Herod, komong'ji `malaikaiyatap Kiptaiyat Joseph eng' Misiri eng' karwotitoet ak

MATAYO 23:31

Nooto obaoryanjinigei oleen oo weeriigap icheek che ki par maotik.

MATAYO 23:34

Nooto anyun ayookwok maotik, piik che ng'oomen ak siriik, che alak eng' icheek ko tuun obare ak ogartoti, ak obire kipchoritiit alak eng' icheek eng' sinagogisyekwok, ak ousoti kong'etee nganaseet age agoi nganaseet age.

MATAYO 23:37

“Ee Jerusalem, Jerusalem, ne parei maotik ak kolage koik icheek che ki kiyookyi! Ki amach konyil ata ayum lagoguk ko uu ye iyumi ngokyet aarekyik eng' kebebaikyik, ago ma ocham!

MATAYO 27:19

Ye kingo ta kotononjin kirwooget, koyookyi osotyonnyi ng'olyoo kole, “Ameite kiy chiichoo ma tinyei leluut, amu kaanyooru nyalilwogik che chaang' rani eng' karwotitoet agobo ineendet.”

LUKA 1:11

Ak ki mong'ji malakaiyatap Kiptaiyat kotonone komostap tai ne po kapkorosuut ne kibeelee nyamdutik.

LUKA 1:22

Ak ye kingo mong' saang', koma komuuchi kong'alaal, ak ki nai icheek kole, kagogeer kaboorunet ne po kwong'eet eng' Hekaluut. Ki ng'alaaljine pichooto euut ak ki tep konamat kuut.

LUKA 20:6

Ago ngot kemwa keele, Ki punu piik; kolachech piik tugul eng' koik: amu ki iyani icheek kole, ki maotyo Johana.”

POISYONIGAP CHE KIYOKTOI 10:11

Ki keer kipsengwet koyaatak, ak kochoorugei kiit ne uu angeet ne oo kot, kechooru eng' kuinoik ang'wan agoi ng'wony.

POISYONIGAP CHE KIYOKTOI 10:17

Ak ye kita koiimegei Petero miising' eng' muguleldanyi kole ibooru nee ng'ang'utyoni kagogeer, ogeero, kotononso eng' kurgat piik che kiga koyook Korneli, ko kagoteep ole mi kootap Simion,

EPESOEK 4:11

Ak ki igoochi alak koek che kiyooktoi: ak alak, maotik; ak alak, che mwaitooti logoiywek che myach; ak alak, mestoweek ak ko kaneetik;

NG'ATUTIK 18:15

“Tuun ing'eetun Kamuktaindet ne Toroor Kamuktaindeng'ung' maotyot eng' che otupche ak eng' kwenung'ung' ne uu anee.

NG'ATUTIK 18:18

Ang'eetyini anyun maotyot eng' tupchosyekwak ne uu inyee ak ande ng'aleekyuk kutinnyin, ak komwachi icheek tugul che ang'ate ineendet.

HEBRANIK 1:1

Kamuktaindet, ne ki ng'alaalji kwanisyekyok keny eng' maotik, eng' kebeberwek che chaang' ak eng' ortinwek che chaang',

NG'ANG'UTYET 11:10

Ak poiboitu icheek che menyei ng'wony agobo icheeget, ak kogasegei; ak koyookyingei konunoik, amu ki inyalili maotichuuto aeng' icheek che menyei ng'wony.

NG'ANG'UTYET 11:3

Ak agoochini paorinikyuk aeng' komaoten peetuusyek eliphuut agenge pogol aeng' ak tamanwogik lo, kolaachi kuniok.

1 SAMUEL 28:6

Ye kingo leen koteebe `Saulo Kamuktaindet ne Toroor, koma kowolji `Kamuktaindet ne Toroor eng' karwotitaosyek anan eng' Urim, anan eng' maotik.

1 SAMUEL 3:15

Ki ru anyun Samuel agoi koeech, yeityo koyaat kurgotigap kootap Kamuktaindet ne Toroor. Ki iywei Samuel koboorchi Eli ng'ang'utyonooto.

1 SAMUEL 3:21

Ak ki testai koboorgei Kamuktaindet ne Toroor eng' Shiloh: king'aang'jigei `Kamuktaindet ne Toroor Samuel eng' Shiloh kobun ng'olyootap Kamuktaindet ne Toroor.