JONAH 1:9 - Bukuit Ne Tilil

⁹ Ak ki leenji icheek, “Aa Hebranindet, ak aiywei Kamuktaindet ne Toroor, Kamuktaindetap kipsengwet, ne ki yai nyanjet ak emet.”

BUKUIT NE TILIIL Sireet ne Dutero Kanon

⁹ Ak ki leenji icheek, “Aa Hebranindet, ak aiywei Kamuktaindet ne Toroor, Kamuktaindetap kipsengwet, ne ki yai nyanjet ak emet.”

BUKUIT NE TILIL

⁹ Ak kilenji ichek, A Hebranindet, ak aiywei Jehovah, Kamuktaindetab kipsengwet, ne kiyai nyanjet ak emet.

JONAH 1:9 Referencias Cruzadas

TAUNET 1:10

Koguure Kamuktaindet emet ne ma mi pei, Ng'wony, ak koguure peek che kagoyumgei, Nyanjosyek. Ki keer anyun Kamuktaindet kole myee.

TAUNET 14:13

Ki nyo chii ne kigachilil ak komwachi Abram Hebranindet, ne ki menyei ole neegitee keetiigap Mamre Amorindet, ne tupcho ak Eskol ak Aner che icheeget ko ki pooto che kiting'egei kasyinet ak Abram.

TAUNET 24:7

Kamuktaindet ne Toroor, Kamuktaindet ne po kipsengwet, ineendet ne ki imoong'wa eng' kootap abba ak eng' emet ne ki kisikyino, ineendet ne ki ng'alaalwo ak koyasyeiwo, kole, ‘Agoochini lagoguk emoni’; ko iyooktoi `ineendet malaikaiyandennyi kondoun, si imutyi weeriinnyu kwondo eng' oliindo.

TAUNET 39:14

koguur anyun murenik che po koonnyi, ak kong'alaalji koleenji, “Ogeero, ki komutwech ineendet Hebranindet kochotech! Kanyo ole ami kole keruiye tuwai, ak kaawaach.

2 LAITORINIK 17:25

Ye ki toi komeny olooto, ko ki ma koywei Kamuktaindet ne Toroor, ak ki iyookyi anyun `Kamuktaindet ne Toroor icheek ng'etuunyik, che kibar alak eng' icheek.

2 LAITORINIK 17:28

Ki nyo anyun age eng' tisiik che kiga kimut koba eng' Samaria, ak konyo komeny Bethel, ak koneet icheek ole kanyool kogonyitito Kamuktaindet ne Toroor.

EZRAH 1:2

“Kamwa ko uu ni Cyrus laitoryatap Persia, ‘Ki koono Kamuktaindet ne Toroor, Kamuktaindetap kipsengwet laitornatosyek tugul che po ng'wony, ak kagong'ata ateekyi koot eng' Jerusalem ne mi Judah.

EZRAH 5:11

Ak kiwolwech anyun, kole, “Ki otwogigap Kamuktaindetap kipsengwet ak ng'wony, ak kiteeche kogeny koot ne kiga keteech eng' kenyisyechu chaang' ki kosiirto ne kiteechei laitoryat ne oo ne po Israel ak kogees.

NEEMIA 1:4

Ye kinga kas ng'aleechuuto, atep ng'wony ariir ak aaragen eng' peetuusyek alak, ki arugutkei ak asaa eng' taitap Kamuktaindetap kipsengwet.

NEEMIA 2:4

Komwaiwo anyun laitoryat koleenjo, “Nee ne isoome?” Ki asaa anyun Kamuktaindetap kipsengwet,

NEEMIA 9:6

Ii Kamuktaindet ne Toroor, inyee inyegei; ki iyai kipsengwet, kipsengwet ne po kipsengwet kobooto tuguukwak tugul, ng'wony ak tuguuk tugul che mi olooto, nyanjosyek ak tuguuk tugul che miitei, ak iriibe tuguuchooto tugul ak kolasun lugeet tugul ne po kipsengwet.

Kitabuutap JOB 1:9

Kowolji anyun `Setani Kamuktaindet ne Toroor koleenji, “Tos iywei `Job Kamuktaindet puch?

TIENWOGIKAL 136:26

Ee oweekyi kongoi Kamuktaindetap kipsengwet, amu tebyei rireenennyi koigeny.

KOMONG'U 1:15

Ki ng'at anyun `laitoryatap Misiri chebyosogap sigisyo che po Yahudik che ki kiguure Sipra ak Pua,

KOMONG'U 2:13

Ki wo kogeny eng' peetuut ne po aeng' ak ki keer kobiregei piik aeng'u che po Yahudik. Koleenji ineendet ne ki kalel, “Amu nee si ibir chiing'wong'?”

DANIEL 2:44

Ak tuun lumdoi Kamuktaindetap kipsengwet eng' peetuusyegap laitorinichooto pounateet ne ma koi king'em, ama kigoochin laitornatanooto poror age. Tuun tuatui ak kogees pounatosyechuuto tugul, ak tononi koigeny,

HOSEA 3:5

Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.

POISYONIGAP CHE KIYOKTOI 14:15

“Choronochu, kalya si oyai tuguuchu? Ki piik agacheek che kergei ak okweek, ak kagiibwok logoiywek che myach, si kobiit oweeige omete tuguuchu ma tilei kiy ak obwonji Kamuktaindet ne sabei, ne kiyaei kipsengwet ak ng'wony ak araraita ak tugul che mi olooto.

POISYONIGAP CHE KIYOKTOI 27:23

Amu kotonon malaikaiyatap Kamuktaindet eng' ye neegiteena kemouni, ne aa nenyi, ak ne aoote,

PILIPIK 3:5

Ki kimuratana eng' peetuut ne po sisiit, aa po kesweegap Israel, aa po ooreetap Benjamin, Hebranindet ne po Yahudik; eng' ng'aleegap Ng'atuutyet, ko aa Pharisaindet;

NG'ANG'UTYET 11:13

Ak ki piit eng' sainooto potanet ne oo ne po emet, ak kiluul kebeberta agenge eng' taman ne po nganaseet; ak ki kibar eng' potanonooto piik eliphuusyek tisap; ak ki aragenso che kiga ng'et, ak ki igoochi toroornatet Kamuktaindet ne po kipsengwet.

NG'ANG'UTYET 15:4

Ng'oo ne ma iywei ak kotoroori kaineng'ung', ee Kiptaiyat? Amu ii tiliil inyegei. Pwoonei pororyosyek tugul ak kogutung'so eng' taing'ung', amu kagong'ang'ak poisyoniguk che po imanda.”

NG'ANG'UTYET 16:11

ak ki chup Kamuktaindet ne po kipsengwet amu ng'waninwekwak ak mookwak; ama sik eng' poisyonikwak.