JEREMIA 4:5 - Bukuit Ne Tilil

⁵ Omwaite eng' Judah, ak obaraste eng' Jerusalem: oguut iryageet eng' emet! Owaach miising' ak omwa ole: Oyumgei, ak ongebe agoi nganasook che ng'ootaatiin!”

BUKUIT NE TILIIL Sireet ne Dutero Kanon

⁵ Omwaite eng' Judah, ak obaraste eng' Jerusalem: oguut iryageet eng' emet! Owaach miising' ak omwa ole: Oyumgei, ak ongebe agoi nganasook che ng'ootaatiin!”

BUKUIT NE TILIL

⁵ Omwaite eng’ Juda, ak obarte eng’ Jerusalem: ak omwa ole, Oguut iriaget eng’ emet: owaach mising’ ak omwa ole, Oyumge, ak ongebe nganasok che ng’ototin.

JEREMIA 4:5 Referencias Cruzadas

ISAIAH 28:19

Ibok eng' peetuut age tugul ye siirtoi; amu siirtoi karonet age tugul peet ak kemoi; ak egu kamuiset kityo ye ogase ng'aleek.

JEREMIA 11:2

“Ogas ng'aleegap kayomisoni, yeityo ong'alaalji piigap Judah ak piik che menyei Jerusalem.

JEREMIA 35:11

Ago ye ki nyo Nebukadresar laitoryatap Babilon emoni, ko ki kile, Obwa keebe Jerusalem amu kiyweei lugeetap Kaldeik ak lugeetap piigap Syria; kemeny anyun Jerusalem.

JEREMIA 5:20

Omwaite niito eng' kootap Jakobo, ak obarte eng' Judah ole:

JEREMIA 6:1

Omwei osaruge, okweek lagogap Benjamin, omong'u eng' Jerusalem ak oguut iryageet eng' Tekoa; onamji parak kitap kaboorunet eng' Beth-hakerem. Amu itu yaityet eng' murot kaataam ak ng'emisyet ne oo.

JEREMIA 8:14

Amu nee si ketebi ak kesistosi? Oyumgei ak ongebe nganasook che riibootin, ak kesisye eng' olooto. Amu kagoonech Kamuktaindet ne Toroor, Kamuktaindennyo kesisye, ak kogoonech peegap kipsegetetyet kee, amu kigeyachi Kamuktaindet ne Toroor tengekto.

JEREMIA 9:12

Ak ateebee aleen, Tos ng'oo chiito ne utaat ne imuuchi koguiyo niito? Ak ng'oo ineendet ne ki ng'alaalji kutitap Kamuktaindet ne Toroor, si kobiit komwaita? Amu nee anyun si kong'emak emet ak kolal ko uu surkwen, kot koma kobunei chii?

EZEKIEL 7:14

Kagoguut iryageet, ak kagochop tuguuk tugul; ago ma mi ne wendi pooryeet: amu mi nereegekyuk chaang'indonywa tugul.

HOSEA 8:1

Kuut iryageet. Nyoonji kootap Kamuktaindet ne Toroor ko uu kipsiichit: amu ki kobistoe icheek kayomisennyu, ak kongelelji ng'atuutikyuk.

JOEL 2:1

Oguut iryageet eng' Zion, ak owaach eng' tulweennyu ne tiliil! Ingobotanso piik tugul che menyei emet, amu nyoonei peetuutap Kamuktaindet ne Toroor, ee kagoriik,

AMOS 3:6

Tos kiguutei iryageet eng' nganaseet, ama iyweis piik? Tos nyoonjin yaityet nganaseet, ama iyookyi Kamuktaindet ne Toroor?

AMOS 3:8

Kagoborisen ng'etundo, ng'oo ne ma iyweisyei? Kagong'alaal Kiptaiyat Kamuktaindet ne Toroor, ko ng'oo anyun ne ma maoteni?

KAITOSYEK 10:2

“Yachigei igondisyek aeng'; yae che po fedha che kitaanyi si iboisyee tuguuchooto ye iguure tuiyet ak eng' panwegap nganasook.

KAITOSYEK 10:3

Ak ye kuut icheek tuguuchooto tuwai koyumjigei tuiyet komugul ole imi, eng' kurgeetap emait ne kituiyechin.

JOSHUA 10:20

Kingo kagobar Joshua ak piigap Israel icheek kogees eng' pareet ne oo miising' kot koek tutigin che ki ng'et ak koba nganasook che ng'ootaatiin.