JEREMIA 4:1 - Bukuit Ne Tilil

¹ “Ngot iweege, ee Israel, iweekyinage,” mwaei Kamuktaindet ne Toroor “Ngot iiste tuguuguk che kiwechei eng' tainnyu, koma keistoin anyun,

BUKUIT NE TILIIL Sireet ne Dutero Kanon

¹ “Ngot iweege, ee Israel, iweekyinage,” mwaei Kamuktaindet ne Toroor “Ngot iiste tuguuguk che kiwechei eng' tainnyu, koma keistoin anyun,

BUKUIT NE TILIL

¹ Ngot iweege, ee Israel, mwaei Jehovah, iweekyinage: ak ngot iiste tuguguk che kiwechei eng’ tainnyu, ko ma keistoin anyun;

JEREMIA 4:1 Referencias Cruzadas

TAUNET 35:2

Ki mwachi Jakobo anyun piigap koonnyi, ak tugul che ki mi kobooto ineendet koleenji, “Olakte kanamonik che mi kwenung'wong' che po pororyosyek alak, oanyinygei ak owal ngoroikwok.

2 LAITORINIK 23:13

Ki ing'wanit laitoryat komoswek che torooreen che ki mi taitap Jerusalem, che ki mi eutap tai ne po tulweetap ng'emisyet, ne kiga teekyi Solomon laitoryatap Israel Astoret ne kiwechei ne po Sidonik, kobooto Kemos ne kiwechei ne po Moab, ak Milkom ne kiwechei ne po lagogap Ammon.

2 LAITORINIK 23:24

Ki isto `Josiah icheek che kiboisyee oik, pooniik, terapik, kanamonik ak tuguuk tugul che kiwechei che ki kigeerei eng' emetap Judah ak eng' Jerusalem. Ki yai niito si kobiit kogimit ng'aleegap Ng'atuutik che kiga kisir eng' bukuit ne kinyoor Hilkiah tisiindet eng' kootap Kamuktaindet ne Toroor.

2 ATEPTAP PEETUUSYEK 15:8

Kingo kas Asa ng'aleechuuto, ak maonateetap maotyot Obed, konyiganit, ak koisto tuguuk che kiwechei eng' emet tugul ne po Judah ak Benjamin, ak eng' nganasook che kiga korep eng' emetap tuloonoogap Ephraim. Ak ki teech kogeny kaptisisyetap Kamuktaindet ne Toroor, ne ki mi taitap keterutap Kamuktaindet ne Toroor.

2 ATEPTAP PEETUUSYEK 33:8

amaistoi kogeny keldap Israel eng' emet ne ki aaroorchi kwanisyekwak: ngot koriip koyai tugul che ki ang'at icheek eng' Musa, ng'atuutik tugul ak etanutik ak kayomisutik.”

2 ATEPTAP PEETUUSYEK 34:33

Ak ki isto Josiah tuguuk tugul che kiwechei eng' emotinwek tugul che po Israel, ak kong'at piik tugul che po Israel kootis, koot Kamuktaindet ne Toroor Kamuktaindennywa. Ma meto pichooto koosup Kamuktaindet ne Toroor, Kamuktaindetap kwanisyekwak, eng' peetuusyekyik tugul.

ISAIAH 31:6

Oweekyigei ineendet ne ki ongelelji miising', ee lagogap Israel.

JEREMIA 15:19

Ara mwaei anyun Kamuktaindet ne Toroor kole, ngot iweekyogei, amutun kogeny, si kobiit itonon eng' tainnyu, ak ngot inemu kiit ne myee komong' eng' kiit ne ya, iigeitu kutinnyu. Iweekyiningei icheek, ago meweekyinigei icheek.

JEREMIA 15:4

Ak agoite icheek kewiirchi komosi ak komosi eng' pounatosyek tugul che po ng'wony, amu kiit ne ki yai Manasseh weeriitap Hezekiah ko laitoryatap Judah eng' Jerusalem.

JEREMIA 18:11

Ara anyun, ui ng'alaalji piigap Judah, ak piik che menyei Jerusalem, ileenji, mwaei Kamuktaindet ne Toroor kole: Ogeero, achobe yaityet agobo okweek ak achobe kiit ne aitook: ingoweigei age tugul eng' okweek, kometo ooreennyi ne ya, ak olitiit ortinwekwok ak poisyonikwok.

JEREMIA 24:9

agoitoi icheek koek che ki wiirchin komosi ak komosi eng' pounatosyek tugul che po ng'wony si konyoor taiyet; koek teweernateet, ak kalewenet, chotisyet ak sasisyet, eng' komoswek tugul ole aoonjini icheek.

JEREMIA 25:5

komwaei kole, ingoweek age tugul eng' okweek, kometo ooreennyi ne ya, ak eng' yaityetap poisyonikwok, ak omeny emet ne ki koonok Kamuktaindet ne Toroor kobooto kwanisyekwok, kobooch keny agoi koigeny;

JEREMIA 3:1

Mwaei icheek kole, Ngot koon chii osotyonnyi, ak kobagaakta ineendet ak koek osotyotap chiito age, ko tos ta koweekyigei chiichooto kwonyooto kogeny? Tos ma imurwoni emet miising'? Ago ki iyai kugoinatet kobooto chamanik che chaang', ago tos oweekyage kogeny? Mwaei Kamuktaindet ne Toroor.

JEREMIA 3:12

Ui, mwachi ng'aleechu komostap murot kaataam, ileenji, weege, inyee Israel ne ki iweekyigei let, mwaei Kamuktaindet ne Toroor. Ma ageerok eng' nereegek. Amu atinye rireenet, mwaei Kamuktaindet ne Toroor, Manereechi agoi.

JEREMIA 3:14

Oweege, okweek lagok che motinye kayaneet, mwaei Kamuktaindet ne Toroor, Amu anee ko aa manong'otyot eng' okweek, amutu chii agenge agenge eng' nganaseet age tugul, ak piik aeng' che po ooreet agenge, ak amutak agoi Zion.

JEREMIA 3:22

Oweege, okweek lagok che ki ogetyigei let, si asoop kachuchugeng'wong' pogei. Ak owolu oleen, Kagibwonjin, amu ii Kamuktaindet ne Toroor, Kamuktaindennyo.

JEREMIA 35:15

Ak ki ayookwok kogeny otwogikyuk tugul che maotik, ang'eete karon miising' ak ayoogu icheek, amwae ale, Oweege anyun chii age tugul eng' ooreennyi ne ya, ak olitit poisyonikwok, amosup kamuktaik che teer oot icheek, si omeny emet ne ki agoonok kobooto kwanisyekwok: ago ma oep iit, anan ogasa iit.

JEREMIA 36:3

Abeere tamangap kogas kootap Judah yaityet tugul ne kaatil ale ayachini icheek; si koweek chii tugul eng' icheek kometo ooreennyi ne ya, si anyochi kaat amu yaityennywa ak tengektonywa.

JEREMIA 4:4

Omuratange obunji Kamuktaindet ne Toroor, omuratan mugulelwekwok, okweek piigap Judah ak che omenye Jerusalem, si ma mong' nereegekyuk che koroomen ko uu maat, ak kolalyo kot koma imuuchi chii komis, amu yaityetap poisyonikwok.

JEREMIA 7:3

Mwaei Kamuktaindet ne Toroor ne po lugoosyek, Kamuktaindetap Israel kole: Olitit ortinwekwok ak poisyonikwok, si agoonok omeny yuto.

JEREMIA 7:5

Amu ngot olitit komyee ortinwekwok ak poisyonikwok, ak ngot orwooksechi komyee chii ak chiitap kokwennyi,

JEREMIA 7:7

agoonok anyun omeny olito, emet ne ki agoochi kwanisyekwok kobooch keny agoi koigeny.

EZEKIEL 11:18

Ak koba olooto, ak koisto tuguuk tugul che samisen eng' olooto, kobooto tuguuk tugul che kiwechei, koistogei eng' olooto.

EZEKIEL 18:13

ne ki kogoito tuguuk si konyoorunee kelunet ne siirtoot, ak koip che tesatiin: tos sap chiichooto iman? Ma sabei: ki koyai tuguuchuuto tugul kiwechei: meei iman; tebee ineendet korotiikyik.

EZEKIEL 43:9

Ingoisto anyun nguno kugoinatennywa ak muuswegap laitorinikwak, kolooitena, si ameny kwenunnywa koigeny.

HOSEA 14:1

Ee Israel, weekyigei Kamuktaindet ne Toroor Kamuktaindeng'ung'; amu ki ibut eng' tengektong'ung'.

HOSEA 2:2

Oteechi kamenng'ung', oteechi amu ineendet koma ko osotyonnyu, ama aa manong'otyonnyi. Ingometo kugoinatosyekyik che mi togeennyi, ak ingometo ibeetapkei nooto mi tegeennyi.

HOSEA 7:16

Weektogei, ago ma weekyingei ineendet ne mi parak; uu kwanget ne itustusoot: kibarei pounikwak eng' rotwetap chok amu nereegegap ng'elyebwekwak: egu niito chotisyennywa eng' emetap Misiri.

JOEL 2:12

Ago mwaei Kamuktaindet ne Toroor kole oweekyage agot nguno eng' mugulelwekwok tugul, eng' karugutetapkei, ak eng' riirek, ak eng' kateeiyet:

SEKARIA 1:4

Amoigei kwanisyekwok, che kiga iteechi maotik che po tai, koleenji, “Mwaei Kamuktaindet ne Toroor ne po lugoosyek kole, ‘Oweege anyun nguno omete ortinwekwok che yaach ak poisyonikwok che yaach.’ ” Ago ki ma kas icheek anan koepcha iit, mwaei Kamuktaindet ne Toroor.

NG'ATUTIK 27:15

“Chuboot ne yaei kanamwet ne wechei Kamuktaindet ne Toroor nooto ne kiwaei anan kiy ne kitaanyi eng' musoknateet ak kelumda eng' ung'oot.” Ak kowol piik tugul kole, Amen!

NG'ATUTIK 4:30

Ak ye imiitei nyalilda, ak kobwonjin tuguuchu tugul, iweekyigei Kamuktaindet ne Toroor Kamuktaindeng'ung' anyun eng' peetuusyek che po let, ak igas kutinnyi.

JOSHUA 24:14

“Oiywei anyun Kamuktaindet ne Toroor ak oboisyechi ineendet eng' muguleldo ne ma tinyei keniisyet ak eng' imanit. Oiste kanamonik che kiotei kwanisyekwok eng' aineet pitoniin ak eng' Misiri, ak oboisyechi Kamuktaindet ne Toroor.

KIRUOGIK 10:16

Ki isto anyun kanamonik che too eng' kwenunnywa ak koot Kamuktaindet ne Toroor. Ak ki iimak saboondanyi amu nyalildap Israel.

1 SAMUEL 7:3

Ki leenji `Samuel koot tugul ne po Israel, “Ngot oweekyinigei Kamuktaindet ne Toroor eng' mugulelwekwok tugul, ko nyolu oiste kamuktaik che pororyosyek alak ak Astarot eng' kwenung'wong' ak otokyi mugulelwekwok Kamuktaindet ne Toroor ak oot ineendet ineegei, si kosarwok eng' eunegap Philistiik.”