JEREMIA 32:24 - Bukuit Ne Tilil

²⁴ Ogeero karurugutigap ng'ung'unyek ole punu piik kobwanei koluulei nganasani; ak kagigoochi nganasani eutap Kaldeik che paregei ak nganasanooto, amu rotwetap chok, ak rubeet, ak koroito: ak kagosulda nooto ki imwa; ak keero, igeere nooto.

BUKUIT NE TILIIL Sireet ne Dutero Kanon

²⁴ Ogeero karurugutigap ng'ung'unyek ole punu piik kobwanei koluulei nganasani; ak kagigoochi nganasani eutap Kaldeik che paregei ak nganasanooto, amu rotwetap chok, ak rubeet, ak koroito: ak kagosulda nooto ki imwa; ak keero, igeere nooto.

BUKUIT NE TILIL

²⁴ Ogeero karurugutikab ng’ung’unyek ole bunu bik kobwanei koluulei nganasani; ak kagigochi nganasani eutab Kaldeik che baregei ak nganasanato, amu rotwetab chok, ak rubet, ak koroito: ak kagosulda noto kiimwa; ak keero, igeere noto.

JEREMIA 32:24 Referencias Cruzadas

2 SAMUEL 20:15

Ki pwa lugeet tugul ne ki mi ak Joab ak koyiem Sheba eng' Abel ne po Beth-maaka. Ki iyum ng'ung'unyek koek tulwo konamgei ak nganaseet ak ki tonon konamgei ak irimeet. Ki ryep irimeet piik tugul che ki mi ak Joab koluul kwo ng'wony.

ISAIAH 37:33

Mwaei anyun Kamuktaindet ne Toroor agobo laitoryatap Assyria, kole, ma itu ineendet nganasani, ama mwogei yooto eng' kipchabet, ama nyoonei tainnyi kotinyei long'eet, ama wasyin ng'ung'unyek.

JEREMIA 16:4

‘Pegu icheek eng' meet ne ng'waan; ma kiriirchin, ama kitubei. Igeitu ng'atateek eng' ng'wony ak ki pare rotwetap chok ak rubeet; si koek muuswekwak amitwogigap toriitigap parak ak tyong'igap ng'wony.’ ”

JEREMIA 20:5

Ak agoite kogeny mogornatosyek tugul che po nganasani, ak kelunaikyik tugul, ak tuguukyik tugul che po kamanuutyet, ee konoraik tugul che po laitorinigap Judah, koba eunegap puunikwak, che luulei tuguuchooto, ak konam, ak koip koba Babilon.

JEREMIA 24:10

Ak ayookyi icheek rotwetap chok, rubeet, ak koroito, agoi kogeskei eng' emet ne ki agoochi icheek ak kwanisyekwak.

JEREMIA 29:17

mwaei Kamuktaindet ne Toroor ne po lugoosyek kole: Ogeero, ayookyini icheek rotwetap chok, ak rubeet, ak koroito, ak ayai icheek koigei logoegap mogoonik che samis, che ma kimuuchi keam, amu yaacheen miising'.

JEREMIA 29:18

Ak asube icheek rotwetap chok, ak rubeet, ak koroito, ak agoite icheek kewiirchi komosi ak komosi eng' pounatosyek tugul che po ng'wony, si koek che chubootiin ak che kikwong'ee, che kireenyei ak che kiteweeri, eng' pororyosyek tugul che ki aoonji;

JEREMIA 32:25

Ee Kiptaiyat Kamuktaindet ne Toroor, ki imwaiwo ileenjo, Aljige mbareet eng' fedha, ak iguur paorinik; nganda ki kigoochi nganasani eutap Kaldeik.

JEREMIA 32:28

Mwaei anyun Kamuktaindet ne Toroor kole: Keero, agoochini nganasani eutap Kaldeik, ak eng' eutap Nebukadresar laitoryatap Babilon, ak koluul:

JEREMIA 32:3

Amu kiga koger ineendet Zedekiah laitoryatap Judah koleenji, amu nee si imaoten, ak ile, Mwaei Kamuktaindet ne Toroor kole, agoochini nganasani eutap laitoryatap Babilon, ak koluul;

JEREMIA 32:36

Mwaei anyun Kamuktaindet ne Toroor, Kamuktaindetap Israel, agobo nganasani, ne omwae ole, Kagigoochi eutap laitoryatap Babilon eng' rotwetap chok, ak eng' rubeet, ak eng' koroito, kole,

JEREMIA 32:5

ak komut Zedekiah kwo Babilon, ak kotebee olooto agoi tuun aityi pireet ineendet, mwaei Kamuktaindet ne Toroor: agot ngo pargei ak Kaldeik, koma kiberuurok?

JEREMIA 33:4

Amu mwaei Kamuktaindet ne Toroor, Kamuktaindetap Israel, agobo kooriigap nganasani, ak agobo kooriigap laitorinigap Judah, che kigebut koek che riibegei eng' taitap karurugutigap ng'ung'unyek, ak eng' rotwetap chok: mwaei kole:

JEREMIA 34:17

Mwaei anyun Kamuktaindet ne Toroor kole: Ma oepcha iit, si omwaite katyaget, eng' chii age tugul eng' tupchennyi, ak eng' chii age tugul eng' chiitap kokwennyi: ogeero, amwaiwok katyaget, mwaei Kamuktaindet ne Toroor, ne po rotwetap chok, ne po koroito, ak ne po rubeet; ak agoitook kewiirchok komosi ak komosi eng' pounatosyek tugul che po ng'wony.

JEREMIA 52:4

Ak eng' kenyiitap sogool ne po laitornatennyi, eng' arawetap taman, eng' peetuutap taman ne po arawanooto, konyo Nebukadresar laitoryatap Babilon, ineendet ak lugeennyi tugul, kobookyi Jerusalem, ak koteech kotokyigei nganaseet; ak ki teech icheek irimoik koyiem.

JEREMIA 52:6

King'wanit rubeet eng' nganasanooto eng' arawetap ang'wan eng' peetuutap sogool ne po arawanooto, ne ki ma komi amitwogik che amei piik eng' emet.

JEREMIA 6:6

Amu kagomwa Kamuktaindet ne Toroor ne po lugoosyek kole, Oluul, oep keetiik ak owasyi ng'ung'unyek Jerusalem, amu niito nganaseet ne kebirei, sastaet ineegei ne mi kwenunnyi.

EZEKIEL 14:21

Amu mwaei Kiptaiyat Kamuktaindet ne Toroor kole: Kotam nee anyun ye ayookyi Jerusalem kirwoogutikyuk ang'wan che ng'woneen; rotwetap chok, ak rubeet, ak tyong'ik che yaacheen, ak koroito, si kobar chii ak tyony?

EZEKIEL 21:22

Ki mi eunnyi ne po tai ng'oorset agobo Jerusalem, si konde injinisyek che kibutisye, si koseng'eng'ji parisyet, ak kowaach miising', konde injinisyek taitap ormariichok, kowasyi ng'ung'unyek, koteech irimoik.

EZEKIEL 21:27

Agabui, agabui, agabui; ma kobiitu nooto kogeny, kot konyo ne nyoljin kobunji; si agoochi ineendet.

EZEKIEL 26:8

Pare rotwetap chok tiibiiguk che mi emet: ak koteech irimoik kotokyin, ak koruruuch ng'ung'unyek kotokyin, ak konamji parak long'eet ne oo kotokyin.

EZEKIEL 4:2

ak iyiem, ak iteech irimoik iyieme, ak iwasyi ng'ung'unyek, ak iteech kooriik kotokyigei, ak inde komoswek tugul injinisyek che kibute nganaseet.

HABAKUK 1:10

Ee, chotei laitorinik, roryot pounik eng' ineendet: rorechin irimeet age tugul; amu iyumi temburyek, ak koip.

SEKARIA 1:6

Ago tos ki ma ityi kwanisyekwok ng'aleekyuk ak ng'atuutikyuk che ki ang'at otwogikyuk maotik? Ak ki week icheek ak kole, “Ki koyaiywech Kamuktaindet ne Toroor ne po lugoosyek ko uu ye kiga ibwaat kole yaiywech ko uu ortinwekyok, ak ko uu poisyonikyok.”

MATAYO 24:35

Siirtoi kipsengwet ak ng'wony, ago ma siirtoi ng'aleekyuk.

NG'ATUTIK 4:26

ko kaaguur kipsengwet ak ng'wony kobaoryanjin peetuuni, ale osip olustosi owong'ugei eng' emet ne obendi olandoe Jordan oname kobunjook. Ma chaang'aitu peetuusyekwok eng' olooto ago king'emok owong'ugei.