JEREMIA 26:8 - Bukuit Ne Tilil

⁸ Ak kingo kagogees Jeremiah ng'alaalet tugul ne kiga ng'at Kamuktaindet ne Toroor komwachi piik tugul, konam anyun tisiik ak maotik ak piik tugul ineendet, koleenji, imee iman.

BUKUIT NE TILIIL Sireet ne Dutero Kanon

⁸ Ak kingo kagogees Jeremiah ng'alaalet tugul ne kiga ng'at Kamuktaindet ne Toroor komwachi piik tugul, konam anyun tisiik ak maotik ak piik tugul ineendet, koleenji, imee iman.

BUKUIT NE TILIL

⁸ Ak kingo kagoges Jeremia ng’alalet tugul ne kiga ng’at Jehovah komwachi bik tugul, konam anyun tisiik ak maotik ak bik tugul inendet, kolenji, Imee iman.

JEREMIA 26:8 Referencias Cruzadas

2 ATEPTAP PEETUUSYEK 36:16

Ago ki reeny pichooto ki iyooktoi Kamuktaindet, ak ki sas ng'aleekyik, kogengenie maotikyik, agoi konereekyi `Kamuktaindet ne Toroor piikyik, kot koma komi kiit ne kinyae.

JEREMIA 1:19

Ibookyin icheek, ago ma iterteerin; amu ami kobooten, si asaruun, mwaei Kamuktaindet ne Toroor.

JEREMIA 18:18

Ki mwa anyun kole, obwa kechop kiit ne kiitoi Jeremiah; amu ma petei ng'atuutyet eng' tisiindet, ama petei kirwooget eng' chiito ne utaat, ama petei ng'olyoot eng' maotyot. Obwa, kebire ng'elyepta, amat ongeepchi iit agot ng'olyoot agenge eng' ng'aleekyik.

JEREMIA 18:23

Ago, ingen inyee Kamuktaindet ne Toroor, kirwoogennywa ne irwoochi kole kobara; menyochi kaat tengektonywa, amebukte chalwoktanywa eng' taing'ung': ago ingeriich eng' taing'ung'; yachi ko uu nooto eng' peetuutap nereegeguk.

JEREMIA 2:30

Ki abir lagokwok puch, ma cham icheeget katigonet. Kigobar rotweng'ung' po chok maotikwok, ko uu ng'etundo ne ng'emisyei.

JEREMIA 32:3

Amu kiga koger ineendet Zedekiah laitoryatap Judah koleenji, amu nee si imaoten, ak ile, Mwaei Kamuktaindet ne Toroor kole, agoochini nganasani eutap laitoryatap Babilon, ak koluul;

JEREMIA 43:1

Ak ye kingo kagogees Jeremiah ng'alaalet ne ki ng'alaaljin piik tugul ng'aleek tugul che po Kamuktaindet ne Toroor Kamuktaindennywa, che kiga koyooktoe Kamuktaindet ne Toroor Kamuktaindennywa ineendet komwachi icheek ng'aleechooto tugul,

AMOS 7:10

Ki iyookto anyun tisiindet Amasia ne po Bethel keguur Jeroboam laitoryatap Israel, keleenji, “Kogochaamin Amos eng' kwenutap kootap Israel; ma imuuchi emet komuita eng' ng'aleekyik tugul.

MATAYO 22:6

ko che ki ng'et konam otwogikyik, konyaliil ak kobar.

MATAYO 27:20

Kisaisai tisiik che eecheen ak poisyek tuiyosyek kole kosoom kityaach Barabbas ak kebar Jeso.

POISYONIGAP CHE KIYOKTOI 5:33

Kingo kas icheek niito, kong'wanit miising' eng' mugulelwekwak, kot komach kobar icheek.

POISYONIGAP CHE KIYOKTOI 7:52

Ng'oo eng' maotik ne ma us kwanisyekwok? Ak ki par che kisip koboor nyonunetap Chiito ne po Imanda; ne kaoegu okweek nguno ng'wektoik ak rumiik.

NG'ANG'UTYET 18:24

Ak ki kinyoorchi ineendet korotiigap maotik ak che po piik che tiliileen, ak che po tugul che ki kibar eng' ng'wony.