JEREMIA 19:7 - Bukuit Ne Tilil

⁷ Ak ayai koek puch kirwoogutigap Judah ak Jerusalem eng' olito; ak agoochini kebare rotwetap chok eng' taitap puunikwak, ak eng' eunegap icheeget che cheeng'ei saboonwekwak: ak agoite muuswekwak koek amitwogigap toriitik che po parak, ak che po tyong'igap ng'wony.

BUKUIT NE TILIIL Sireet ne Dutero Kanon

⁷ Ak ayai koek puch kirwoogutigap Judah ak Jerusalem eng' olito; ak agoochini kebare rotwetap chok eng' taitap puunikwak, ak eng' eunegap icheeget che cheeng'ei saboonwekwak: ak agoite muuswekwak koek amitwogigap toriitik che po parak, ak che po tyong'igap ng'wony.

BUKUIT NE TILIL

⁷ Ak ayai koek buch kiruogutikab Juda ak Jerusalem eng’ olito; ak agochini kebare rotwetab chok eng’ taitab bunikwak, ak eng’ eunekab icheget che cheng’ei sobonwekwak: ak agoite muswekwak koek amitwogikab taritik che bo barak, ak che bo tiong’ikab ng’ony.

JEREMIA 19:7 Referencias Cruzadas

2 LAITORINIK 21:14

Atoortai che kang'et che po porotennyu, ak ande icheek eunegap puunikwak. Egu icheek luulenik che luulei puunikwak tugul,

KALEWANAIK 21:30

Ma mi utaatyet, anan kaguiyet, anan kirwooget, ne kirindoi Kamuktaindet ne Toroor.

ISAIAH 29:14

Ara anyun, ayae poisyet ne kitang'aang'jin eng' kwenutap pichu, poisyet ne kitang'aang'jin ak kekwong'ee. Ak kobet utaatyetap piikwak che utaatiin, ak keuny kaguiyetap piikwak che ng'oomen.

ISAIAH 8:10

Orwooch tugul, ago egu puch; omwa ng'olyoot, ama tononi, amu mi Kamuktaindet kobootech.

JEREMIA 15:2

Ak ngo teebenen koleenjin, kibendi ano? Imwachi anyun ileenji, mwaei Kamuktaindet ne Toroor kole, Che po meet, kobendi meet, che po rotwetap chok, kobendi rotwetap chok, che po rubeet, kobendi rubeet, ak che po luuleet, kobendi luuleet.

JEREMIA 15:9

Nyaluli ineendet ne kigosich lagok tisap, meei; ak roroktoi asiistanyi kota ko peet; ililani ak kotoptoben. Agoitoi che ng'etu eng' icheek kobar rotwetap chok eng' taitap puunikwak, mwaei Kamuktaindet ne Toroor.

JEREMIA 16:4

‘Pegu icheek eng' meet ne ng'waan; ma kiriirchin, ama kitubei. Igeitu ng'atateek eng' ng'wony ak ki pare rotwetap chok ak rubeet; si koek muuswekwak amitwogigap toriitigap parak ak tyong'igap ng'wony.’ ”

JEREMIA 18:21

Igoite anyun lagokwak, kobar rubeet, ak igoite icheek kobar rotwetap chok; ak ingobetyi lagok osotikwak, ak koek mosoogik; ak ingobar meet murenikwak, ak ingobar rotwetap chok neranikwak eng' lugeet.

JEREMIA 21:7

Ak ye ibata, mwaei Kamuktaindet ne Toroor, asaru Zedekiah laitoryatap Judah, ak otwogikyik, ak piik, piik che ng'etu eng' nganasaniito, asaru eng' koroito, ak eng' rotwetap chok, ak eng' rubeet, agoite koba eutap Nebukadresar laitoryatap Babilon, ak koba eunegap puunikwak, ak eunegap icheeget che cheeng'ei saboonwekwak: ak kobar icheek eng' rotwetap chok; ma pagaaktoi, ama riiree, ama rireegei.

JEREMIA 22:19

Kitubei ko uu ye kitubei sigiryet, kichuuti ak kewiirta kosiir ormariichogap Jerusalem.

JEREMIA 22:25

ak andein eunegap icheeget che cheeng'ei saboondang'ung', ak eunegap icheek che iywei, eutap Nebukadresar laitoryatap Babilon, ak eutap Kaldeik.

JEREMIA 32:28

Mwaei anyun Kamuktaindet ne Toroor kole: Keero, agoochini nganasani eutap Kaldeik, ak eng' eutap Nebukadresar laitoryatap Babilon, ak koluul:

JEREMIA 34:20

agoitoi icheek koba eutap puunikwak, ak koba eutap icheek che cheeng'ei saboonwekwak: ak koek muuswekwak amitwogigap toriitigap parak, ak che po tyong'igap ng'wony.

JEREMIA 46:26

ak andoi icheek eutap icheeget che cheeng'ei saboonwekwak, ak eutap Nebukadresar laitoryatap Babilon, ak eutap otwogikyik; ye ibata kemeny ko uu peetuusyek che po keny, mwaei Kamuktaindet ne Toroor.

JEREMIA 7:33

Ak koek muuswegap pichu amitwogigap toriitik che po parak, ak che po tyong'igap ng'wony. Ama piitu chii ne iyestoi.

JEREMIA 8:2

Kimaae eng' asiista ak eng' arawet ak eng' taitap tuguuk tugul che po kipsengwet, che kiga kocham, che kiga koot, che kiga kosubot, che kiga kocheeng'at ak che kiga kolas. Ma kiyumi anan ketup, ago egu keturek eng' emet.

JEREMIA 8:8

Omuktoi ano anyun omwa ole, “Ki utaatiin, ak oleen, ki tinyei ng'atuutyetap Kamuktaindet ne Toroor? Ago, ogeere iman ole ki koyai ng'aalseet kalamitap kaberberisyet ne po Siriik.

JEREMIA 8:9

Ki teweeri piik che utaatiin, Aragendos ak kenamei icheek. Kigoesyo ng'olyootap Kamuktaindet ne Toroor, Ara anyun tinyei ng'omnateet ne uu nee?

RIREKAB JEREMIA 3:37

Ng'oo ineendet ne mwaei ak kosulda kioto, ng'oo ne ng'atei kioto ngo ma Kiptaiyat?

ATEPTAP LAWIK 26:17

Aboorwok nereegekyuk, ak kebaraak eng' taitap puunikwok. Poiywok che wechok, ak omwei ko maonok chii.

ATEPTAP LAWIK 26:25

Aibwok rotwetap chok ne yaakwok mugetuut ne po kayomiset. Ye oyumjigei nganasookwok, ayookwok koroito konyo kweng'wong' ak kindeak eunegap puunikwok.

ROMANIK 3:31

Tos ki yai anyun Ng'atuutyet koek ne ma tilei kiy amu kayaneet? Achicha, ma uu nooto: ki kimiti Ng'atuutyet.

ROMANIK 4:14

Amu ngot koek che namei tuguuk, icheek che po Ng'atuutyet, ko kagoek puch kayaneet, ak kageyai arorutyet koek ne ma tilei kiy:

1 SAMUEL 17:46

Indein rani Kamuktaindet ne Toroor eunnyu. Awirin abariin ak atil meting'ung' yeityo agoochi rani muuswegap lugeetap Philistiik toriitik che po parak, ak tyong'igap timiin che po ng'wony, si kobiit konai ng'wony tugul kole mi Kamuktaindet Israel.