JEREMIA 19:15 - Bukuit Ne Tilil

¹⁵ Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole, ogeero, aipchini nganasani ak nganasookyik tugul yaityet tugul ne koamwa agobo nganasaniito; amu ko iuit katwekwak, si ma kas ng'aleekyuk.

BUKUIT NE TILIIL Sireet ne Dutero Kanon

¹⁵ Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole, ogeero, aipchini nganasani ak nganasookyik tugul yaityet tugul ne koamwa agobo nganasaniito; amu ko iuit katwekwak, si ma kas ng'aleekyuk.

BUKUIT NE TILIL

¹⁵ Mwaei Jehovah ne bo lugosiek, Kamuktaindetab Israel, ko u ni kole, Ogeero, aipchini nganasani ak nganasokyik tugul yaitiet tugul ne koamwa agobo nganasanito; amu koiuuiit kaatwekwak, si magas ng’alekyuk.

JEREMIA 19:15 Referencias Cruzadas

NEEMIA 9:17

Ki eesyo icheek kogas iit, amata kobwaat kwang'utiguk che ki iyai eng' kwenunnywa, ago ki iuiit kaatinnywa. Eng' ngelelnatennywa kogilewen kiptaiyannywa komut icheek koweekyigei otwoknateet eng' Misiri. Ago ii Kamuktaindet ne ichoboot inyochi kaat, ii myee ak itinye riirge, ii Kamuktaindet ne ma sip konereechi, ak itinye rireenet ne oo, ama imete icheek.

NEEMIA 9:29

Ki ibaoryanji icheek itigon, ile imutyi kogeny Ng'atuutyeng'ung', ago kiboisyee icheek menoteet, ama kas iit ng'atuutiguk, ago ki yai tengekto kongelelji kirwoogutiguk (che ngot koriip chii age tugul kosabe). Kilit oliin ak kouiit kaatinnywa ama cham kogas.

JEREMIA 11:11

Ara amwae anyun anee Kamuktaindet ne Toroor ale, ogeero, aipchini icheek yaityet, ne ma imuuchi kochililee. Ririirchino, ago ma kasyini icheek.

JEREMIA 11:17

Amu kagomwa Kamuktaindet ne Toroor ne po lugoosyek, ne kiminin, yaityet agobo inyee, amu yaityetap kootap Israel ak ne po kootap Judah, che ki koyachigei kotacha anereech amu ki igoochi Baal nyamdutik.

JEREMIA 13:11

Amu ko uu ye namegei pireneet ak suetap chii, ko uu nooto anyun kaagoochi koot komugul ne po Israel ak koot komugul ne po Judah kenamge, mwaei Kamuktaindet ne Toroor, si kobiit koek eng' anee pororyet, kainet, kalasunet ak teegisto. Ago ma cham kogas.”

JEREMIA 17:23

ago ma kas, anan koep iit, ago ki iuit kaatwekwak, si ma kas, ak kotaach kaneetisyet.

JEREMIA 18:11

Ara anyun, ui ng'alaalji piigap Judah, ak piik che menyei Jerusalem, ileenji, mwaei Kamuktaindet ne Toroor kole: Ogeero, achobe yaityet agobo okweek ak achobe kiit ne aitook: ingoweigei age tugul eng' okweek, kometo ooreennyi ne ya, ak olitiit ortinwekwok ak poisyonikwok.

JEREMIA 19:3

Mwaa ile: Ogas okweek ng'olyootap Kamuktaindet ne Toroor, ee laitorinigap Judah, ak piik che omenye Jerusalem; mwaei Kamuktaindet ne Toroor ne po lugoosyek, Kamuktaindetap Israel, kole, ogeero, aipchini yaityet olito, ne ngo kas chii age tugul, kotildilyo itiikyik.

JEREMIA 22:21

Ki ang'alaalun eng' peetuusyegap poroteng'ung'; ago ki imwa ile, “Ma kase.” Ki koek piteeng'ung' niito kobooch ming'inateng'ung', ile, megase iit kutinnyu.

JEREMIA 25:3

Ki nyoonjo ng'olyootap Kamuktaindet ne Toroor kobooch kenyiitap taman ak somok ne po Josiah weeriitap Ammon, laitoryatap Judah, agoi ra, kenyisyechu tiptem ak somok, ak ki amwaiwok, ang'eete karon miising' ak ang'alaalwok; ago ma ogas.

JEREMIA 25:4

Ak ki koyokwok Kamuktaindet ne Toroor otwogikyik tugul che maotik, kong'eetei karon miising' ak koyogu icheek; ago ma ogas, anan oep iit, si kobiit ogas;

JEREMIA 25:7

Ago ki ma ogasa kora, mwaei Kamuktaindet ne Toroor; si kobiit otacha eng' poisyonigap eunekwok, si oipchinegei ng'wanindo.

JEREMIA 25:8

Kamwa anyun Kamuktaindet ne Toroor ne po lugoosyek kole: Amu ma ogas ng'aleekyuk,

JEREMIA 36:31

Ak abire ineendet ak iyotennyi, kobooto otwogikyik amu tengektonywa; ak aipchini icheek ak piik che menyei Jerusalem, kobooto piigap Judah, yaityet tugul ne ki amwa agobo icheek, ago ma kas.

JEREMIA 5:3

Ee Kamuktaindet ne Toroor, tos ma keerei konyeguk imanit? Ki ibir icheek, ago ma aragenso, ki igeesu icheek, ago ki eesyo kotaach katigonet. Ki iuit icheek togoochikwak kosiir rwandet, ki eesyo koweekyingei.

JEREMIA 6:19

Ogas okweek ng'wony, aipchini pichu yaityet, kosupkei ak logoegap kabwaatutikwak, amu ma epchi iit ng'aleekyuk, ak ki koeesyo ng'atuutikyuk.

JEREMIA 7:26

Ago ma kasa, ama ep iit, ago ki iuit kaatinnywa. Ki yai ne ya kosiir kwanisyekwak.

RIREKAB JEREMIA 2:2

Kigong'em Kiptaiyat meng'otosyek tugul che po Jakobo ama riiree. Ki kobut eng' nereegekyik irimoigap cheptap Judah. Ki koturuur icheek kobwa ng'wony eng' kalilanet pounateet ak pounikyik.