JEREMIA 1:8 - Bukuit Ne Tilil

⁸ Meiywei icheek, amu ami kobooten ak asaruun, mwaei Kamuktaindet ne Toroor.

BUKUIT NE TILIIL Sireet ne Dutero Kanon

⁸ Meiywei icheek, amu ami kobooten ak asaruun, mwaei Kamuktaindet ne Toroor.

BUKUIT NE TILIL

⁸ Ameiywei ichek: amu ami koboten, asorun, mwaei Jehovah.

JEREMIA 1:8 Referencias Cruzadas

KOMONG'U 3:12

Ak ki le Kamuktaindet ne Toroor, “Ami kobooten iman ak egu ni kaboorunet ne inae ile kayookten: ye kaimoong'u piik eng' Misiri, oboisyechi Kamuktaindet eng' tulwooni.”

ISAIAH 43:2

Ami kobooten ye ibune peek che chaang'; ak ye ibune ainoosyek, koma imaluuchin; ye ibune maat, koma peelin; ama imelin liplibenetap maat.

ISAIAH 51:12

Anee, aneendet ne agoigook: ii ng'oo, kot iywei chiito ne meei, ak iywei weeriitap chii ne kiyaei koek suswot;

ISAIAH 51:7

Oepcha iit, okweek che ongen imanda, piik che mi ng'atuutyennyu mugulelwekwak: amoiywei chotisyetap piik, amoaragense amu churisyosyekwak.

JEREMIA 1:17

Kermenge anyun, yetyo ing'eet ak imwachi icheek tuguuk tugul che ang'atiin. Ametoptoben amu icheek, si ma koonin itoptoben eng' tainnywa.

JEREMIA 1:19

Ibookyin icheek, ago ma iterteerin; amu ami kobooten, si asaruun, mwaei Kamuktaindet ne Toroor.

JEREMIA 20:11

Ago mi Kamuktaindet ne Toroor kobooto ko uu ineendet ne kiim ak komuisei: kinachi anyun usiikyuk, ama iterteerisyei: ililandos kot, amu ma yai eng' ng'omnateet, ak ma koi kiutye teweernatennywa ne po koigeny.

JEREMIA 30:11

Amu ami kobooten, mwaei Kamuktaindet ne Toroor, si asaruun; amu ageesu pororyosyek tugul che kigayestochin, ago magesun inyee; ago atigoonenen kirwooget, amabagaaktoin ama kibirin.

JEREMIA 39:11

Ki ng'at anyun Nebukadresar laitoryatap Babilon Nebusaradan kiptaiyatap riibiik, agobo Jeremiah, koleenji,

JEREMIA 42:11

Amoiywei laitoryatap Babilon, ne oiywei; amoiywei ineendet, mwaei Kamuktaindet ne Toroor: amu ami kobootok, si asarwok, ak atyachak eng' eunnyi.

DANIEL 3:17

Ngot ko uu nooto, komuuchi Kamuktaindennyo ne keote kosarwech eng' maat ne oo ne lalei miising'; ak kosarwech ineendet eng' eung'ung', ee laitoryat.

DANIEL 3:25

Kowolji `ineendet icheek koleenji, “Ogeero, ageere piik ang'wan che ityagotiin, kobendoti eng' ma, ama am kiy; ak kergei itondap ne po ang'wan ak weeriitap kamuktaik.”

MATAYO 10:26

“Moiywei anyun icheek; amu ma mi kiy ne tugoot ne ma tuun king'aanyei, ama mi kiy ne ung'aat ne ma tuun naoksei.

MATAYO 28:20

oneet icheek koosup tuguuk tugul che kaang'atak. Ak ogeero, ami kobootok eng' peetuusyek tugul, agoi kagesunetap ng'wony.”

POISYONIGAP CHE KIYOKTOI 18:10

amu ami kobooten, ama mi chii ne twain koyaun ne ya, amu atinye piik che chaang' eng' nganasani.”

POISYONIGAP CHE KIYOKTOI 26:17

asaruun eng' piik, ak eng' Pororyosyek, ole tuun ayooktoin iwe,

POISYONIGAP CHE KIYOKTOI 4:13

Kingo keer `icheek nyiganatetap Petero ak Johana, ak konai kole piich che ma ineetatin ama che taagunotiin, kokwong'yo ak konai kole ki cham komi kobooto Jeso.

POISYONIGAP CHE KIYOKTOI 4:29

Ak nguno anyun, Kiptaiyat, keer kertaennywa po kong': ak igoochi otwogiguk komwa ng'olyoondeng'ung' eng' nyiganateet tugul,

EPESOEK 6:20

amu aa tononjinindet ne po nooto eng' nyororosyek; si kobiit ang'alaal eng' chooto eng' nyiganateet, ko uu ye nyolu amwa.

NG'ATUTIK 31:6

Ogimegitu, onyiganitu, amoiywei anan oaragense amu icheek. Amu wendi Kamuktaindet ne Toroor Kamuktaindeng'ung' kobooten ago ma metoin ineendet ama pagaaktoin.”

NG'ATUTIK 31:8

Ineendet Kamuktaindet ne Toroor ne indoenen ak mi kobooten, amemetoin, ama pagaaktoin ameiywei anan iaragen.”

JOSHUA 1:5

Ma piitu chii ne imuuchi kotonon eng' taing'ung' peetuusyek tugul kotee isabe. Ko uu ye ki ami kobooto Musa, ko uu nooto ami kobooten. Ma meteen anan abagaakteen.

JOSHUA 1:9

Tos ma anee ne ki ang'atiin? Kimitu ak inyiganitu. Meiywei anan itoptoben amu mi Kamuktaindet ne Toroor Kamuktaindeng'ung' kobooten eng' ui tugul ole iwendi.”