JEREMIA 1:19 - Bukuit Ne Tilil

¹⁹ Ibookyin icheek, ago ma iterteerin; amu ami kobooten, si asaruun, mwaei Kamuktaindet ne Toroor.

BUKUIT NE TILIIL Sireet ne Dutero Kanon

¹⁹ Ibookyin icheek, ago ma iterteerin; amu ami kobooten, si asaruun, mwaei Kamuktaindet ne Toroor.

BUKUIT NE TILIL

¹⁹ Ak obarge, ago maiterterin: amu ami koboten, si asorun, mwaei Jehovah.

JEREMIA 1:19 Referencias Cruzadas

TIENWOGIKAL 129:2

“Kigonyalila icheek konyil che chaang' kobooch ko aa ming'in, ago ki ma iterteera.

JEREMIA 1:18

Keero, kayain peetuuni iegu nganaseet ne riiboot, toloitap karnet, ak irimoigap sugunwet, si igirinde emet komugul, igirinde laitorinigap Judah ak pounikyik, tisiikyik ak piigap emet.

JEREMIA 1:8

Meiywei icheek, amu ami kobooten ak asaruun, mwaei Kamuktaindet ne Toroor.

JEREMIA 11:19

Ago ki auu aarwetap keechiir ne tala, ne ki kweryei kwo ole kieng'e; ak ki ma anai ale Ki kochop `icheek chobutik che yaacheen agobo anee, kole, ongeng'em keetit kobooto logoekyik, ak ongeiste ineendet eng' emetap che saptos, si mata kibwaat kainennyi kogeny.

JEREMIA 11:21

Nooto anyun amu nee si komwaei Kamuktaindet ne Toroor agobo piigap Anatoth, che cheeng'ei saboondang'ung', kole, “Amat imaoten eng' kainetap Kamuktaindet ne Toroor, si ma ki parin acheek.”

JEREMIA 18:18

Ki mwa anyun kole, obwa kechop kiit ne kiitoi Jeremiah; amu ma petei ng'atuutyet eng' tisiindet, ama petei kirwooget eng' chiito ne utaat, ama petei ng'olyoot eng' maotyot. Obwa, kebire ng'elyepta, amat ongeepchi iit agot ng'olyoot agenge eng' ng'aleekyik.

JEREMIA 2:1

Ki nyoonjo ng'olyootap Kamuktaindet ne Toroor, koleenjo,

JEREMIA 20:10

Amu koagas kateweerisyetap che chaang', kamuiset eng' komosta age tugul. Mwaei choronokyuk tugul che achame, che machei kotaama, kole, omwaite, si kemwaite ineendet; tamangap kigaigai, si kiterteer ineendet ak kiyaaktochinegei mugetuut.

JEREMIA 20:11

Ago mi Kamuktaindet ne Toroor kobooto ko uu ineendet ne kiim ak komuisei: kinachi anyun usiikyuk, ama iterteerisyei: ililandos kot, amu ma yai eng' ng'omnateet, ak ma koi kiutye teweernatennywa ne po koigeny.

JEREMIA 26:8

Ak kingo kagogees Jeremiah ng'alaalet tugul ne kiga ng'at Kamuktaindet ne Toroor komwachi piik tugul, konam anyun tisiik ak maotik ak piik tugul ineendet, koleenji, imee iman.

JEREMIA 30:11

Amu ami kobooten, mwaei Kamuktaindet ne Toroor, si asaruun; amu ageesu pororyosyek tugul che kigayestochin, ago magesun inyee; ago atigoonenen kirwooget, amabagaaktoin ama kibirin.

JEREMIA 39:17

Ago asaruun eng' peetuunooto, mwaei Kamuktaindet ne Toroor: ama kigoochinin eunegap piik che iywei.

JEREMIA 42:11

Amoiywei laitoryatap Babilon, ne oiywei; amoiywei ineendet, mwaei Kamuktaindet ne Toroor: amu ami kobootok, si asarwok, ak atyachak eng' eunnyi.

JEREMIA 46:28

Meiywei, ee Jakobo otwogindennyu, mwaei Kamuktaindet ne Toroor; amu ami kobooten: amu ageesu pororyosyek tugul che kigaonjin, ago magesun; ago atigoonin eng' kirwooget, amabagaaktoin ama kibirin.

DANIEL 3:25

Kowolji `ineendet icheek koleenji, “Ogeero, ageere piik ang'wan che ityagotiin, kobendoti eng' ma, ama am kiy; ak kergei itondap ne po ang'wan ak weeriitap kamuktaik.”

KAITOSYEK 14:9

Ago kaigai amongelelji Kamuktaindet ne Toroor anan oiywei piigap emet, amu uu amitwogik icheek eng' acheek. Kigeistoe icheek urwetap toreteet ak mi Kamuktaindet ne Toroor kobootech, amoiywei icheek.”

POISYONIGAP CHE KIYOKTOI 26:17

asaruun eng' piik, ak eng' Pororyosyek, ole tuun ayooktoin iwe,

JOSHUA 1:9

Tos ma anee ne ki ang'atiin? Kimitu ak inyiganitu. Meiywei anan itoptoben amu mi Kamuktaindet ne Toroor Kamuktaindeng'ung' kobooten eng' ui tugul ole iwendi.”