JAKOBO 2:6 - Bukuit Ne Tilil

⁶ Ago kaosas kibananiat. Tos ma inyalilok mogoreek, ak kochuutok obe kapkirwoogutik?

BUKUIT NE TILIIL Sireet ne Dutero Kanon

⁶ Ago kaosas kibananiat. Tos ma inyalilok mogoreek, ak kochuutok obe kapkirwoogutik?

BUKUIT NE TILIL

⁶ Ago kaosas kibananiat. Tos mainyalilok magorek, ak kochuutok obe kapkiruogutik?

JAKOBO 2:6 Referencias Cruzadas

Kitabuutap JOB 20:19

Amu ki inyaliil kibananook ak kometo, ki korep koot eng' koroomnateet, ak ma teechei kogeny.

TIENWOGIKAL 10:10

Ribisi, ing'uruuksei, ak kobutyo che nyalildos amu chechiik che kiimeen.

TIENWOGIKAL 10:14

Ago igeertoi inyee; igeere inyee mastaet ak tagisyet, si ibou eng' eung'ung'. Tienengei ne nyeraat; ki iegu toretindetap ne ma tinyei sigiik.

TIENWOGIKAL 10:2

Inyalili `kiptengeginik che menoot kibananook eng' koroomnateet; ingonam icheek mestonok che ki kobwaat.

TIENWOGIKAL 10:8

Tebee ole ung'egei eng' nganasook; parei che ma tinyei ng'oogi eng' komoswek che ung'ootiin. Sapchin konyekyik ineendet ne nyeraat;

TIENWOGIKAL 12:5

Mwaei Kamuktaindet ne Toroor: “Amu sastaetap kibananook, amu tigenetap che panandos, ang'eete nguno, agoochini kotebi riibetapkei, nooto ne machei miising'.”

TIENWOGIKAL 14:6

Ki oteweer ng'aleegap kibananiat, ago Kamuktaindet ne Toroor ole mwechin ineendet.

KALEWANAIK 14:31

Iteweeri Yaindennyi ne usei kibananiat, ago konyiti Yaindennyi `ineendet ne riiree ne ma tinyei kiy.

KALEWANAIK 17:5

Age tugul ne chotei kibananiat ko chotei Yaindennyi, ineendet ne poiboitu ko kanyoor alage nyalilda koma kimetoi ama kibir.

KALEWANAIK 18:23

Poisyee kibananiat kagaigaosyek; ago wolu mogoryot kong'emei.

KALEWANAIK 22:16

Ineendet ne usei kibananiat si kotesak tuguukyik, ak kogoochin tuguuk mogoryot, koegu kibananiat.

KALEWANAIK 22:7

Ko uu ye pou `mogoryot kibananook, ko otwogindetap chiito ne pesendoi, ne peseni.

AMDOINDET 5:8

Ngot igeer kesastae kibananiat ak keistoi kirwooget ak imanda eng' koroomnateet eng' emet, ko mekwong'ee nooto. Amu keerei nooto ineendet ne toroor kosiir icheeget che torooreen, ak mi che torooreen kosiir icheek.

ISAIAH 53:3

Ki kisas, ak ki eesyo `piik ineendet; chiitap aragenosyek, ne ingen ng'wanindo: ak ki kisas ineendet ko uu chiito ne ung'e piik togoochikwak, ama kiit ineendet keele kiy.

AMOS 4:1

Ogas ng'olyoondoni, okweek tuugap Bashan, che miitei tulweetap Samaria, che sastoe kibananook, che tyekyin ng'wony che ma tinyei kiy, che leenjin kiptainikwak, “Oibu, kee!”

AMOS 5:11

Amu ki otyechatyech kibananook, ak omage icheek peek eng' kimnateet. Ki oteech anyun kooriik eng' koik che ki kiwai, ago momenye koorchooto; ki omiin mbareenik che korooron che po sabibuk, ago moee divaikwak.

HABAKUK 3:14

Ki toore `kiplitokyik kandoindetap piikyik che po lugeet: Ki pwa ko uu kipchurchuryet kole koseera: Ki uu poiboindanywa che amei kibananook eng' ung'oot.

SEKARIA 7:10

amous kwony ne ki kosiirtoe manong'otyot, anan ne ma tinyei sigiik, anan ne too, anan ne panan; amat kobwaat chii age tugul eng' okweek yaityet eng' muguleldanyi agobo tupchennyi.

JOHANA 8:49

Kowol Jeso kole, “Ma tinyei oindet; ago agonyiti Abba, ak oteweera.

POISYONIGAP CHE KIYOKTOI 13:50

Ago ki inde `Yahudik ng'aleegap chaamset kobogorisyek che konyiti Kamuktaindet ak ko taagunotiin, ak piik che eecheen che po nganaseet, ak ki ing'eet usiisyet kous Paulo ak Barnaba, ak koon komanda eng' kiwotosyekwak.

POISYONIGAP CHE KIYOKTOI 17:6

Ye ki mata konyoor, kochuut Jason ak tupchosyek alak koba taitap kirwoogigap nganaseet, koboldos koleen, “Pichu ko kowas emet ko kagobwa oli kogeny,

POISYONIGAP CHE KIYOKTOI 18:12

Ago ye kingo kirwoogindetap Akayo Galio, kong'eetyi `Yahudik Paulo eng' mageet agenge, ak komut ineendet kwo taitap ng'echereetap kirwooget.

POISYONIGAP CHE KIYOKTOI 8:3

Ago ki inyaliil miising' `Saulo kaniset, kowendi koot age tugul ak kochuutu murenik ak kobogorisyek ak kotoorchin korgoreet.

1 KORINTOEK 11:22

Nee? Motinye kooriik che oamisye ak oeeise? Anan osase kanisetap Kamuktaindet, ak oteweer icheeget che ma tinyei? Amwaiwok nee anyun? Tos aloswok eng' ng'olyoondoni? Maloswok.

JAKOBO 2:3

ak ogonyit ineendet ne ilaachi ngoroik che korooron, oleenji, “Tebee yu myee,” ak oleenji kibananiat, “Tonon eng' yo,” anan “Itebee ng'wony yu po keelyekyuk,”

JAKOBO 5:4

Ogeero, poldos melekwegap kiboitiinik che kigesei mbareenikwok, che ki onamdegei: ak ki kochut iitiigap Kiptaiyatap Lugoosyek riiregap icheek che kigesei.

JAKOBO 5:6

Ki orwookyi, ak ki obar chiitap imanda; ama kirindook.