ISAIAH 19:3 - Bukuit Ne Tilil

³ Ak tuun kiyaei koek puch kimnateet Misiri eng' kwenunnyi, ak ang'em kirwoogutikyik; ak koba kocheeng' kanamonik ak piik che abusisyei, ak che poisyee oik, ak pooniik.

BUKUIT NE TILIIL Sireet ne Dutero Kanon

³ Ak tuun kiyaei koek puch kimnateet Misiri eng' kwenunnyi, ak ang'em kirwoogutikyik; ak koba kocheeng' kanamonik ak piik che abusisyei, ak che poisyee oik, ak pooniik.

BUKUIT NE TILIL

³ Ak tun kiyaei koek buch tamirmirietab Misri eng’ kwenunnyi; ak ang’em kiruogennyi: ak koba kocheng’ kanamonik, ak bik che abusisiei, ak che boisie oik, ak bonik.

ISAIAH 19:3 Referencias Cruzadas

2 SAMUEL 15:31

Ak ki kimwachi Daudi keleenji, “Mi Ahitopel kobooto njaamigap Absalom.” Ak ki sa Daudi kole, “Ee Kamuktaindet ne Toroor, asoomin ale, wal kirwoogetap Ahitopel koek perberyo.”

2 SAMUEL 17:14

Kole anyun Absalom ak piik tugul che po Israel, Karaaran kirwoogetap Hushai Arkindet kosiir kirwoogetap Ahitopel. Amu kiga til Kamuktaindet ne Toroor koterteer kirwooget ne myee ne po Ahitopel, si kobiit koipchi Kamuktaindet ne Toroor yaityet Absalom.

2 SAMUEL 17:23

Kingo keer Ahitopel kole mata koosup chii kirwoogennyi, koiito sigiryennyi ak kong'eet kwo kaa, kot koit nganasennyi. Kirarchi keet piigap koonnyi yeityo kwo kogeetkei, ak kime. Ara ki kitupchi poortanyi kereritap kwandanyi.

2 LAITORINIK 1:2

Kirorok Ahasia eng' tirisyetap koonnyi ne po parak ne ki mi Samaria ak kimyan. Ki iyookto piik ak koleenji, “Oba, oteebe Baal-sebub kanamwetap Ekron ngo tos asap eng' myani.”

1 ATEPTAP PEETUUSYEK 10:13

Ki me anyun Saulo amu chalwoktanyi ne ki ingelelji Kamuktaindet ne Toroor, ak amu ng'olyootap Kamuktaindet ne Toroor ne ma riip; ak amu kiteep ng'omnateet kogeny eng' ineendet ne kiboisyee oik, koteepse,

TIENWOGIKAL 107:27

Iyongooti ak koterteeryoti ko uu chii ne kagobogit, ak kokwalilendos.

TIENWOGIKAL 33:10

Walei Kamuktaindet ne Toroor ruchinaigap pororyosyek koek puch; yaei kabwaatutigap piik koek che ma tilei kiy.

TIENWOGIKAL 76:12

Tilei ineendet saboonwegap pounik: Imui ineendet laitorinigap ng'wony.

KALEWANAIK 21:30

Ma mi utaatyet, anan kaguiyet, anan kirwooget, ne kirindoi Kamuktaindet ne Toroor.

ISAIAH 14:27

Amu Ki kochop Kamuktaindet ne Toroor ne po lugoosyek, ko tos ng'oo ne walei koek puch? Chuulaat eunnyi, tos ng'oo ne arunyi?

ISAIAH 15:2

Katogosta Bayit, ak Dibon, kot koit komoswek che torooreen, koba koriir; riirchin `Moab Nebo, ak agobo Mediba. Mi pooswek metowekwak, ki ketil tamnet age tugul.

ISAIAH 19:1

Maotenet agobo Misiri. Ogeero, laanyei Kamuktaindet ne Toroor pooldet ne chepchep, ak nyoonei agoi Misiri. Ak kiitumdumgei kanamonigap Misiri eng' tainnyi, ak kochoot muguleldap Misiri eng' kwenunnyi.

ISAIAH 44:25

Ne walei tartetap kiplembechonik koek puch, ak kogoochin che ng'oorsei koiiywenso; ne weechi piik che utaatiin koba let, ak koyaei naennywa koek perberyo:

ISAIAH 47:12

Tonon anyun nguno itinye ng'oorsosyek, kobooto chaang'indap orgoinatosyeguk, che ki ibirtochigei kobooch ko ii ming'in; ngo tos imuuchi inyoorunee kelunet, ngo tos imuuchi iterteerisye.

ISAIAH 57:16

Amu ma kibortosi agoi, ama kinereechi kotugul; amu katatanuisyo eng' tainnyu, agot saboonwek che ki ayai.

ISAIAH 8:19

Ak ye mwaiwok kole, “Ocheeng'ate icheek che poisyee oik ak pooniik che twegu ko uu toriitik ak che nyeanyei ng'aleek.” Tos nyoljin kocheeng'at che ki kobek agobo che saptos? Tos ma nyooljin piik kocheeng' Kamuktaindennywa?

JEREMIA 46:15

Amu nee si kibukto cheguuk che kiimeen? Ma tononso, amu ki oon Kamuktaindet ne Toroor.

EZEKIEL 21:7

Ak ye teebenen, koleenjin, Amu nee si itigen? Ile anyun, Amu ng'aleek, amu nyoonei: ak kome muguleldo age tugul ak konyalulso eunek tugul, ak konyaluul sabeet age tugul, ak kochootyo kutung'oik tugul ko uu peek: ogeero, nyoonei, ak ko yaaksei, mwaei Kiptaiyat Kamuktaindet ne Toroor.

EZEKIEL 22:14

Tos imuuchi komuita muguleldang'ung', anan kogimegitu euneguk, eng' peetuusyek che agerin kong'? Kamwae anee Kamuktaindet ne Toroor ng'olyoondoniito, ak ayae.

DANIEL 1:20

Eng' kiit age tugul ne po utaatyet ak naet ne ki kateepse `laitoryat pichooto, ko ki keer anyun ineendet kole siirei `pichooto konyil taman piik tugul che ng'oomen, che ng'oorsei, ak ng'amotigap kecheik che ki mi pounatennyi tugul.

DANIEL 2:2

Ki ng'at anyun laitoryat keguur piik che ng'oomen, che ng'oorsei, ng'amotigap kecheik, pooniik ak Kaldeik si komwachi laitoryat karwotitaosyekyik. Ki pwa anyun ko ak kotononso eng' taitap laitoryat.

DANIEL 5:7

Ki kuurso anyun laitoryat eng' kutit ne oo kimut ng'amotigap kecheik, Kaldeik ak chepsogeinik. Ki ng'alaalji `laitoryat piik che ng'oomen che po Babilon koleenji, “Chii age tugul ne somani siruutichu ak koboorwo kaarorennyi, kilaakyin ngoryeet ne arus ne piriir ak kilaakyi kaatinnyi sirimdap thahabu, ak koek pounindet ne po somok eng' pounateet.”

1 SAMUEL 25:37

Eng' karon ko kogasap Nabal, kogabek maiyek komwachi `osotyonnyi ineendet tuguuchuuto tugul ak kime muguleldanyi ak koigei ineendet koita.