ISAIAH 11:9 - Bukuit Ne Tilil

⁹ Ma itoi kiy chii anan kong'emis eng' tulweennyu tugul ne tiliil; amu nyiei ng'wony naetap Kamuktaindet ne Toroor ko uu ye nyiei peek nyanjet.

BUKUIT NE TILIIL Sireet ne Dutero Kanon

⁹ Ma itoi kiy chii anan kong'emis eng' tulweennyu tugul ne tiliil; amu nyiei ng'wony naetap Kamuktaindet ne Toroor ko uu ye nyiei peek nyanjet.

BUKUIT NE TILIL

⁹ Ma ito kiy chi anan kong’emis eng’ tulwennyu tugul ne tilil: amu nyiiei ng’ony naetab Jehovah ko u ye nyiiei beek nyanjet.

ISAIAH 11:9 Referencias Cruzadas

Kitabuutap JOB 5:23

Amu onamegei ak koigap warenget, ak oting'egei kaalyeet ak tyong'igap timiin.

TIENWOGIKAL 72:19

Ak iberuurot kainennyi ne tinyei toroornatet agoi koigeny; Ak ingonyi ng'wony komugul toroornatennyi. Amen, ak Amen.

TIENWOGIKAL 78:54

Ak ki imut agoi koit kiwotetap oldanyi ole-tiliil, Agoi tulwooni, ne kiga ale eunnyi ne po tai.

ISAIAH 11:13

Ak koistogei ng'et kondap Ephraim kogeny, ak keisto icheek che inyalili Judah; ak ma amei ng'etkong' Ephraim agobo Judah, amainyalili `Judah Ephraim.

ISAIAH 11:8

Ak kourerene lakweet ne reryei keriingetap ndaret, ak konde lakweet ne kageluge eunnyi kebeneetap ereneet.

ISAIAH 2:4

Ak korwooksechin `ineendet pororyosyek, ak koger kong' piik che chaang'. Ak kotany rotonikwak po chok koek mogomboik che po tuuga, ak kotany ng'otwekwak koek chepkesok; si ma kobaregei pororyosyek, ama koneetegei lugeet kogeny.

ISAIAH 30:26

Kogeny, kogergeitu lapkeiyetap arawet ak ne po asiista, ak kotesak lapkeiyetap asiista konyil tisap, koigei lapkeiyetap peetuusyek tisap, eng' peetuut ne inyai Kamuktaindet ne Toroor moogap piikyik, ak kosoop pirutigap kaguotenennywa.

ISAIAH 32:16

Tebee anyun kirwooget surkwen, ak kotebee imanda mbareet ne rurei.

ISAIAH 33:6

Tuun piitu kimnateet eng' peetuusyeguk, ak ooindap yetunet, utaatyet, ak naet; kaiyweisyet ne kiywei Kamuktaindet ne Toroor ko konorwennyi.

ISAIAH 35:9

Ma piitu ng'etundo eng' olooto, ama punei oranooto tyondo age tugul ne koroom, ma kinyoorchin olooto; ago punei olooto che ki kityaach.

ISAIAH 45:6

si kobiit konai icheek kobooch ko kachor asiis, ak kobooch cherongo, kole ma mi age kobatena: aa Kamuktaindet ne Toroor, ama mi age.

ISAIAH 49:6

ee, mwaei kole, kiy ne ming'in iegu otwogindennyu, si kobiit ing'eet pororyosyek che po Jakobo, ak iweech che ki kiriip che po Israel: agoonin kogeny iegu lapkeiyetap Pororyosyek, si kobiit iegu yetunennyu agoi ole poochin ng'wony.

ISAIAH 52:10

Amu ki kobarta Kamuktaindet ne Toroor eunnyi ne tiliil eng' taitap pororyosyek tugul; ak keerei tabanwek tugul che po ng'wony yetunetap Kamuktaindennyo.

ISAIAH 54:5

Amu Yaindeng'ung' ko manong'otyondeng'ung'; Kamuktaindet ne Toroor ne po lugoosyek kainennyi ak Ineendet ne Tiliil ne po Israel ko katyagindeng'ung'. Kiguure ineendet Kamuktaindetap ng'wony komugul.

ISAIAH 56:7

amutu icheek kobwa tulweennyu ne tiliil, ak agoochi koboiboitu eng' koonnyu ne po saaet; kitaachei kagoochinoikwak che kibeelei ak tiseiywekwak, eng' kaptisisyennyu: amu kiguure koonnyu kootap saaet ne po pororyosyek tugul.

ISAIAH 59:19

Iywei anyun kainetap Kamuktaindet ne Toroor eng' cherongo, ak koywei toroornatennyi eng' ole charunee asiista: amu nyoonei ko uu aineet ne isururtoi, ne oonei kabuusetap Kamuktaindet ne Toroor.

ISAIAH 65:25

Ageti suiyot ak aarwetap keechiir, ak koam ng'etundo susweek ko uu teta: ak koek ng'ung'unyek amitwogigap ereneet. Ma itoi kiy chii anan kong'emis eng' tulweennyu tugul ne tiliil, mwaei Kamuktaindet ne Toroor.

ISAIAH 66:18

Amu angen poisyonikwak ak kabwaatutikwak: nyoonei peetuut, ye ayumi pororyosyek tugul ak kutusweek tugul; ak kobwa ak kogeer toroornatennyu.

ISAIAH 66:20

Ak komut tupchosyekwok tugul komang'une pororyosyek tugul koek kagoochinet eng' Kamuktaindet ne Toroor, kobunu paraisisyek, ak kariisyek, ak chepkichutit, ak eng' nyumbusyek, ak tambeesik, kobwa tulweennyu ne tiliil Jerusalem, mwaei Kamuktaindet ne Toroor, ko uu ye ibu lagogap Israel kagoochinennywa eng' tereet ne tiliil konyo kootap Kamuktaindet ne Toroor.

JEREMIA 31:23

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Ta komwaei kogeny icheek ng'aleechu eng' emetap Judah ak eng' nganasookyik, ye tuun aweech kogeny eng' ole ki kimut kole: Ingoberuurin Kamuktaindet ne Toroor, ee meng'ootetap imanda, ee tulweetap tiliilindo.

JEREMIA 31:34

Ama koneeti kogeny chii age tugul chiitap kokwennyi, ama koneeti chii age tugul ng'eetap kamet, koleenjin, Nai Kamuktaindet ne Toroor: amu tuun naa icheek tugul, kobooch ne ming'in eng' icheek agoi ne oo, mwaei Kamuktaindet ne Toroor: amu anyochini kaat amu yaityennywa, ama abwaati tengektonywa kogeny.

EZEKIEL 34:25

Ak kiyomiskei ak icheek eng' kayomiset ne po kaalyeet, ak ageesu tyong'ik che yaach eng' emet: ak komeny surkwen eng' chametapkei, ak koruiyo osnosyek.

EZEKIEL 47:5

Ye ibata, kokwa eliphuut agenge; ki ek aineet ne ma amuuch alandae: amu kitesak peek miising', peek che yamei kebir, aineet ne ma kimuuchi kelandae.

DANIEL 11:45

Ak koteech emaisyegap koonnyi ne po laitornatet eng' kwenutap nyanjet ak tulweet ne tiliil ne karaaran; ago tuun meei, ama toreti chii ineendet.

DANIEL 12:4

Ago tuch ng'aleechu, ee Daniel, ak ing'ooch bukuit agoi peetuusyek che po let. Tuun rwaati che chaang', ak kotesak naet.

HOSEA 2:18

Eng' peetuunooto ayae arorutyet agobo icheek kobooto tyong'igap timiin ak toriitigap parak, ak tuguuk che ichuutegei ng'wony. Ak airii kwanget ak rotwetap chok, ak aiste lugeet eng' emet, ak agoochi koruiyo eng' chametapkei.

JOEL 3:17

Onai anyun ole aa Kamuktaindet ne Toroor Kamuktaindeng'wong', amenye Zion tulweennyu ne tiliil: tiliiliitu anyun Jerusalem, ama kobunei toek kogeny.

HABAKUK 2:14

Amu nyiei ng'wony naetap toroornatetap Kamuktaindet ne Toroor, ko uu ye nyiei peek nyanjet.

SEKARIA 14:9

Ak koek Kamuktaindet ne Toroor laitoryatap ng'wony komugul: egu agenge Kamuktaindet ne Toroor eng' peetuunooto, ak koek agenge kainennyi.

SEKARIA 8:3

Mwaei Kamuktaindet ne Toroor kole: Kaaweekyigei Zion, ak ameny kwenutap Jerusalem: ak keguure Jerusalem ‘Nganaseet ne po iman’; ak keguure tulweetap Kamuktaindet ne Toroor ne po lugoosyek, ‘Tulweet ne tiliil.’

1 THESSALONIKEK 5:15

Ogeer si ma yaakyi chii age tugul chiito age yaityo eng' yaityo; ago osup nooto myee kotugul, chii age eng' age, ak eng' piik tugul.

NG'ANG'UTYET 21:27

Ak ma koi wo oriit kiy age tugul ne murwoon, anan ko ne yaei kiy ne kiwechei, ak lembeita, kobatee icheek che ki kisirchi bukuitap saboondo ne po Aarwet.