HOSEA 9:3 - Bukuit Ne Tilil

³ Ma menyei icheek emetap Kamuktaindet ne Toroor; ago weekyingei Ephraim Misiri, ak koam amitwogik che ma tiliileen eng' Assyria.

BUKUIT NE TILIIL Sireet ne Dutero Kanon

³ Ma menyei icheek emetap Kamuktaindet ne Toroor; ago weekyingei Ephraim Misiri, ak koam amitwogik che ma tiliileen eng' Assyria.

BUKUIT NE TILIL

³ Mamenyei ichek emetab Jehovah; ago weekyingei Epraim Misri, ak koam amitwogik che ma tililen eng’ Asuria.

HOSEA 9:3 Referencias Cruzadas

1 LAITORINIK 9:7

ang'etoi Israel anyun eng' emet ne ki agoochi, ak kooi ki atiliil agobo kainennyu, aistoi eng' tainnyu; si koek Israel kalewenet ak atindyot eng' piik tugul.

2 LAITORINIK 17:6

Ki nam laitoryatap Assyria Samaria, eng' kenyiitap sogool ne po Hoshea ak komut Israel koba Assyria. Ki imut icheek kwo konde komeny Hala ak Habor, eng' aineetap Gosan ak nganasoogap Medes.

JEREMIA 16:18

Ak ayaaktochini korook yaityennywa ak tengektonywa konyil aeng'; amu ki kong'wanit icheek emennyu eng' muuswegap tuguukwak che samis, ak kigonyiit porotennyu tuguukwak che kiwechei.

JEREMIA 2:7

Ki amutwak obwa emet ne chaang' amitwogik, si kobiit oam logoekyik ak myeeindonyi; ago kingo it emonooto, ong'wanit emennyu, ak oyai porotennyu koek kiit ne kiwechei.

RIREKAB JEREMIA 5:6

Ki kigonugei kegoochi toretetap euut Misiri ak Assyria, asi kenyooru amitwogik che yamech.

EZEKIEL 4:13

Ak ki mwa Kamuktaindet ne Toroor kole, amei ko uu nooto piigap Israel magatinikwak ko ng'woneen, eng' pororyosyek ole tuun aoonjini.

DANIEL 1:8

Ago ki til Daniel eng' muguleldanyi kole ma ing'wanitegei amitwogigap laitoryat ak divaik. Ara ki soom inee anyun pounindetap kiptainik kole si ma ing'wanitkei.

HOSEA 11:11

Pwoonei kobotanionu ko uu toriityon ne mang'une Misiri, ak ko uu cheptuget ne mang'une emetap Assyria: ak agoochi icheek komeny kooriikwak, mwaei Kamuktaindet ne Toroor.

HOSEA 11:5

Ma weekyingei ineendet emetap Misiri; ago egu `Assyrianindet laitoryandennyi, amu ki eesyo icheek koweigei.

HOSEA 7:11

Uu Ephraim cheptuget ne perber, ne ma tinyei kaguiyet: kuurei Misiri, pendi Assyria.

HOSEA 7:16

Weektogei, ago ma weekyingei ineendet ne mi parak; uu kwanget ne itustusoot: kibarei pounikwak eng' rotwetap chok amu nereegegap ng'elyebwekwak: egu niito chotisyennywa eng' emetap Misiri.

HOSEA 8:13

Ye enyei icheek tiseiywegap kagoochinoikyuk, kogoitoi panyeek ak koamei; ago mataachei Kamuktaindet ne Toroor chooto: ibwaati anyun ineendet tengektonywa, ak koiityi pireet amu tengekwogikwak; weekyingei Misiri.

HOSEA 9:6

Ogeero, kigoistoegei ng'emisyet, ago iyumi Misiri icheek, ak tubei Mempis icheek: punjin siwek tuguukwak che korooron che po fedha: mi katook emaisyekwak.

ATEPTAP LAWIK 18:28

si ma ing'ung'dak ak okweek emet, ye omurwon, ko uu ye ki ing'ung'da pororyosyek che ki mi kotom oitu.

ATEPTAP LAWIK 20:22

“Oriip anyun ng'atuutikyuk tugul amu nooto, ak kirwoogutikyuk tugul, ak oyai, si ma ing'ung'dak emet ole amutok omeny.

ATEPTAP LAWIK 25:23

“Ma ki aldoi emonooto agoi, amu nenyu emet; amu oo toek ak kiprutoinik kobooto eng' emonooto.

AMOS 7:17

Mwaei anyun Kamuktaindet ne Toroor kole: ‘Egu osotyondeng'ung' chepkugoniot eng' nganaseet, ak kebare rotwetap chok weeriiguk ak tiibiiguk, ak kepchee porowet emeng'ung'; ak imee inyeendet eng' emet ne ng'waan, ak keluul iman Israel kimut eng' emennyi.’ ”

MIKAH 2:10

Ong'eetyee, ak obe; amu ma olito ole omuung'e: amu murwoonindo ne ng'emisyei, ee, ng'emisyet ne ya kot.

POISYONIGAP CHE KIYOKTOI 10:14

Ago ki le Petero, “Ma uu nooto, Kiptaiyat; amu tomo aam kiy ne ma tiliil anan ne ng'waan kobooch atkinye kora.”

NG'ATUTIK 28:63

Ko uu ye ki paibait Kamuktaindet ne Toroor eng' okweek koyaiywok ne myee ak kotesak, ko uu nooto ko poiboitu Kamuktaindet ne Toroor eng' okweek kolusak, kowong'wok ak kitutok eng' emet ne iwendi iname kobunjiin.

NG'ATUTIK 28:68

Ak koweekyin `Kamuktaindet ne Toroor Misiri kogeny eng' melisyek, eng' ooreet ne ki amwaun, ale, ‘Ma igeere kogeny.’ Oaldochinigei puunikwok eng' olooto oegu otwogik che murenik ak che kobogorisyek, ago ma piitu chii ne alok.”

NG'ATUTIK 4:26

ko kaaguur kipsengwet ak ng'wony kobaoryanjin peetuuni, ale osip olustosi owong'ugei eng' emet ne obendi olandoe Jordan oname kobunjook. Ma chaang'aitu peetuusyekwok eng' olooto ago king'emok owong'ugei.

JOSHUA 23:15

Ago onai anyun ole, ko uu ye ki pwanjok tuguuk tugul che myachen che kimwaiwok Kamuktaindet ne Toroor Kamuktaindeng'wong', koibwok Kamuktaindet ne Toroor ko uu nooto, tuguuk tugul che yaacheen agoi kogeswok eng' emoni karaaran ki koonok Kamuktaindet ne Toroor Kamuktaindeng'wong'.