HOSEA 4:15 - Bukuit Ne Tilil

¹⁵ Agot ngiyae inyee Israel kugoinatet, ko mat koyai Judah. Amobwa Gilgal, anan otogoste Beth-aben, anan oyosye ole, “Ko uu ye sabei Kamuktaindet ne Toroor.”

BUKUIT NE TILIIL Sireet ne Dutero Kanon

¹⁵ Agot ngiyae inyee Israel kugoinatet, ko mat koyai Judah. Amobwa Gilgal, anan otogoste Beth-aben, anan oyosye ole, “Ko uu ye sabei Kamuktaindet ne Toroor.”

BUKUIT NE TILIL

¹⁵ Agot ngiyae inye Israel kugoinatet, ko mat koyai Juda; amobwa Gilgal, anan otogoste Bet-aben, anan oyosie ole, Ko u ye sobei Jehovah.

HOSEA 4:15 Referencias Cruzadas

2 ATEPTAP PEETUUSYEK 17:4

ago ki cheeng' Kiptaiyat Kamuktaindetap kwandanyi ak kowendote ng'atuutikyik, ama isup tuguuk che ki yai Israel.

2 ATEPTAP PEETUUSYEK 21:11

Ma nooto kityo, ago ki teech kogeny komoswek che torooreen eng' tuloonoogap Judah, ak koyai che ki menyei Jerusalem koibotkei, ak kobeet Judah.

ISAIAH 48:1

Ogas ni anyun, okweek, ee kootap Jakobo, che kimwaitoenok kainetap Israel, che ki obiitune peegap Judah; che oyostosi eng' kainetap Kamuktaindet ne Toroor, ak omwae Kamuktaindetap Israel, ago ma eng' iman, anan ko eng' imanda.

JEREMIA 44:26

Ogas anyun ng'olyootap Kamuktaindet ne Toroor, okweek piigap Judah tugul che omenye emetap Misiri: Ogeero, koayosye eng' kainennyu ne oo, mwaei Kamuktaindet ne Toroor, ale, ma komwaei kainennyu chii age tugul ne po Judah eng' emet tugul ne po Misiri, kole, ko uu ye sabei Kiptaiyat Kamuktaindet ne Toroor.

JEREMIA 5:2

Agot nga imurtoi icheek koleen, “Ko uu ye sabei Kamuktaindet ne Toroor,” ko iyastos icheek eng' lembech.

EZEKIEL 20:39

Ago eng' okweek, ee kootap Israel, mwaei Kiptaiyat Kamuktaindet ne Toroor ko uu ni kole: Ngot ko moepcha iit; obe anyun ak koot chii tugul kanamonikyik eng' peetuusyek che pwoonei ak icheek: ago ma omurwoni kainennyu ne tiliil kogeny eng' kagoochinoikwok, ak eng' kanamonikwok.

HOSEA 10:5

Iyweisyei miising' piik che menyei Samaria amu kanamonigap moegap Beth-aben: amu riirchin piigap emonooto olooto, kobooto tisiikyik che kiboiboitune kanamwonooto po moita amu toroornatennyi ne kiga koistoegei.

HOSEA 10:8

King'emei kogeny komoswek che torooreen che po Aben, tengektap Israel: piitos katook che toorei piich ak che rutei piich eng' kapkorosusyekwak; ak koleenji icheek tuloonook, otuchech ak koleenji tuloonook che mengeechen, oluuljech.

HOSEA 11:12

Yiemena Ephraim lembechek, koyiemena kootap Israel ng'aalseet: ago pounisyei Judah kora kobooto Kamuktaindet, ak koyanaat eng' Ineendet ne Tiliil.

HOSEA 12:1

Paegei Ephraim usoonet, ak kosuboti usoonetap kong'asiis; tesei kotugul lembechek ak ng'emisyet; ak koyomisegei kobooto Assyria, ak keip mwanik koba Misiri.

HOSEA 12:11

Tos mi tengek Gilead? Puch piikwak tugul; enyei kiruugik eng' Gilgal: kapkorosusyekwak ko uu koik che kagiruruuch eng' mbar ne ibatat.

HOSEA 12:12

Ak kimwechi Jakobo emetap Aram, ak ki otis Israel agobo osotyot, ak ki iyagis si kobiit konyoor osotyot.

HOSEA 4:12

Soomei piikyuk kirwooget eng' keetiik, ak iboorchin icheek kiroktonywa. Amu ki imaas icheek `sabeetap kugoinatet, ak ki koba koyai kugoinatet, kometo Kamuktaindennywa.

HOSEA 5:8

Oguut igoondit eng' Gibea, ak oguut iryageet eng' Ramah. Owaach eng' Beth-aben; keer ole po let eng' inyee, ee Benjamin.

HOSEA 9:15

Mi yaityennywa tugul Gilgal; amu ki awech icheek eng' olooto: aoone icheek koba eng' koonnyu amu yaityetap poisyonikwak: ma achame kogeny; pistoik pounikwak tugul.

AMOS 4:4

Obwa Bethel, si ongelelse; obwa Gilgal, si otes pistoet; oibu tiseiywekwok karonet age tugul, ak kebeberwekwok che po taman eng' peetuut age tugul ne po somok;

AMOS 5:5

Amocheeng' Bethel, anan obe Gilgal, amosiirte obe Beer-sheba. Amu kiluulei iman Gilgal, ak koek puch Bethel.”

AMOS 6:10

Ak ye sut chii `imamet, ne ineendet ne peelei muusto, si koip kawek komong' eng' ko, ak koleenji ineendet ne mi komoswek che po oriit che po koot, “Tos ta omi ak age?” Kowol anyun kole, “Achicha!” Kole anyun, “Siis! Amu ma ki chamwech kemwa kainetap Kamuktaindet ne Toroor.”

AMOS 8:14

Icheeget che iyastos eng' tengektap Samaria, kole, ‘Ee Dan, ko uu ye sabei kamuktaindeng'ung'’; ak, ‘Ko uu ye sabei ooreetap Beer-sheba’; ibutos chooto ak icheek, amagoi ng'eetyo kogeny.”

EPESOEK 5:11

amoyai yamdaet ak poisyonigap mesundeito, che ma tinyei logoek, ago kaigai oger kong';

JOSHUA 5:9

Ki mwachi `Kamuktaindet ne Toroor Joshua koleenji, “Kamilde aistaenok rani teweernatetap Misiri.” Ki kiguure anyun yooto Gilgal agoi ra.

JOSHUA 7:2

Ki iyookto `Joshua piik eng' Jeriko koba Ai, ne neegitee Beth-aben eng' komostap kong'asiis ne po Bethel komwachi koleenji, “Oba ak osegei emonooto.” Ak ki pa anyun piik kosegei Ai.