HOSEA 11:3 - Bukuit Ne Tilil

³ Ago ki anee ne ki aneet Ephraim kowendot; ki aganabate eng' eunekyuk; ago ki ma nai kole ki asoobi icheek.

BUKUIT NE TILIIL Sireet ne Dutero Kanon

³ Ago ki anee ne ki aneet Ephraim kowendot; ki aganabate eng' eunekyuk; ago ki ma nai kole ki asoobi icheek.

BUKUIT NE TILIL

³ Ago kianet Epraim kowendot; kiaganabate eng’ eunekyuk; ago kima nai kole kiasoobi ichek.

HOSEA 11:3 Referencias Cruzadas

TIENWOGIKAL 107:20

Iyooktoi ng'olyoondennyi, kosoop icheek, ak kosar icheek eng' ng'emisyosyekwak.

KOMONG'U 15:26

ak ki le, “Ngot igas iman kutitap Kamuktaindet ne Toroor Kamuktaindeng'ung', iyai ne po iman eng' tainnyi, iepchji iit ng'atuutikyik ak isup katigonutikyik tugul, koma koonin myan age tugul ne ki agoochi Misiriik, amu anee ko aa Kamuktaindet ne Toroor ne asaabin.”

KOMONG'U 19:4

‘Ki ogeer kiit ne ki ayachi Misiriik ak ko uu ye ki agesenenak kebebaigap kipsichinik amutwak obwanjo.

KOMONG'U 23:25

Oboisyeiwo anee Kamuktaindet ne Toroor Kamuktaindeng'wong', si koberuur amitwogiguk ak peeguk, ak aiste myanwogik eng' kwenung'ung'.

ISAIAH 1:2

Ogas, ee kipsengwet! Oep iit, inyee ng'wony! Amu kagotwek Kamuktaindet ne Toroor, kole: Ki aguu ak ki aneet lagok, ago ki kongelelja.

ISAIAH 30:26

Kogeny, kogergeitu lapkeiyetap arawet ak ne po asiista, ak kotesak lapkeiyetap asiista konyil tisap, koigei lapkeiyetap peetuusyek tisap, eng' peetuut ne inyai Kamuktaindet ne Toroor moogap piikyik, ak kosoop pirutigap kaguotenennywa.

ISAIAH 46:3

Oepcha iit, ee kootap Jakobo, ak tugul che ng'etunotiin che po kootap Israel, che ki ageseni kobooch ko kagisich, che ki kigeseni kobooch komi moo:

ISAIAH 63:9

Ki kinyalil ineendet eng' nyalilwogikwak tugul, ak ki sar icheek malaikaiyandennyi ne ki mi tainnyi: ki ityaach eng' chamyennyi ak rireenennyi; ak kigesen ak koganap peetuusyek tugul che po keny.

JEREMIA 30:17

Amu asaabin, ak anyaa mooguk, mwaei Kamuktaindet ne Toroor; amu kigoguurenen ne ki kitimda, kole Zion niito, ne ma mage kiy chii.

JEREMIA 8:22

Tos ma mi mwanik che ki inyaise Gilead? Tos ma mi chepkerichoon olooto? Amu nee anyun si ma sap cheptap piikyuk?

HOSEA 14:4

Asoobi kachuchugeng'wong' pogei, achame icheek miising': amu kogoistoegei ineendet nereegekyuk.

HOSEA 2:8

Amu ma nai kole anee ne ki agoochini peek, ak divaik, ak mwanik, ak atesyi fedha ak thahabu che ki yae Baal.

HOSEA 7:1

Ye kata amache asoop Israel, kotook anyun tengektap Ephraim ak yaityetap Samaria; amu poisyee lembechek: ak kwo oriit choriindet, ak kong'emisyei lugeetap rebiik eng' saang'.

HOSEA 7:15

Agot nganda ki aneet icheek ak agimiit eunekwak, kochobei yaityet agobo anee.

POISYONIGAP CHE KIYOKTOI 13:18

Ak kimuitoochi icheek eng' atebosyekwak eng' olo po kenyiisyek artam eng' surkwen.

NG'ATUTIK 1:31

ak eng' surkwen ole ki igeer ile kigesenunenen Kamuktaindet ne Toroor Kamuktaindeng'wong', ko uu ye keseni chii weeriinnyi, eng' ortinwek tugul che ki obunu agoi oitu olito.

NG'ATUTIK 33:27

Meng'ateng'ung' Kamuktaindet ne po koigeny, ak kanabin eunek che po koigeny. Toortoi puunik eng' taing'ung'. Ineendet ne leen, ‘Ng'em icheeget.’

NG'ATUTIK 8:2

Ibwaat ooreet komugul ne ki komutunenen Kamuktaindet ne Toroor Kamuktaindeng'ung' eng' surkwen kenyisyechu artam, koming'inin ak kotyemin si konai kiit ne mi muguleldang'ung', ngichame anan ko mechame iriip ng'atuutikyik.