GALATYEK 6:1 - Bukuit Ne Tilil

¹ Che kitupche, agot ngenyoorchi chii lelutyet, ko okweek che otinye Kabuuset ne Tiliil, oweegu chiito ne uu nooto eng' muguleldo ne po mutyonet; ak iriipkei, si ma kiyomin aginye.

BUKUIT NE TILIIL Sireet ne Dutero Kanon

¹ Che kitupche, agot ngenyoorchi chii lelutyet, ko okweek che otinye Kabuuset ne Tiliil, oweegu chiito ne uu nooto eng' muguleldo ne po mutyonet; ak iriipkei, si ma kiyomin aginye.

BUKUIT NE TILIL

¹ Che kitupche, agot ngenyorji chi lelutiet, ko okwek che o bo Tamirmiriet, oweegu chito ne u noto eng’ tamirmiriet ne bo mutyonet; ak iripge, si ma kiyomin aginye.

GALATYEK 6:1 Referencias Cruzadas

2 SAMUEL 11:2

Kingo it koskoleny eng' pesyet age, kong'eet `Daudi eng' itogunnyi ak kowendote kootap laitoryat parak. Ye kingo mi parak, kogeer kwony ne ki karaaran kot kounegei.

TIENWOGIKAL 141:5

Ingobira ne po iman, si koek nooto ne myee. Mechamji mwaita ne po kiptengeginik koiil metinnyu; amu ma metoi asa agirinda tengekwogikwak.

EZEKIEL 34:16

Acheeng'e ne ki pet, ak amutu kogeny ne ki kioon, ak arop ne ki il, ak agimiit ne kimyani: ak abar ne neraat kobooto ne kiim: abae icheek kirwooget.

MATAYO 11:29

Otiiny kaat choginnyu ak oneetenage; amu aa tala ak aming'inige eng' muguleldo: si osich kamuung'et eng' saboonwekwok.

MATAYO 26:69

Kitebyei Petero eng' seremutap koot. Ak ki wo chepto ye mi ineendet ak koleenji, “Koimi inyee kobooto Jeso Galiilindet.”

MATAYO 26:75

Ki ibwaat Petero ng'olyoot ne kiga komwa Jeso kole, “Kotom koote kipsoiywet, ieesyoa konyil somok.” Ak kimanda saang' ak koriir eng' ng'wanindo.

MATAYO 9:13

Ago oba okweek, si oneetkei ole teptoi ng'olyoondoni, ‘Amache rireenetapkei, ma mache tiseiywo.’ Ki ma anyo aguur che po imanda, ago kiptengeginik.”

ROMANIK 14:1

Ago otaach ineendet ne nyalulat eng' kayaneet, ago ma si orwookyi kabwaatutikyik.

ROMANIK 15:1

Nooto anyun kanyoljech acheek che ki kiimeen kegesen nyalulnatetap che ma kiimeen, ama kibaibaigei acheegei.

ROMANIK 8:6

Amu kererwegap met che po poorto ko meet; ago kererwegap met che po Kabuuset ne Tiliil ko saboondo ak kaalyeet:

1 KORINTOEK 10:12

Nooto anyun ingoriipkei si ma ibut, ineendet ne ibwaati kole tononi.

1 KORINTOEK 14:37

Ngo pwaati chii age tugul kole maotyot, anan ko chii ne mi eng' atebeetap Kabuuset, ko ingonai tuguuk che asirwok, kole chooto ko ng'atuutyetap Kiptaiyat.

1 KORINTOEK 2:15

Ago ineendet ne mi eng' atebeetap Kabuuset ne Tiliil kobestos tuguuk tugul, ago ma mi chii ne ibestos ole teptoi chiichooto.

1 KORINTOEK 3:1

Ki temena anyun, che kitupche, ang'alaalwok ko uu piik che mi eng' atebeetap Kabuuset ne Tiliil, ago ko uu piik che mi eng' atebeetap poorto, ko uu che manyurunik eng' Kristo.

1 KORINTOEK 4:21

Nee ne omache anyun? Anyoonjok ak kirokto, anan eng' chamyet ak muguleldap talasyet?

1 KORINTOEK 7:5

Amoetegei okweegei, kobatee ye kochamyechi eng' peetuusyek alak, si onyooru poroindo ne po saaet, si otuiyegei kogeny, si ma yoomaak Setani amu motinye riibetapkei.

2 KORINTOEK 10:1

Asoomok anyun anee Paulo eng' talasyet ak mutyonetap Kristo, anee ne ming'in ye ami kobootok eng' kwenung'wong', ago ye ma mi kobootok atinye nyiganateet:

2 KORINTOEK 2:7

ago kaigai onyochi kaat ineendet ak ogaigai, si ma lugui, eng' ooreet age tugul, chiito ne uu nooto aragenennyi ne siirtoot.

2 KORINTOEK 2:8

Nooto anyun asoomok ale ogimiit chamyeng'wong' eng' ineendet.

GALATYEK 5:23

kaming'inetapkei, riibetapkei: ma mi ng'atuutyet ne eesyoi chuuto.

GALATYEK 6:18

Che kitupche, ingotep kobooto saboonwekwok myeeindap Kiptaiyandennyo Jeso Kristo. Amen.

1 THESSALONIKEK 4:1

Ne po let anyun, tupchosyechu, kesoomok miising' ak kiteeiywok eng' Kiptaiyat Jeso, ko uu ye ki otaach eng' acheek, ole kanyool obetite ak obaibaite Kamuktaindet, agot ko uu ye obendoti, si kobiit obaraitu miising' inne.

2 THESSALONIKEK 3:15

Amoiit ineendet ole puunyoot, ago otigon ko uu tupchet.

2 TIMOTEO 2:25

ne kere kong' eng' mutyonet icheek che kirindoi; tamangap kogoochi Kamuktaindet icheek siguunet ne po naetap imanit,

HEBRANIK 12:13

ak oyachi keelyekwok ortinwek che lititen, si ma kimaas che king'waldos, ago si kisoop.

HEBRANIK 13:3

Obwaat icheek che mi eng' ratisyosyek, ko uu ne oo ratotiin tugul; icheeget che kinyaliili, ko uu ye omi ak okweek eng' poorto.

JAKOBO 3:13

Ng'oo ne utaat eng' okweek ak koguitos? Ingobarta poisyonikyik eng' atebeet ne myee eng' kaming'inetapkei ne po ng'omnateet.

JAKOBO 3:2

Amu kibutosi acheek tugul eng' tuguuk che chaang'. Ngot koma ibut chii age tugul eng' ng'olyoo, kogesunotkei chiichooto, ak komuuchi koriip poorto komugul agine.

1 PETERO 3:15

ago ogonyit Kristo koek Kiptaiyat ne tiliil eng' mugulelwekwok: ak oegu che chobootiin kotugul owolji chii tugul ne teebenok ng'olyoo agobo kamang'unet ne miitei eng' okweek, ago eng' talasyet ak kaiyweisyet:

1 JOHANA 5:16

Ngot kogeer chii tupchennyi koyaei tengekto ne ma po meet, kosoom, si kogoochi Kamuktaindet saboondo agobo icheeget che kayai tengekto ne ma po meet. Mi tengekto ne po meet; ma mwaei ale kosoom agobo nooto.