GALATYEK 4:9 - Bukuit Ne Tilil

⁹ ago nguno ko kaonai Kamuktaindet, anan ko kagonaak okweek Kamuktaindet, amu nee anyun si oweektegei let kogeny oweekyigei kaneetisyosyek che po tai che nyalulyotin ak che po pananda, eng' chooto omache oweekyigei otwogindennywa kogeny?

BUKUIT NE TILIIL Sireet ne Dutero Kanon

⁹ ago nguno ko kaonai Kamuktaindet, anan ko kagonaak okweek Kamuktaindet, amu nee anyun si oweektegei let kogeny oweekyigei kaneetisyosyek che po tai che nyalulyotin ak che po pananda, eng' chooto omache oweekyigei otwogindennywa kogeny?

BUKUIT NE TILIL

⁹ ago nguno ko kaonai Jehovah, anan ko kagonaak okwek Jehovah, amu nee anyun si oweektege let kogeny oweekyige konetisiosiek che bo tai che nyalulyotin ak che bo bananda, eng’ choto omache oweekyige otwoknatenywa kogeny?

GALATYEK 4:9 Referencias Cruzadas

1 LAITORINIK 8:43

igas eng' kipsengwet oldang'ung' ole imenye, ak iyai ko uu tuguuk tugul che kaguurchin chiichooto po pororyosyek; si kobiit konai kaineng'ung' piik tugul che po ng'wony, koiywein, ko uu ye iywein piiguk Israel, ak si kobiit konai kole kooi ki ateech kemwaitoe kaineng'ung'.

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

TIENWOGIKAL 1:6

Amu ingen Kamuktaindet ne Toroor ooreetap che po imanda; ago petei ooreetap kiptengeginik.

TIENWOGIKAL 9:10

Ak imang'un icheek che ingen kaineng'ung', amu inyee, Kamuktaindet ne Toroor, koma imete che cheeng'in.

KOMONG'U 33:17

Ki leenji `Kamuktaindet ne Toroor Musa, “Ayae anee ng'olyoondoni kesoom. Amu kenyooru chameet eng' tainnyu ak angen kaineng'ung'.”

KALEWANAIK 2:5

iguitosi anyun kaiyweisyet ne kiywei Kamuktaindet ne Toroor, ak inyooru naet agobo Kamuktaindet ne Toroor.

JEREMIA 31:34

Ama koneeti kogeny chii age tugul chiitap kokwennyi, ama koneeti chii age tugul ng'eetap kamet, koleenjin, Nai Kamuktaindet ne Toroor: amu tuun naa icheek tugul, kobooch ne ming'in eng' icheek agoi ne oo, mwaei Kamuktaindet ne Toroor: amu anyochini kaat amu yaityennywa, ama abwaati tengektonywa kogeny.

HABAKUK 2:14

Amu nyiei ng'wony naetap toroornatetap Kamuktaindet ne Toroor, ko uu ye nyiei peek nyanjet.

MATAYO 11:27

Ki kogoono tuguuk tugul Abba: ama mi ne ingen Weeriit, kobatee Kwanda; ama mi ne ingen Kwanda kobatee Weeriit, ak chii age tugul ne chamei Weeriit kong'aang'jin.

LUKA 5:38

Ago kanyool kinde divaik che leelach lolotinwek che leelachen.

JOHANA 10:14

Aa mestowot ne myee. Angen chechuuk ak kongeno chechuuk,

JOHANA 10:27

Kasei kutinnyu keechiirekyuk, ak angen icheek, ak kosuba.

JOHANA 17:3

Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

ROMANIK 8:29

Amu Kamuktaindet ne kisip konai icheek, ko ineendet ne kisip kolewen icheek si kogergeit ak itoondap Weeriinnyi, si koek ne po tai eng' che tupcho che chaang':

ROMANIK 8:3

Amu kiit ne ki ma imuuch Ng'atuutyet koyai, amu nyaluletap poorto, koyook Kamuktaindet Weeriinnyi eng' kergeindap poortap tengek si koek kagoochinet ne po tengekto, kogikyi tengekto eng' poorto:

1 KORINTOEK 13:12

Amu nguno kegeere eng' kioit, eng' tamirmiron; ago tuun ko togoch eng' togoch: nguno angen eng' kebeberta; ago tuun anae ko uu ye kigenaa.

1 KORINTOEK 15:34

Ogosu eng' imanda, amat oyai tengek; amu ma ingen alak Kamuktaindet: amwae ni si agoonok olilan.

1 KORINTOEK 8:3

ago ngo chamei chii age tugul Kamuktaindet, konaat chiichooto eng' ineendet.

2 KORINTOEK 11:20

Amu omuitochini chiito, ngo yaak oegu otwogik, ngo amok, ngo namak, ngo toroorgei, ngo rabachok.

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

GALATYEK 3:3

Tos kaagaa oo perberen ko uu nooto? Ngo ki otau eng' Kabuuset ne Tiliil, omache nguno oegu che ogesunotingei eng' poorto?

GALATYEK 4:3

Ki uu nooto ak acheek, kingo ta ko ki lagok, ko kigiratotiin eng' kaneetisyosyek che po tai che po ng'wony:

EPESOEK 1:17

ale ingogoonok Kamuktaindet ne po Kiptaiyandennyo Jeso Kristo, Kwanda ne po toroornatet, Kabuuset ne po utaatyet ak ng'ang'utyet eng' naetap ineendet;

2 TIMOTEO 2:19

Ago tononi lumeiywot ne kiim ne po Kamuktaindet, kotinyei ng'ooksoni keele, Ingen Kiptaiyat icheek che chechiik; ak, Ingoistoegei yaityet age tugul ne mwaei kainetap Kiptaiyat.

HEBRANIK 7:18

Amu miitei metoet ne po ng'atuutyet ne kiga kindoune, amu nyalulennyi ama tilei kiy

2 PETERO 2:20

Amu ye kagochiliilye murwoonindap ng'wony eng' naet ne naei Kiptaiyat ak ko Yetindet Jeso Kristo, ko ngot kota koratkei kogeny ak tuguuchooto ak kiterteer, koyaitu atebeennywa ne po let kosiir ne po tai.

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.