DANIEL 9:9 - Bukuit Ne Tilil

⁹ Po Kiptaiyat Kamuktaindennyo rireenosyek ak nyoetap kaat, amu ki kingelelji ineendet,

BUKUIT NE TILIL

⁹ Bo Kiptaiyat Kamuktaindennyo rirenosiek ak nyoetab kaat; amu kigingelelji inendet;

DANIEL 9:9 Referencias Cruzadas

2 SAMUEL 24:14

Ki leenji `Daudi Gad, “Ami eng' pichiindo ne oo, ngabutyi eutap Kamuktaindet ne Toroor, amu chaang' rireenosyekyik, ago ameng' abutyi eutap chii.”

1 LAITORINIK 8:30

Kas soometap otwogindeng'ung', ak piiguk Israel, ye saaei kotokyingei yuto. Kas anyun eng' kipsengwet oldang'ung' ole imenye; ak ye igas, inyochigaat.

NEEMIA 9:31

Ago eng' rireenosyeguk che chaang' koma igeesu icheek anan imete, amu ii Kamuktaindet ne po myeeindo, ak itinye rireenet ne oo.

TIENWOGIKAL 130:4

Ago miitei nyoetap kaat eng' inyee, si kobiit kiywein.

TIENWOGIKAL 130:7

Ee Israel, imang'u Kamuktaindet ne Toroor; amu mi rireenet eng' Kamuktaindet ne Toroor, ak mi katyaget ne siirei eng' ineendet.

TIENWOGIKAL 62:12

Ee Kiptaiyat, neng'ung' rireenet agine; amu inyee ne iyaakyini chii tugul ko uu poisyennyi.

TIENWOGIKAL 86:15

Ago inyee, ee Kiptaiyat, ko ii Kamuktaindet ne nyiitaat rireenet ak ko po myeeindo, Ne ma sip konereechi, ne tinyei chaang'indap rireenetapkei ak imanit.

TIENWOGIKAL 86:5

Amu ii myee inyee Kiptaiyat, ak ii choboot inyochi kaat, Ak itinye chaang'indap rireenetapkei eng' icheek che kuurin.

ISAIAH 55:7

ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

ISAIAH 63:7

Amwaitoi chamyet ne tala ne po Kamuktaindet ne Toroor, ak kalasunoigap Kamuktaindet ne Toroor, ko uu tugul che ki kogoonech Kamuktaindet ne Toroor; ak myeeindo ne oo eng' kootap Israel, ne Ki kogoochi icheek ko uu rireenosyekyik, ak ko uu chaang'indap chamyennyi ne tala.

JEREMIA 14:7

Nga paoryanjinech tengekwogikyok, iboisye ee Kamuktaindet ne Toroor, amu kaineng'ung'. Amu chaang' kachuchugosyekyok pogei, ak kigeyaun acheek tengek.

EZEKIEL 20:13

Ago ki ingelelja kootap Israel eng' surkwen: ma pendate ng'atuutikyuk, ak ki eesyo kirwoogutikyuk, che ngo yai chii kosabei eng' chooto; ki imurwon icheek miising' sabatosyekyuk: ki amwa anyun ale, aroong'jini icheek eng' surkwen nereegekyuk che ng'woneen si agees icheek.

DANIEL 9:5

kigeyai tengekto, kigeyai kiit ne imaasat, ak kigeyai kiit ne ya kot, ak ki kingelelse, kemaste kemete kaneetisyosyeguk ak kirwoogutiguk.

DANIEL 9:6

Ama ki kas iit otwogiguk `maotik, che ki ng'alaalji eng' kaineng'ung' laitorinikyok, pounikyok ak kwanisyekyok, ak piik tugul che po emet.

DANIEL 9:7

Ee Kiptaiyat, neng'ung' imanda, ago nenyo kalilanet, ko uu ra, kobooto piigap Judah, ak piik che menyei Jerusalem ak Israel tugul, che neegit ak che mi ole loo, eng' emotinwek tugul ole ki ionji, amu chalwoktanywa ne ki koyaun.

DANIEL 9:8

Ee Kiptaiyat, nenyo kalilanet kobooto laitorinikyok, pounikyok, ak kwanisyekyok amu kigeyaun tengekto.

JONAH 4:2

Ki sa Kamuktaindet ne Toroor kole, “Asaain, ee Kamuktaindet ne Toroor, tos ma ng'olyoondoniito ne ki kamwa ye kingo ta ami emennyu? Ki amwei anyun achakte awe Tarsis amu niito. Ki angen ale ii Kamuktaindet ne po myeeindo ak ne nyiitaat rireenet, ne ma sip konereechi ak kotinyei rireenet ne oo, ak iwale kabwaatutiguk agobo yaityet.