DANIEL 9:3 - Bukuit Ne Tilil

³ Ki atokyigei Kiptaiyat Kamuktaindet, ale acheeng' ineendet eng' saaet ak soomutik kobooto karugutetapkei ak kalaagetap kuiniok ak eng' oreek.

BUKUIT NE TILIL

³ Ak kiatokyige Kiptaiyat Kamuktaindet, ale acheng’ inendet eng’ saet ak somutik, koboto karugutetab ge, ak kalaagetab kuiniok, ak eng’ orek.

DANIEL 9:3 Referencias Cruzadas

2 SAMUEL 12:16

Ki sa `Daudi Kamuktaindet agobo lakwanooto. Ki irugutkei Daudi ak ki wo ko, kwo koru ng'wony kemout komugul.

EZRAH 10:6

Kong'eet anyun Ezrah eng' taitap kootap Kamuktaindet ak kwo koot ne po oriit ne po Jeohanan weeriitap Eliasib. Kingo it yooto, koma koamis anan koe peek, amu kirirei agobo kachililutyetap icheek che kiga kiluul.

EZRAH 8:21

Yeityo ang'at anyun karugutetapkei, eng' aineetap Ahaba, si kobiit kiming'inge eng' taitap Kamuktaindennyo, kecheeng' eng' ineendet ooreet ne litit, eng' acheek ak lagokyok ak ne po tuguukyok tugul.

EZRAH 9:5

Yeityo ang'eet eng' kaming'inennyu pogei ye ki kigoitoi kagoochinetap koskoleny, ko kaabet ngoryennyu ne po oriit ak ne po parak. Ki agutuny ak aitoochi eunekyuk Kamuktaindet ne Toroor Kamuktaindennyu,

NEEMIA 9:1

Ki iyumgei anyun Yahudik eng' peetuutap tiptem ak ang'wan ne po arawanooto ak korugutkei, kolaachi kuniok ak kogeiilegei ng'ung'unyek.

ESTA 4:16

ui iyum Yahudik tugul che miitei Susa, ak orugutkei agobo anee amat oam kiy anan oeeise eng' peetuusyek somok, kemoi anan peet. Arugutigei agane ko uu nooto kobooto tiibiikyuk. Ye ibata, awe anyun ole mi laitoryat nganda ma chamdaat eng' ng'atuutyet; ngalus, alus.

Kitabuutap JOB 42:6

Kasaskei anyun amu nooto, kasigu eng' temburyek ak oreek.”

TIENWOGIKAL 35:13

Ago ye kingo myandos icheek ko ki alaachi kuniok; ki aming'in saboondanyu eng' karugutet. Ki asaa ang'uruuksei,

ISAIAH 22:12

Eng' peetuunooto ko ki kuurso Kiptaiyat Kamuktaindet ne Toroor ne po lugoosyek, si kobiit oriirye ak oteiye, si ocheru metowek ak olaach kuniok.

JEREMIA 33:3

Kuura, si awolun, ak aboorun tuguuk che eecheen, ak ko uueen, che mengen.

EZEKIEL 36:37

Mwaei Kiptaiyat Kamuktaindet ne Toroor kole: Teepsena anyun kootap Israel agobo niito, si kobiit ayachi; atesyini icheek piik kochang'a ko uu akweetap keechiirek.

DANIEL 6:10

Nganda ki nai Daniel kole kagosir laitoryat kainet ko uu nooto eng' siruutichooto, ko ki testai kwo koonnyi ne po parak, ne ki tinye tirisyok che ki yaatatin kotokyingei Jerusalem, ak kogutuny konyil somok eng' peetuut, ak kosa, komwachi kongoi Kamuktaindennyi, ko uu ye kocham koyaei.

DANIEL 9:2

eng' kenyiit ne po tai ne po laitornatennyi, aguiye anee Daniel eng' bukuisyek koitetap kenyiisyek che kinyonjine ng'olyootap Kamuktaindet ne Toroor maotyot Jeremiah, agobo kasuldaetap ng'emisyosyegap Jerusalem, chooto ko kenyiisyek tamanwogik tisap.

DANIEL 9:20

Ak ye kita ang'alaali, ak asaae ak ang'aanye tengektonyu ak tengektap piikyuk Israel, ak aibe soomennyu kwo taitap Kamuktaindet ne Toroor Kamuktaindennyu agobo tulweet ne tiliil ne po Kamuktaindennyu;

DANIEL 9:4

Ki asaa Kamuktaindet ne Toroor Kamuktaindennyu, ak ang'aang'ji ineendet ale, ee Kiptaiyat, Kamuktaindet ne oo ne kiywei, ne riibei kayomiset ak rireenet eng' icheek che chamei ineendet ak koriibei ng'atuutikyik,

JOEL 1:13

Ogermenegei kuniok ak oteeiye, okweek tisiik; owaach, okweek kiboitinigap kaptisisyet; obwa, osyep kuniok kemout komugul, okweek kiboitinigap Kamuktaindennyu! Ka kiet kagoochinetap peek che ng'ootiin ak kagoochinet ne kieei eng' kootap Kamuktaindeng'wong'.

JOEL 2:12

Ago mwaei Kamuktaindet ne Toroor kole oweekyage agot nguno eng' mugulelwekwok tugul, eng' karugutetapkei, ak eng' riirek, ak eng' kateeiyet:

JONAH 3:5

Ak ki iyan `piigap Nineveh Kamuktaindet; ak ki mwaita karugutetapkei, ak ki ilaach kuniok, kobooch ne oo agoi ne ming'in.

MATAYO 17:21

Ago ma mandoi ne uu ni kobatee eng' saaet ak karugutetapkei.

LUKA 2:37

Ak ki tebi ko kwony ne ki kosiirtoe manong'otyot kenyiisyek tamanwogik sisiit ak ang'wan), koma mandoi eng' Hekaluut, ak kolasu, kobooto karugutetapkei, ak soomutik, kemoi ak peet.

POISYONIGAP CHE KIYOKTOI 10:30

Kole anyun Korneli, “Peetuusyek ang'wan rani kobooch yooto agoi saini, ye ki asaae eng' sait sogool eng' koonnyu; ak keero, ki tonon eng' tainnyu mureno ne ilaachi ngoroik che liilei piich,