DANIEL 9:21 - Bukuit Ne Tilil

²¹ ye kita ang'alaali eng' saaet, kotwaa chiichooto Gabriel, ne kitirirenu kochogu, ne kiga ageer eng' tai eng' ng'ang'utyet, konyo kotwaa eng' olo po sait ne kigoitoe kagoochinetap koskoleny.

BUKUIT NE TILIL

²¹ ee, ye kita ang’alali eng’ saet, kotwaa chichoto Gabriel, ne kitirirenu kochogu, ne kiga ageer eng’ tai eng’ ng’ang’utiet, konyo kotwaa eng’ olo bo sait ne kigoitoe kagochinetab koskoleny.

DANIEL 9:21 Referencias Cruzadas

1 LAITORINIK 18:29

Kingo week asiis komaotenso agoi sait ne kigoitoe kagoochinet; ago ki ma piit tweguuno, anan ko chii age tugul ne wolu, anan ko chii age tugul ne kasei.

1 LAITORINIK 18:36

Ak eng' sait ne kigoitoe kagoochinet, konyo maotyot Elijah koriik, ak kosa kole, “Ee Kamuktaindet ne Toroor, Kamuktaindetap Abraham, Isak, ak Israel, ingonaak rani keele ii Kamuktaindet eng' Israel, ak aa otwogindeng'ung' ak konaak keele kayai tuguuchuuto tugul eng' ng'olyoondeng'ung'.

TIENWOGIKAL 103:20

Olasu Kamuktaindet ne Toroor, okweek malaikaisyekyik; okweek che oo kiimeen eng' kamuktaet, che osuldoi ng'olyoondennyi, che oepchini iit tuugeetap ng'olyoondennyi.

TIENWOGIKAL 104:4

ineendet ne yaei usoonaik koek chechiik che kiyooktoi, ne yaei kiboitiinikyik koek maat ne liplibeni.

TIENWOGIKAL 141:2

Ingotogosta saaennyu ko uu nyamdutik eng' taing'ung'; ingoigei eunekyuk che anamjini parak korosyot ne po koskoleny.

KOMONG'U 29:39

Igoite aarwet age karon ak igoite aarwet ne po aeng' koskoleny.

ISAIAH 6:2

Ki tonondos seraphik eng' paragunnyi; ki tinyei age tugul kebebaik lo: kituge aeng' togeennyi, kotuge aeng' keelyekyik, ak kitirirene aeng'.

EZEKIEL 1:11

Kibesyotin togoochikwak ak kebebaikwak eng' ole po parak; kiga namgei kebebaik aeng' eng' age tugul, ak kotuch kebebaik aeng' poorwekwak.

EZEKIEL 1:14

Ak ki rwaei tuguuchooto saptos ak koweechegei ko uu kakweng'eetap kalyeleet.

EZEKIEL 14:14

agot nganda mi pichu somogu, Noah, Daniel, ak Job emonooto, ko kota saru saboonwekwak icheegei eng' imandanywa, mwaei Kiptaiyat Kamuktaindet ne Toroor.

DANIEL 10:10

Ak ogeero, kitwaa eunnyi ne ki nama agutuny ak atebendoe eunekyuk.

DANIEL 10:16

Ak ogeero, ki twa kutinnyu age ne kergei ak weeriigap piik, ayaat kutinnyu anyun ang'alaal, ak aleenji ineendet ne ki tonon eng' tainnyu, “Ee kiptaiyandennyu, kagobwanjo aragenosyekyuk amu ng'ang'utyet, ak ma atinyei kimnon.

DANIEL 10:18

Yeityo kotwaa kogeny age ne uu chiito, ak kogimiita.

DANIEL 8:16

Ki agas kutitap chiito eng' kwenutap aineet ne ki kuuree Ulai, ne ki kuurso kole, “Gabriel, iboorchi chiichi koguiyo ng'ang'utyet.”

DANIEL 8:18

Kingo ta kong'alaalwo, anuuch miising', asyep moo, ago ki twaa ak kong'eeta.

MATAYO 27:46

Ye kingo olo po sait sogool, koguurso Jeso eng' tuugeet ne oo kole, “Eli, Eli, lama sabaktani?” Nooto ko, “Kamuktaindet nenyu, Kamuktaindet nenyu, kalya si ibagaakta?”

LUKA 1:19

Ak ki wolji `malaikaiyat koleenji, “Aa Gabriel, ne atononi eng' taitap Kamuktaindet; kagiyokwo ang'alaalun, ak aibun logoiywechu myachen.

LUKA 1:26

Ki iyookto `Kamuktaindet malaikaiyat Gabriel eng' arawetap lo kwo nganaseet ne po Galilaya, ne kiguure Nazareth,

POISYONIGAP CHE KIYOKTOI 10:3

Eng' koskoleng'ut age olo po sait sogool ne po peet ko ki keer eng' ng'ang'utyet kimni, ne eng' ng'ang'utyonooto ko ki keer malaikaiyatap Kamuktaindet konyonjin ineendet ak koleenji, “Korneli.”

POISYONIGAP CHE KIYOKTOI 10:9

Eng' peetuut ne ki isubi ye kita kobendi, ko kariikta nganaseet, kotogosta Petero koot parak, eng' olo po sait lo, kwo kosa.

POISYONIGAP CHE KIYOKTOI 12:7

Ak ogeero, ki tonon malaikaiyatap Kiptaiyat eng' ye neegitee ineendet ak ki ikweny lapkeiyet koot. Ki irabaach karaastap Petero ak kong'eet koleenji, “Ng'eet chokyi.” Ak ki ibutyo nyororosyek che ki mi eunekyik.

POISYONIGAP CHE KIYOKTOI 3:1

Ki togosta Petero ak Johana hekaluut eng' sait ne po saaet, sait sogol.

HEBRANIK 1:14

Tos malakaisyek tugul koma saboonwek che mi poisyet, che kiyooktoi kobois agobo icheek che tuun nyooru yetunet?

HEBRANIK 1:7

Ak ki mwa agobo malaikaisyek kole, “Ineendet ne yaei malaikaisyekyik koek usoonaik, ak koek kiboitiinikyik liplibenetap maat.”

NG'ANG'UTYET 9:17

Ki ageer eng' ng'ang'utyet paraisisyek ak icheeget che ketei, kotinyei tuguuk che kilaakyin tegetik che uu maat ak che uu huakinto ak che uu koik che laldos. Ak ki uu metowegap paraisisyek metowegap ng'etuunyik, ak komang'une kutusweekwak maat ak iyeto ak koik che laldos.