DANIEL 9:12 - Bukuit Ne Tilil

¹² Ki kogimiit ng'aleekyik, che ki mwa agobo acheek ak agobo kirwoogikyok, ye ki irwokwech koibwech yaityet ne oo kiit ne ki kiyachi Jerusalem ne tomo keyai eng' kurereet komugul ne po kipsengwet.

BUKUIT NE TILIL

¹² Ak kigogimit ng’alekyik, che kimwa agobo achek, ak agobo kiruogikyok che kiiruokwech koibwech yaitiet ne o: amu tom keyai eng’ kureret komugul ne bo kipsengwet kit ne kigiyachi Jerusalem.

DANIEL 9:12 Referencias Cruzadas

1 LAITORINIK 3:9

Igoochi anyun otwogindeng'ung' muguleldo ne tinyei kaguiyet si korwookyi piiguk, si kobiit abesyo ne myee ak ne ya; amu ng'oo anyun ne imuuchi korwookyi pororyoning'ung'et tagunoot?”

2 LAITORINIK 22:16

Kamwa Kamuktaindet ne Toroor kole: Aibu yaityet konyonji koroni kobooto piikyik, ko uu ng'aleek tugul che po bukuinooto kasomani laitoryatap Judah.

Kitabuutap JOB 12:17

Imuti kirwoogik aach ngor koloegitu, ak yaei `ineendet icheek koek che perber.

TIENWOGIKAL 148:11

Laitorinigap ng'wony ak pororyosyek tugul; pounik ak kirwoogik tugul che po ng'wony!

TIENWOGIKAL 2:10

Nooto anyun, osich utaatyet, okweek laitorinik; oneetkei, okweek kirwoogigap ng'wony.

KALEWANAIK 8:16

Pounisyei pounik amu anee, ak piik che taagunotiin ko irwoochi komyee.

ISAIAH 43:28

Amurwoni anyun pounik che po ole-tiliil, ak ayae Jakobo koek ne chuboot, ak ayae Israel koek ne kisasei.

ISAIAH 44:26

ne igimiti ng'olyootap otwogindennyi, ak kosuldoi kirwoogetap chechiik che kiyooktoi; ne mwaei agobo Jerusalem kole, tuun ki menyei; ak komwaei agobo nganasoogap Judah kole, tuun kiteechei, ak ang'eet komoswekyik che ki koek karatwek:

JEREMIA 30:7

Pwo eng' peetuunooto, peetuut ne oo ne ma mi ne kergei: peetuutap nyalilda eng' Jakobo; nga kisaru eng' nyalilato.

JEREMIA 32:23

ak ki pwa, konam kobunji; ago ma kas iit kuting'ung', ama isup ng'atuutiguk; ma yai kiy age tugul eng' chooto tugul ki ing'atyi icheek koyai: koigoochi anyun yaityoni tugul konyonji icheek.

JEREMIA 39:16

ui, ak ing'alaalji Ebed-melek Ethiopiaindet, ileenji, mwaei Kamuktaindet ne Toroor ne po lugoosyek, Kamuktaindetap Israel, kole: Keero, aipchini ng'aleekyuk nganasani agobo yaityet, ma agobo myeeindo; ak isuldoi eng' taing'ung' eng' peetuunooto.

JEREMIA 44:23

Amu ki obeel nyamdutik, ak amu ki oyachi Kamuktaindet ne Toroor tengekto, ama ogas iit kutitap Kamuktaindet ne Toroor, anan obendate ng'atuutikyik, anan kayomisutikyik, anan paornatosyekyik; konyonjok anyun yaityoni ko uu ye uu rani.

RIREKAB JEREMIA 1:12

Tos ma kiy eng' okweek, okweek tugul che osiirtoi? Ogeer ak obwaat ngo mi arageneet age tugul ne uu aragenennyu, ne ki kiyaiywo, ne ki inyalilena Kamuktaindet ne Toroor eng' peetuutap nereegekyik che ng'woneen.

RIREKAB JEREMIA 2:13

Abaoryanun aleen nee? Aragenen nee, ee cheptap Jerusalem? Aaechindosin ak nee, si kobiit agaigain, ee pergeiyat cheptap Zion? Amu oo ko uu nyanjet ole ki putok eng' inyee; ng'oo ne imuuchi konyain?

RIREKAB JEREMIA 2:17

Ki koyai Kamuktaindet ne Toroor nooto ki kochop; kagoyai ng'olyoondennyi kosulda ko uu ye kiga ng'at eng' peetuusyek che po keny; kagowiirta kwo ng'wony ama riiree; kagogoochi puunyoot koboiboitunenen, ak kagotoroor kimnateetap puuniguk.

RIREKAB JEREMIA 4:6

Amu ki koeet piretap piikyuk kosiir kergong'yetap Sodom, ne ki king'em kigabui eng' sait ne matya, ama twa chii.

EZEKIEL 13:6

Ki kogeer icheek tangoita ak ng'oorset ne po lembech, che mwaei kole, kale Kamuktaindet ne Toroor; ama iyookte Kamuktaindet ne Toroor: ak kogoochi piik komong' kole ki kimiti ng'olyoot.

EZEKIEL 5:9

Ak ayai eng' inyee kiit ne tomo ayae, ak kiit ne ma tuun ayae ne uu nooto kogeny, amu tuguuguk tugul che kiwechei.

DANIEL 12:1

Ak kotonon eng' peetuunooto Mikael, pounindet ne oo ne toreti lagogap piiguk. Tuun piitu peetuusyek che po nyalilda, che ki tomo kobiitu kobooch ngap kobiit pororyet agoi peetuunooto. Ago kisaru piiguk eng' peetuusyechooto, age tugul ne ki kisirchi kainennyi bukuit.

JOEL 2:2

peetuutap mesundeito ak tuindo, peetuutap poolik ak mesundeito ne nyigiis. Ko uu ye machei koorir emet eng' tuloonook; kabwa lugeet ne oo ak ko kiim, ne ki tomo kobiitu ne uu nooto, ama kobiitu ne uu icheek kogeny, eng' kenyiisyegap ibinwek che chaang'.

AMOS 3:2

Okweegei kityo che angen eng' ortinwek tugul che po ng'wony. Nooto anyun aiitwok pireet amu tengekwogikwok tugul.

SEKARIA 1:6

Ago tos ki ma ityi kwanisyekwok ng'aleekyuk ak ng'atuutikyuk che ki ang'at otwogikyuk maotik? Ak ki week icheek ak kole, “Ki koyaiywech Kamuktaindet ne Toroor ne po lugoosyek ko uu ye kiga ibwaat kole yaiywech ko uu ortinwekyok, ak ko uu poisyonikyok.”

SEKARIA 1:8

Ki anyooru keereet kemoi agobo chiito ne ki kweryei paraisiit ne piriir ak kotonone keetiigap momonik oriit; ak ki mi patennyi paraisisyek alage che piriireen, che puusyenen, ak che leelachen.

SEKARIA 7:12

Ee, ki iuit mugulelwekwak koigei kibargoiyet, si ma kas ng'atuutyet, ak ng'aleek che kiga koyook Kamuktaindet ne Toroor ne po lugoosyek eng' Kabuusennyi ne Tiliil eng' eunegap maotik che po tai: ki mong' anyun nereegek che eecheen kobunu Kamuktaindet ne Toroor ne po lugoosyek, amu nooto.

MATAYO 24:21

Amu tuun piitu nyalilda ne oo, ne kitom kobiitu kobooch taunetap ng'wony agoi nguno, ama koegu kogeny.

MATAYO 5:18

Amu amwaiwok iman ale, agoi kosiirto kipsengwet ak ng'wony, koma siirtoi agot tisyet anan kiy ne ming'in eng' Ng'atuutyet, agoi kosulda tuguuk tugul.

MARIKO 13:19

Amu egu nyalilda eng' peetuusyechooto, ne kitom koegu ko uu nooto kobooch taunetap yaetap ng'wony ne ki yai Kamuktaindet, agoi nguno, ama kobiitu ko uu nooto kogeny agoi.

LUKA 21:22

Amu chuuto ko peetuusyegap mugetuut, si kobiit kosulda tuguuk tugul che ki kisir.

ROMANIK 15:8

Amu amwae anyun ale ki keyai Kristo koek kiboityotap kamuratanet agobo imanitap Kamuktaindet, si kobiit kogimit arorutik che ki kigoochi kwanisyek,