DANIEL 8:9 - Bukuit Ne Tilil

⁹ Ak eng' age eng' kuinoichooto ko ki mang'une kuinet ne ming'in age, ne ki eet miising' kotokyigei murot tai, ak kong'asiis, ak emet ne karaaran miising'.

BUKUIT NE TILIL

⁹ Ak kimong’une kuinet ne ming’in age eng’ kuinoichoto, ne kieet mising’, kotokyigei murot ne bo tai, ak kong’asis, ak emet ne kararan mising’.

DANIEL 8:9 Referencias Cruzadas

TIENWOGIKAL 105:24

Ak ki tes piikyik miising', ak kogimit icheek kosiir puunikwak.

TIENWOGIKAL 48:2

Mi tulweetap Zion ole karaaran ak ole tagunoot niito poiboindap ng'wony komugul, tokyingei murot kaataam, nganaseetap Laitoryat ne oo.

JEREMIA 3:19

Ago ki ale, “Imuktoi ano andein otebi ak lagok ak agoonin emet ne karaaran, poroteet ne myee ne po lugosyegap pororyosyek? Ki abwaati ale, oguureno ‘Abba’; ama omastoi ometa.

EZEKIEL 20:15

Kogeny, ki ang'werere icheek eunnyu eng' surkwen, ale mamuti icheek koba emet ne ki agoochi, ne nyiitaat cheego ak komi kumyat eng' chaang'indo, ne toroornatetap emotinwek tugul;

EZEKIEL 20:6

ki ayogoochi eunnyu icheek eng' peetuunooto, amutu icheek komong' eng' emetap Misiri kobwa emet ne ki amararchi icheek, ne nyiitaat cheego ak kumyat, ne toroornatetap emotinwek tugul:

DANIEL 11:16

Ago ineendet ne nyoonei kobaregei ak chiichooto koyaei ko uu ne machei, ama piitu chii ne imuuchi kotonon eng' tainnyi. Ak kotonon ineendet eng' emet ne karaaran miising', ak mi yooto tugul eunnyi.

DANIEL 11:21

Ak kogeer ineendet `chiito age ne kasasei, ne ki ma igoochi icheek teegistap pounateet, ago tuun nyoonei eng' peetuusyegap kaalyeet ak konam pounateet eng' mwaigutnateet.

DANIEL 7:8

Ki abwaat miising' agobo kuinoichooto, ye ki mang'une kuinet age ne ming'in, ne ki kitutune tainnyi kuinoichooto po tai somok. Ki mi kuinonooto koonyek che uu che po chii, ak kutit ne mwaei tuguuk che eecheen.

SEKARIA 7:14

ago aiyestoi icheek eng' kipchurchuryet eng' pororyosyek tugul che ki tomo konai. Ki ek anyun emet karaatya eng' let, kot ko mata kobun chii yooto anan koweegegei: amu ki igoochi emet ne ki karaaran koguber.