DANIEL 8:4 - Bukuit Ne Tilil

⁴ Ki ageer mengoto kotoortaisyei kotokyigei cherongo ak murot kaataam ak murot tai. Ama imuuch tyong'ik kotononso eng' tainnyi, ama piit ne ki imuuch kosar eng' eunnyi; ki yai ko uu ye machei ak koeetkei.

BUKUIT NE TILIL

⁴ Kiageer mengoto kotoortoisiei kotokyigei cherongo, ak murot ne bo katam, ak murot ne bo tai; ama imuch tiong’ik kotononso eng’ tainnyi, ama biit ne kiimuch kosor eng’ eunnyi; ago kiyai ko u ye machei, ak koeetgei.

DANIEL 8:4 Referencias Cruzadas

1 LAITORINIK 22:11

Kiyachigei Zedekiah weeriitap Kenaana kuinoigap kariik, ak kole, “Kamwa Kamuktaindet ne Toroor ko uu ni, kole: ‘Itoortae chuuto piigap Syria, kot kogeskei.’ ”

Kitabuutap JOB 10:7

agot ngingen ile ma aa chii ne ya, ama mi ne imuuchi kosar eng' eung'ung'?

TIENWOGIKAL 44:5

Kiterteeri puunikyok eng' inyee; ak eng' kaineng'ung' ketyeche che machei kong'eetyeech.

TIENWOGIKAL 50:22

“Ara anyun obwaat chuuto, okweek che outye Kamuktaindet, si ma tonak, ama piitu chii ne sarwok.

TIENWOGIKAL 7:2

Si ma kereer saboondanyu ko uu ng'etundo, si ma tonaton, ama mi chii ne sarwo.

EZEKIEL 34:21

Amu ki otoortaisye karaaswekwok ak tigigoikwok, ak otoore kuinoikwok tugul che ki myandos, kot oseer koba oldo tugul;

DANIEL 11:16

Ago ineendet ne nyoonei kobaregei ak chiichooto koyaei ko uu ne machei, ama piitu chii ne imuuchi kotonon eng' tainnyi. Ak kotonon ineendet eng' emet ne karaaran miising', ak mi yooto tugul eunnyi.

DANIEL 11:36

Ak koyai laitoryat ko uu ye machei. Itorooregei ak koeetegei kosiir kamuktain age tugul, ak komwa tuguuk che kikwong'ee agobo Kamuktaindet ne pou kamuktaik. Nyooru ineendet poroteet kot kosulda nereegek, amu agoi keyaei nooto ki keng'at.

DANIEL 5:19

Ki potanso ak koiyweis eng' tainnyi piik tugul, pororyosyek tugul, ak che po kutusweek tugul, amu ooindo ne ki igoochi ineendet. Kibarei ne ki machei kobar, kibagaaktoi kosap ne kimakyin kosap, ki ieeti ne kimachei koeet, ak ki iming'ini ne kimachei koming'in.

DANIEL 5:30

Ki kibar kemounooto Belshazzar, laitoryatap Kaldeik.

DANIEL 7:5

Ak tyondo age ne po aeng' ne uu keeri. Ki kiganap kotonone komosak, ak ki tinyei karaaswek somok eng' kutinnyi, ak ki kimwachi ko uu ni keleenji, “Ng'eet, am panyeek che chaang'!”

DANIEL 8:7

Ki ageer ineendet koriikyi mengit, ak konereekyi miising', ak kokwer mengoto, ak koiri kuinoikyik tuwai. Ki mata kosich anyun mengoto kimnateet kotonon eng' tainnyi; ago ki wiirta kwo ng'wony ak kotyech; ama piit chii ne ki imuuch kosar mengit eng' eunnyi.

MIKAH 5:8

Ak kotebee piik che ki ng'et che po Jakobo kwenutap pororyosyek, kwenutap pororyosyek che chaang', ko uu ye mi ng'etundo kwenutap tyong'ik che po timiin, ko uu ng'etundo ne neran eng' kwenutap akwotisyegap keechiirek: ne ye punei kween kotyegoti ak kotonatoni, ama mi chii ne saru.

NG'ATUTIK 33:17

Twateiyot ne punu kirginnyi kotinyei toroornatet; ak kuinoikyik ko kuinoigap soet. Toortoe chooto pororyosyek tugul agoi ole poochin ng'wony. Chooto tamanusyegap eliphusyegap Ephraim, ak chooto eliphuusyek che po Manasseh.”