DANIEL 8:26 - Bukuit Ne Tilil

²⁶ Po iman ng'ang'utyetap koskoleng'usyek ak karonusyek ne kagemwa. Ago tuch inyee ng'ang'utyonooto, amu po peetuusyek che chaang' che pwoonei.

BUKUIT NE TILIL

²⁶ Ak bo iman ng’ang’utietab koskoleng’usiek ak karonusiek ne kagemwa: ago tuch inye ng’ang’utionoto; amu bo betusiek che chang’ che bwanei.

DANIEL 8:26 Referencias Cruzadas

ISAIAH 24:22

Kiyum icheek tugul, ko uu ye kiyumi kimonjororinik eng' keriinget, ak kegerchi korgoreet, ak ye kagobata peetuusyek che chaang', kebir.

EZEKIEL 12:27

Ee weeriitap chii, keero, leen kootap Israel, Ng'ang'utyet ne keerei ineendet ko po peetuusyek che chaang' che pwoonei, ak komaoteni ineendet agobo peetuusyek che ta ko looen.

DANIEL 10:1

Ki king'aang'ji Daniel ne ki kiguure Belteshazzar kiy eng' kenyiit ne po somok ko laitorani Cyrus laitoryatap Persia. Ki po iman kioto, ak ki uui miising' kot kesich kaguiyet. Ki iguiyo ng'olyoondonooto, ak konyoor kaguiyetap ng'ang'utyet.

DANIEL 10:14

Kanyo anyun si kobiit aboorun iguiye tuguuk che tuun pwaanjin piiguk eng' peetuusyek che po let, amu po ng'ang'utyet peetuusyek che chaang'.”

DANIEL 11:2

Aboorun anyun ne po iman. Keero, ta kobiitu laitorinik somogu eng' Persia; ak egu mogoryot miising' ne po ang'wan kosiir chuun tugul. Ak ye kagogimiit amu mogornatosyekyik, kong'eet piik tugul kobargei ak pounatetap Greece.

DANIEL 12:4

Ago tuch ng'aleechu, ee Daniel, ak ing'ooch bukuit agoi peetuusyek che po let. Tuun rwaati che chaang', ak kotesak naet.

DANIEL 12:9

Ki le ineendet, ui inyee Daniel, amu kagituch ng'aleechuuto ak keng'och kot koit peetuusyek che po kagesunet.

NG'ANG'UTYET 10:4

Ak ye kingo kagobolyo tuloosyek tisabu, amach asir: ak ki agas kutit ne punu kipsengwet kole, “Ng'ooch tuguuk che kamwa tuloosyek tisabu, amesir.”

NG'ANG'UTYET 22:10

Ak ki leenjo, “Amat ing'ooch ng'aleek che po maonateetap bukuini; amu kagoriik peetuusyek.”