DANIEL 8:2 - Bukuit Ne Tilil

² Ak ki ageer ng'ang'utyet, ak kinga keere, ami Susa, nganaseet ne oo eng' emetap Elam; ki ageer ami ole neegitee aineet Ulai.

BUKUIT NE TILIL

² Ak kiageer ng’ang’utiet, ak kingageere, ami Susan, nganaset ne o, ne mi emetab Elam; ak kiageer eng’ ng’ang’utionoto ami ole negite ainet Ulai.

DANIEL 8:2 Referencias Cruzadas

TAUNET 10:22

Weeriigap Shem chu: Elam, Ashur, Arbaksat, Luk ak Aram.

TAUNET 14:1

Eng' peetuusyegap Amrapel, laitoryatap Shinar, Ariok, laitoryatap Elasar, Kedolaomer, laitoryatap Elam ak Tidal, laitoryatap Goim,

NEEMIA 1:1

Che isubi ko ng'aleegap Nehemiah weeriitap Hakalia: Eng' arawetap Kisleb eng' kenyiitap tiptem, ye ki ami Susa eng' kaplaitoryat,

ESTA 1:2

eng' peetuusyechooto kitebee Laitoryat Aasuerus ng'echereetap laitornatet ne po pounatennyi eng' nganaseet ne oo ne po Susa,

ESTA 2:8

Ye ki ngegas ng'olyootap laitoryat ak ng'atuutyennyi ak kingi yum tiibiik che chaang' kobwa Susa nganaseet ne oo koriip Hegai, ko ki kimut Esta agine konyo kootap laitoryat koriip Hegai ne ki riibei kwonyik.

ESTA 3:15

Ki pa anyun piik che kiga kiyookto kochaakta eng' ng'atuutyetap laitoryat ak ki kigoon ng'atuutyonooto eng' Susa, nganaseet ne oo. Ki tep ng'wony laitoryat ak Haman koeeiso, ago ki iimgei nganaseetap Susa.

ESTA 7:6

Kole Esta, “Kanyaliilindonooto ak ko puunyoot, ko sogoranani Haman.” Ki aragen anyun Haman eng' taitap laitoryat ak osotyotap laitoryat.

ESTA 8:15

Ki wo Mordekai eng' ole mi laitoryat kolaagoti ngoroigap laitornatet che buluu ak che leelach, kotinyei naaryeet ne oo ne po thahabu ak ngoryeet ne po katanit ne karaaran ne arus ne piriir. Ak kiwaach nganaseetap Susa kogaskei.

ESTA 9:11

Ki kiipchi ng'aleek laitoryat eng' peetuunooto agobo koitetap piik che ki kibar eng' Susa, nganaseet ne oo.

ESTA 9:15

Ak ki iyumgei Yahudik kogeny che ki mi Susa eng' peetuutap taman ak ang'wan eng' arawanooto po Adar, ak kobar murenik pogol somok eng' Susa. Ago ma twa tuguukwak.

ISAIAH 11:11

Eng' peetuunooto koyogoito Kiptaiyat eunnyi kogeny ne po aeng', kosar piikyik che tuun ng'etu, eng' Assyria, eng' Misiri, eng' Patros, eng' Kush, eng' Elam, eng' Sinar, eng' Hamath, ak eng' emotinwek che mi ngeguusyek.

ISAIAH 21:2

Kagiboorwo ng'ang'utyet ne ng'waan; iberberisyei kaberberindet, ak kong'emisyei ng'emindet. Togoste, ee Elam, yiemisye ee Media! Kaawong'u tigenoikyik tugul.

JEREMIA 25:25

ak laitorinik tugul che po Shimri, ak laitorinik tugul che po Elam, ak laitorinik tugul che po Medik;

EZEKIEL 1:1

Ki ageer ng'ang'utigap Kamuktaindet eng' kenyiitap sosom, eng' arawet ne po ang'wan, eng' peetuutap muut ne po arawanooto ye kingo yaatak kipsengwet ami kobooto luulenik eng' ye neegitee aineetap Kebar.

EZEKIEL 32:24

Mi Elam olooto ak piikyik tugul che chaang' eng' komoswek tugul che po kererinnyi: ki kibar icheek tugul eng' rotwetap chok, che ki kochoortagei koma kimuratan, koba agoi ng'wony oriit, che ki yai kamuiset eng' emetap piik che saptos, ak ki kogesen kalilanennywa kobooto icheeget che choorchingei keriinget.

DANIEL 10:4

Eng' peetuutap tiptem ak ang'wan ne po arawet ne po tai, ye ki ami ngeguutap aineet ne oo, ne nooto ko Tigris,

DANIEL 7:15

Ago ki aragen anee Daniel eng' saboondanyu, ak ki ima ng'ang'utik che ki pwa metinnyu.

DANIEL 7:2

Ki mwa Daniel kole, ki ageer eng' ng'ang'utyennyu kemoi, ogeero, ki usyi nyanjet ne oo usoonaik ang'wanu che po kipsengwet.

DANIEL 8:1

Ki nyoonjo anee Daniel, ng'ang'utyet ne uu ne kiga ageer eng' tai eng' kenyiit ne po somok ne po laitoryat Belshazzar.

DANIEL 8:3

Ki ayot met ak ageer mengit kotononi eng' ngeguutap aineet. Ki tinyei kuinoik aeng' che ki kooen; ago kigoi age kosiir age, ak ki mong'u let nooto kooi.

KAITOSYEK 12:6

Ki leenji anyun Kamuktaindet ne Toroor, “Ogas anyun ng'aleekyuk: Ngo mi maotyot kwenung'wong', aboorchinigei anee Kamuktaindet ne Toroor eng' ng'ang'utyet, ang'alaaljini eng' karwotitoet.

HEBRANIK 1:1

Kamuktaindet, ne ki ng'alaalji kwanisyekyok keny eng' maotik, eng' kebeberwek che chaang' ak eng' ortinwek che chaang',

NG'ANG'UTYET 9:17

Ki ageer eng' ng'ang'utyet paraisisyek ak icheeget che ketei, kotinyei tuguuk che kilaakyin tegetik che uu maat ak che uu huakinto ak che uu koik che laldos. Ak ki uu metowegap paraisisyek metowegap ng'etuunyik, ak komang'une kutusweekwak maat ak iyeto ak koik che laldos.