DANIEL 8:11 - Bukuit Ne Tilil

¹¹ Ee ki ieetkei kot koit ole mi pounindetap lugeet; ak koistoe ineendet kagoochinet ne kibeelei ne po kotugul, ak ki kibut oldanyi ne tiliil.

BUKUIT NE TILIL

¹¹ Ee, kiieetgei, kot koit ole mi bounindetab luget; ak koistoe inendet kagochinet ne kibeelei ne bo kotugul, ak kigibut oldanyi ne tilil.

DANIEL 8:11 Referencias Cruzadas

ISAIAH 37:23

Ak ng'oo ne ki ichot ak ichup? Ak ng'oo ne ki ibolji ak injurur? Nooto ko Ineendet ne Tiliil ne po Israel.

ISAIAH 37:29

Amu nereegeguk che koroomen agobo anee, ak amu kogoit itiikyuk loseng'ung' pogei, andoi anyun kombet serung'ung', ak ande karnennyu kuting'ung', ak aweechin ibun ooreet ne kebunu.

JEREMIA 48:26

Ogoochi ineendet kobogit; amu ki kotoroorgei kogirinda Kamuktaindet ne Toroor; ak mildoegei Moab kang'undaekyik, ak kerorechin.

JEREMIA 48:42

Ak keng'em Moab si ma koegu pororyet, amu ki kotoroorgei kogirinda Kamuktaindet ne Toroor.

EZEKIEL 46:14

Ak ichop kagoochinetap peek che ng'ootiin kiloinik aeng' eng' karonet age tugul kobooto arwanooto po keechiir ak litaiyat agenge ne po mwaita si keburukto peek che ng'ootiin che tambululeen. Egu niito ng'atuutyet ne po agoi ne po kagoochinetap peek che ng'ootiin ne kigoochin Kamuktaindet ne Toroor kotugul.

DANIEL 11:22

Ak keisto lugeet ne oo ak keton eng' tainnyi; kobooto pounindetap kayomisutyet agine.

DANIEL 11:31

Ak kotononso lugoosyek eng' komostanyi ak komurwon ole-tiliil kobooto irimeet, ak koisto kagoochinet ne kibeelei ne po kotugul, ak konde kiit ne kiwechei ne ng'emisyei.

DANIEL 12:11

Kobooch peetuusyek che ki istoi kagoochinet ne kibeelei ne po kotugul, ak kinde kiit ne kiwechei ne ng'emisyei, ko egu peetuusyek eliphuut agenge ak pogol aeng' ak tamanwogik sogool.

DANIEL 5:23

Ago ki ietkei obelgei ak Kiptaiyat ne po kipsengwet; ak kogeip tereenigap koonnyi kobwa taing'ung', ak kooee divaik, inyee ak kiptainiguk, osotiguk ak chebaigeiniguk; ak koilasu kanamonigap fedha, ak che po thahabu, che po sugunwet, che po kariik, che po keetiik, ak che po koik, che ma keertoi, ama kastoi, amaingen kiy. Ama itoroor Kamuktaindet ne tinyei kabuseng'ung' eng' eunnyi, ak chechiik ortinweguk tugul.

DANIEL 7:25

Mwaei ng'aleek che kirindoi Ineendet Ne Toroor Miising', ak koim miising' piik che tiliileen che po Ineendet Ne Toroor Miising', ak ki leen ineendet kowal peetuusyek ak ng'atuutik; ak kigoochi ineendet koboi icheek agoi kobek kenyiit, ak kenyiisyek, ak kebebertap kenyiit.

DANIEL 8:12

Ak ki kigoochi ineendet lugeet kobooto kagoochinet ne kibeelei ne po kotugul amu pistoet. Ki wiirchi ng'wony imanda, ak ki yai ko uu ye ki mach ak konyoor poroteet.

DANIEL 8:24

Ak tesaksei kimnateennyi, ago ma eng' kimnateennyi; ak kong'emis ne kikwong'ee, ak konyoor poroteet ak koyai ko uu ye machei. Ak kong'em ineendet che nyigoonen ak piik che tiliileen.

DANIEL 8:25

Eng' ng'aalsennyi, kogoochi `ineendet kaberberisyet konyoor poroteet, ak koeetkei eng' muguleldanyi. Ak kong'em che chaang' komi kalyennywa, ak koborye pounindetap pounik, ak ilei ineegei ama twa chii.

DANIEL 9:25

Nai anyun ak iguiye ile kobooch ngap komong' ng'atuutyet keele kituur ak keteech Jerusalem, keteekyi ineendet ne iilaat, pounindet, koegu wigisyek tisap; ak keteech kogeny eng' wigisyek tamanwogik lo ak aeng', kobooto ooreet ak keriinget ne yiemei nganaseet, ago eng' peetuusyegap nyalil.

KAITOSYEK 28:3

Ileenji icheek: Ni kagoochinet ne punei maat ne ogoochini Kamuktaindet ne Toroor; aarek aeng' che libwoben che mengichik che ma siirei kenyiit agenge, kobunji kagoochinet ne kibeelei kotugul eng' peetuut age tugul.

LUKA 21:24

Ak kobutyo icheek eng' ng'atibindap rotwetap chok, ak kimut luulenik koba pororyosyek tugul: ak kotyech Pororyosyek Jerusalem, agoi kosulda peetuusyegap Pororyosyek.

2 THESSALONIKEK 2:4

ineendet ne kirindoi ak kotorooregei kogirindoi tugul che kiguure Kamuktaindet anan che kilasu; si kotep anyun eng' hekaluutap Kamuktaindet, koboorugei ineendet ko uu ne Kamuktaindet.

HEBRANIK 2:10

Amu kinyolji ineendet, ne mi tuguuk tugul amu ineendet ak kobunu ineendet tuguuk tugul, ye imutyin weeriik che chaang' toroornatet, si koyai taunindetap yetunennywa koek ne ititaat eng' nyalilwogik.

NG'ANG'UTYET 17:14

Paregei chuuto ak Aarwet ak koterteer Aarwet icheek, amu ineendet ko Kiptaiyatap kiptainik, ak ko Laitoryatap laitorinik; ak icheeget che mi kobooto ineendet, che ki kiguur ak che ki kilewen ak che kiyani.”