DANIEL 7:4 - Bukuit Ne Tilil

⁴ Ki uu ne po tai ng'etundo ak ki tinyei kebebaik che uu che po kipsiichit. Ki ageer agoi kesul kebebaikyik, ak ki kiganap eng' ng'wony, ak keng'at kotonone keelyek aeng' ko uu chiito, ak ki kigoochi naet ne uu ne po chiito.

BUKUIT NE TILIL

⁴ Ki u ne bo tai ng’etundo, ak kitinyei kebebaik che u che bo kipsichit: kiageer agoi kesul kebebaikyik, ak kigiganab eng’ ng’ony, ak keng’at kotonone kelyek aeng’ ko u chito, ak kigigochi naet ne u ne bo chito.

DANIEL 7:4 Referencias Cruzadas

2 SAMUEL 1:23

Ki korooron Saulo ak Jonathan, ak ki chamaatiin eng' saboonwekwak, Ak ma pesyo eng' sabeennywa anan eng' meennywa; Ki chepcheben kosiir kipsichinik, Ki kiimeen kosiir ng'etuunyik.

Kitabuutap JOB 25:6

kotam nee anyun chiito, ne ineendet ko kuut! Ak weeriitap chii ne kuut!

TIENWOGIKAL 9:20

Ee Kamuktaindet ne Toroor, imu icheek; ingonai pororyosyek kole icheek ko piik kityo.

JEREMIA 25:38

Ki kometo ole ung'egei, ko uu ng'etundo: amu ki koek emennywa ne kikwong'ee amu koroomnatetap rotwetap chok ne usiisyei, ak amu nereegekyik che koroomen.

JEREMIA 4:13

Ogeero, togosu ineendet ko uu poolik, ak uu kipchurchuryet kariisyekyik che po lugeet. Chepchep paraisisyekyik kosiir kipsichinik. Pwo eng' acheek, amu kageng'emech!

JEREMIA 4:7

Kamong' ng'etundo eng' sondinnyi, ne ng'emindetap pororyosyek, kagomong' eng' oldanyi, si kobiit koyai emeng'ung' koguber, ak koek nganasoguk karaatya, ama komenyei chii.

JEREMIA 48:40

Amu mwaei Kamuktaindet ne Toroor kole, ogeero, tirireni ko uu kipsiichit, ak kouito kebebaikyik kotokyi Moab.

JEREMIA 49:19

Ogeero, togosu ineendet ko uu ng'etundo kobunu Jordan ko kanyi peek miising' kobargei ak meng'ooteet ne kiim: ago achee, aoone komwei ineendet; ak age tugul ne kileweni, agoochini koboi ineendet: amu ng'oo ne kegerge? Ak ng'oo ne ng'atwa peetuut? Ak ng'oo mestowot ne tononi eng' tainnyu?

RIREKAB JEREMIA 4:19

Che ki onatech ko ki chepcheben kosiir kipsichinigap parak, ki onatech eng' tuloonook, ki ripistos kogenech eng' surkwen.

EZEKIEL 17:3

ileenji mwaei Kiptaiyat Kamuktaindet ne Toroor kole; Ki nyoonji Lebanon kipsiichit ne oo ne tinyei kebebaik che eecheen ak ko kooen, che nyiitaat koroorik che ki tinyei saleiywek che teer, ak koip walitap tarakwet:

EZEKIEL 28:2

Ee, weeriitap chii, mwachi pounindetap Tyro, ileenji, mwaei Kiptaiyat Kamuktaindet ne Toroor kole: Amu kiitoroorge eng' muguleldang'ung', ak imwa ile, Aa kamuktain, atebee ng'echereetap Kamuktaindet, eng' kwenutap nyanjosyek; ago ii chiito, ma ii Kamuktaindet, agot nganda ki iyaige eng' muguleldang'ung' iige Kamuktaindet:

EZEKIEL 28:9

Tos ta imwae eng' taitap ineendet ne parin, ile, aa kamuktain? Ago ii chiito, ma ii kamuktain, imi eutap ineendet ne iguotenin.

DANIEL 2:38

ak ki kogoonin `ineendet piik che menyei oldo tugul, tyong'igap timiin, toriitigap parak kobwa eung'ung' ak ki kogoonin ibou icheek tugul. Inyeendet metoto po thahabu.

DANIEL 4:36

Ki weekyagei eng' yooto naennyu; amu ki weekyagei etunatennyu ak karaaranindanyu amu toroornatetap pounatennyu. Ki pwa ole ami kirwoogikyuk ak kiptainikyuk; ak ki kigimiita eng' pounatennyu, ak ki kiteswa etunateet ne karaaran miising'.

DANIEL 7:12

Ki kiistoe tyong'ik che ki ng'et, pounatennywa, ago ki kitesyi peetuusyegap sabeennywa ak kenyiisyek.

DANIEL 7:5

Ak tyondo age ne po aeng' ne uu keeri. Ki kiganap kotonone komosak, ak ki tinyei karaaswek somok eng' kutinnyi, ak ki kimwachi ko uu ni keleenji, “Ng'eet, am panyeek che chaang'!”

MATAYO 24:28

Oldo age tugul ole mi muusto, koyumjingei olooto motong'wek.

NG'ATUTIK 28:49

“Imutun Kamuktaindet ne Toroor pororyet ne punu ole loo eng' tabandap ng'wony ne megase ng'aleekwak konyo ko uu ye tirireni kipsiichit inyoo koboryenen

NG'ANG'UTYET 13:2

Ak ki uu tyondo ne ki ageer cheplanget, ak ki uu keelyekyik keelyegap magalaluut, ak ki uu kutinnyi kutitap ng'etundo: ak ki igoochi maswetit ineendet kamugennyi, ak ng'echerennyi ne po laitornatet, ak kimnateet ne oo.