DANIEL 7:25 - Bukuit Ne Tilil

²⁵ Mwaei ng'aleek che kirindoi Ineendet Ne Toroor Miising', ak koim miising' piik che tiliileen che po Ineendet Ne Toroor Miising', ak ki leen ineendet kowal peetuusyek ak ng'atuutik; ak kigoochi ineendet koboi icheek agoi kobek kenyiit, ak kenyiisyek, ak kebebertap kenyiit.

BUKUIT NE TILIL

²⁵ Ak komwa ng’alek che kirindoi Inendet ne Toror Mising’, ak koiim mising’ bik che tililen che bo Inendet ne Toror Mising’: ak kilen inendet kowal betusiek ak ng’atutik; ak kigochi koboi agoi kobek kenyit, ak kenyisiek, ak kebebertab kenyit.

DANIEL 7:25 Referencias Cruzadas

ISAIAH 37:23

Ak ng'oo ne ki ichot ak ichup? Ak ng'oo ne ki ibolji ak injurur? Nooto ko Ineendet ne Tiliil ne po Israel.

DANIEL 11:28

Tuun weekyigei emennyi kobooto mogornateetap tuguuk che chaang'; ak kowech muguleldanyi kayomiset ne tiliil. Ak koyai ko uu ye machei, ak koweekyigei emennyi.

DANIEL 12:7

Agas chiito ne ki ilaachi ngoroigap katanit ne ki mi paragutap peegap ainonooto, ye kinamjin parak eunnyi ne po tai ak eunnyi ne po kaataam kotokyi kipsengwet. Ak ki agas koyasyo eng' ineendet ne sabei koigeny kole punjin kenyiit, kenyiisyek ak kebebertap kenyiit, ak ye tuun kagogees icheek tonet ne tonatoni kimnateetap piik che tiliileen, kogeskei anyun tuguuchuuto tugul.

DANIEL 2:21

Wolei peetuusyek ak kenyiisyek, istoi laitorinik, ak koeeti laitorinik; igoochin utaatyet che utaatiin, ak kogoochin naet icheek che ingen kaguiyet.

DANIEL 3:26

Koriikyi anyun Nebukadnezar ole kibunei kebendi maata oo ki lalei miising' ak komwa kole, “Shadrak, Meshak ak Abed-nego, okweek otwogigap Kamuktaindet Ne Toroor Miising', omong'u obwa oli.” Komong' anyun Shadrak, Meshak ak Abed-nego eng' ma.

DANIEL 4:17

Punu kirwoogoni ng'atuutyetap riibiik, ak punu ma ko nooto ng'olyootap icheeget che tiliileen, si kobiit konai che saptos kole pou Ne Toroor Miising' pounatetap piik, ak kogoochin age tugul ne makyin, ak koeeti piik che nyerootiin miising' koboi.

DANIEL 4:2

Ki ageer ale myee abor kaboorunoik ak kwang'utik che ki yaiywo Kamuktaindet Ne Toroor Miising'.

DANIEL 4:25

keele ki onin iwe eng' ole mi piik, ak imeny kobooto tyong'igap timiin, ak kegoonin iaget ko uu tuuga, ak kobutyin rewoot, kot kogeskei peetuusyek che ki king'at, konyil tisap; agoi inai ile pou Ineendet Ne Toroor Miising' pounatetap piik, ak kogoochin age tugul ne makyin.

DANIEL 4:32

Ki onin eng' ole mi piik, ak imeny kobooto tyong'igap timiin. Ki koonin iagete ko uu tuuga, agoi kogeskei peetuusyek che ki king'at, konyil tisap; agoi inai ile pou Ne Toroor Miising' pounatetap piik ak kogoochin age tugul ne makyin.”

DANIEL 7:18

Ago tuun taachei pounateet piik che tiliileen che po Ineendet Ne Toroor Miising', ak konam pounateet kobunji icheek koigeny ak koigeny.

DANIEL 7:20

ak ki amach anai agobo kuinoik taman che ki mi metinnyi, kobooto kuinet age ne ki mong', kobooto kutit ne ki mwaei tuguuk che eecheen, ne ki eet itondanyi kosiir ne po chuun alak.

DANIEL 7:8

Ki abwaat miising' agobo kuinoichooto, ye ki mang'une kuinet age ne ming'in, ne ki kitutune tainnyi kuinoichooto po tai somok. Ki mi kuinonooto koonyek che uu che po chii, ak kutit ne mwaei tuguuk che eecheen.

DANIEL 8:11

Ee ki ieetkei kot koit ole mi pounindetap lugeet; ak koistoe ineendet kagoochinet ne kibeelei ne po kotugul, ak ki kibut oldanyi ne tiliil.

DANIEL 8:14

Ak ki wolji kole, “Kitiliili ole-tiliil ko kagogeskei koskoleng'usyek ak karonusyek eliphuusyek aeng' ak pogol somok.”

DANIEL 8:9

Ak eng' age eng' kuinoichooto ko ki mang'une kuinet ne ming'in age, ne ki eet miising' kotokyigei murot tai, ak kong'asiis, ak emet ne karaaran miising'.

DANIEL 9:27

Ak koyomiskei kobooto piik che chaang' eng' kayomiset ne kiim ne po wigiit agenge, ak kogees tiseiywot ak kagoochinetap peek che ng'ootiin eng' kebeberyatap wigiit. Ak konyo age ne ibu ng'emisyet eng' kebepchetap tuguuk che kiwechei; ak keroong'ji ng'emindet nereegek che kigeng'at, agoi kagesunet.

HOSEA 7:16

Weektogei, ago ma weekyingei ineendet ne mi parak; uu kwanget ne itustusoot: kibarei pounikwak eng' rotwetap chok amu nereegegap ng'elyebwekwak: egu niito chotisyennywa eng' emetap Misiri.

2 THESSALONIKEK 2:3

amat kong'alak chii eng' kiy age tugul; amu ma itu peetuunooto, kobatee indou katuituet ak keng'aany chiito ne po tengekto, weeriitap luseet,

2 THESSALONIKEK 2:4

ineendet ne kirindoi ak kotorooregei kogirindoi tugul che kiguure Kamuktaindet anan che kilasu; si kotep anyun eng' hekaluutap Kamuktaindet, koboorugei ineendet ko uu ne Kamuktaindet.

2 THESSALONIKEK 2:8

Ak yeityo keng'aany ngelelyot, ne tuun parei Kiptaiyat Jeso eng' kabuusetap kutinnyi, ak kong'em koek puch eng' ng'ang'eetap nyonunennyi;

NG'ANG'UTYET 12:14

Ak ki kigoochi kwonyooto kebebaik aeng' che po kipsiichit ne oo, si kobiit kotirirene kwo surkwen agoi oldanyi, ole kibae, eng' peetuusyek, ak peetuusyek alak, ak kebebertap peetuusyek, koistoegei togeetap ereneet.

NG'ANG'UTYET 12:6

Ak ki mwei kwonyooto kwo surkwen, ole kiting'e komosta ne kiga kochopchi Kamuktaindet, si kobiit kobai ineendet eng' olooto peetuusyek eliphuut agenge pogol aeng' ak tamanwogik lo.

NG'ANG'UTYET 14:12

Mi yu muitaetap piik che tiliileen, icheeget che riibei ng'atuutigap Kamuktaindet, ak kayaneetap Jeso.

NG'ANG'UTYET 16:6

Amu kitumda korotiigap piik che tiliileen ak che po maotik, ak kaigoochi icheek korotiik koe; amu nyoljin icheek ko uu nooto.”

NG'ANG'UTYET 17:6

Ak ki ageer kwonyooto ko kagobogit eng' korotiigap piik che tiliileen, ak eng' korotiigap paorinigap Jeso. Ye kinga keer ineendet, akwong' eng' kwong'eet ne oo.

NG'ANG'UTYET 18:24

Ak ki kinyoorchi ineendet korotiigap maotik ak che po piik che tiliileen, ak che po tugul che ki kibar eng' ng'wony.