DANIEL 7:20 - Bukuit Ne Tilil

²⁰ ak ki amach anai agobo kuinoik taman che ki mi metinnyi, kobooto kuinet age ne ki mong', kobooto kutit ne ki mwaei tuguuk che eecheen, ne ki eet itondanyi kosiir ne po chuun alak.

BUKUIT NE TILIL

²⁰ ak kiamach anai agobo kuinoik taman che kimi metinnyi, koboto kuinet age ne kimong’, koboto kutit ne kimwaei tuguk che eechen, ne kieet itondanyi kosiir ne bo chun alak.

DANIEL 7:20 Referencias Cruzadas

DANIEL 7:11

Ki atang'any eng' peetuunooto amu ng'aleek che eecheen che ki mwaei kuinonooto. Ki ageer agoi kebar tyonyooto, ak keng'em poortanyi yeityo kigoito kebeel eng' maat.

DANIEL 7:19

Yeityo amach anai kaguiyetap tyondo ne po ang'wan, ne ki teer eng' tyong'ichun tugul, ne ki imuisei miising', ne ki po kelekyik kariik, ak ki po siyookyik sugunwet; ne ki am ak kotonaton, ak kotyechatyech che ki ng'et;

DANIEL 7:21

Ki ageer koyai lugeet kuinonooto kobooto piik che tiliileen, ak koterteer kuinonooto icheek;

DANIEL 7:23

Ki mwa anyun ko uu ni kole, “Egu tyonyooto po ang'wan pounateet ne po ang'wan eng' ng'wony, ne egu ne teer eng' pounatosyek tugul, ak amei ng'wony komugul, ak kotyekyi ak kotonaton.

DANIEL 7:7

Kingo pata niito, ageer eng' ng'ang'utik kemoi, tyondo ne po ang'wan ne imuisei ak kogim, ak kotinyei kimnateet ne siirtoot. Ki tinyei kelek che eecheen che po kariik, ki am ak kotonaton, ak kotyechatyech che ki ng'et. Ki teer tyonyooto eng' tyong'ik tugul che ki indoune ineendet, ak ki tinyei kuinoik taman.

DANIEL 7:8

Ki abwaat miising' agobo kuinoichooto, ye ki mang'une kuinet age ne ming'in, ne ki kitutune tainnyi kuinoichooto po tai somok. Ki mi kuinonooto koonyek che uu che po chii, ak kutit ne mwaei tuguuk che eecheen.

NG'ANG'UTYET 12:3

Ak ki took kaboorunet age eng' kipsengwet; ak ogeero, maswetit ne oo ne piriir, ne tinyei metowek tisap ak kuinoik taman, ak ki miitei metowekyik naryosyek tisabu.