DANIEL 7:16 - Bukuit Ne Tilil

¹⁶ Ki ariikyi age eng' chooto ki tonondos eng' yooto, ak ateebe ineendet kaguiyetap tuguuchuuto tugul. Komwaiwo anyun, ak koboorwo kaaroretap tuguuchooto.

BUKUIT NE TILIL

¹⁶ Kiarikyi age eng’ choto kitonondos eng’ yoto, ak atebe inendet kaguiyetab tuguchuto tugul. Komwawa anyun, ak koborua kaweeksetab tuguchoto.

DANIEL 7:16 Referencias Cruzadas

DANIEL 7:10

Ki piit aineet ne uu maat ne ki mang'une tainnyi. Ki poisyechin ineendet eliphuusyek konyil eliphuut, ak ki tonondos eng' tainnyi eliphuusyek tamanu konyil eliphuusyek taman. Ki kichop kirwooget, ak ki king'aany bukuisyek.

DANIEL 7:17

Tyong'ichuuto ang'wan eecheen, ko laitorinik ang'wan che tuun mang'une ng'wony.

DANIEL 8:17

Ki riik anyun ye ki atonone; ak kingo it ole ami, aiyweisye, ak abut kot kotiiny togeet ng'wony. Ago ki leenjo, “Ee, weeriitap chii, iguiye anyun; amu po ng'ang'utyoniito peetuusyek che po let.”

DANIEL 9:22

Ki iguiyewa ak koleenjo ee Daniel, kanyo si kobiit agoonin iegu ne utaat eng' kaguiyet.

SEKARIA 1:19

Ki ateebee malaikaiyat ne ki ng'alaalwo aleenji, “Nee chu?” Ak ki wolwo koleenjo, “Chu ko kuinoik che ki iyeesta Judah, Israel, ak Jerusalem.”

SEKARIA 2:3

Ki wo anyun malaikaiyandanooto ki ng'alaalwo, kwo kotuiyo ak malaikaiyat age ne kiganyonji ineendet,

SEKARIA 3:7

Mwaei Kamuktaindet ne Toroor ne po lugoosyek kole: Ngot iwendote ortinwekyuk, ak ngot iriip ng'atuutikyuk, irwooksechi anyun aginye koonnyu, ak iriip seremusyekyuk, ak ayaatun ole ibunoti eng' kwenutap chu tonondos eng' yuto.

NG'ANG'UTYET 5:5

Ki leenjo age eng' poisyechugai, “Merire! Keero, ki koterter Ng'etundo ne po ooreetap Judah, Tigityot ne po Daudi, si kobiit koyaat bukuinooto ak ng'ooksosyechooto tisap.”