DANIEL 7:1 - Bukuit Ne Tilil

¹ Ki irwotyi Daniel karwotitoet, ak kobwonji metinnyi ng'ang'utik eng' itogunnyi eng' kenyiit ne po tai ne po Belshazzar laitoryatap Babilon. Ki sir anyun ng'aleegap karwotitaonooto, ak komwaita ng'aleek che eecheen che po karwotitaonooto.

BUKUIT NE TILIL

¹ Kiiruotyi Daniel karuotitoet, ak kobwanji metinnyi ng’ang’utik eng’ itogunnyi eng’ kenyit ne bo tai ne bo Belsasar laitoriatab Babulon: kisir anyun ng’alekab karuotitaonoto, ak komwaita ng’alek che eechen che bo karuotitaonoto.

DANIEL 7:1 Referencias Cruzadas

TAUNET 15:1

Ye kingo pata tuguuchu anyun koityi Abram `ng'olyootap Kamuktaindet ne Toroor eng' ng'ang'utyet koleenji, “Abram, ameiywei! Aa long'eng'ung' ak oo melektang'ung' miising'.”

TAUNET 46:2

Ki ng'alaalji `Kamuktaindet Israel eng' ng'ang'utik che po kemoi, koleenji, “Jakobo! Jakobo!” Ak ki le, “Ami yu.”

Kitabuutap JOB 4:13

Eng' kabwaatet ne po ng'ang'utigap kemoi, ye kagonyonji piik rwondo ne nyigiis,

ISAIAH 30:8

Ui anyun nguno, sirchi kiy ne kisire eng' tainnywa, ak isirchi bukuit, si kobunji peetuusyek che pwoonei koek paornateet ne po koigeny ak koigeny.

ISAIAH 8:1

Ki leenjo Kamuktaindet ne Toroor, “Ipchigei kiit ne oo ne kisirei, ak isire kalamitap chiito, ‘Agobo Maer-salal-hasbas’; ”

JEREMIA 23:28

Ingomwa maotyot karwotitoet ne koirwotyi; ak ineendet ne tinyei ng'olyoondennyu komwa eng' imanda. Ting'egei nee meteteek ak nganuuk? Mwaei Kamuktaindet ne Toroor.

JEREMIA 27:7

Ak koot pororyosyek tugul ineendet ak weeriitnnyi, agoi koit peetuusyegap emennyi: ak koyae anyun pororyosyek che chaang' ak laitorinik che eecheen ineendet koek otwogindennywa.

JEREMIA 36:32

Ki nam anyun Jeremiah bukuit age ne mamanat, ak kogoochi Baruk siriindet, weeriitap Neriah; ne ki sirchi ng'aleek tugul che kimwaei Jeremiah che ki mi bukuit, ne kiga kobeel Jehoiakim laitoryat ne po Judah: ak ki kitesyi ng'aleek alak che chaang' che kergei ak chugiche.

JEREMIA 36:4

Ki kuur anyun Jeremiah Baruk weeriitap Neriah; ak kisir Baruk ng'aleek tugul che po Kamuktaindet ne Toroor che kimwaei Jeremiah, che kiga komwachi `Kamuktaindet ne Toroor ineendet, kosirchi bukuit ne mamanat.

EZEKIEL 1:1

Ki ageer ng'ang'utigap Kamuktaindet eng' kenyiitap sosom, eng' arawet ne po ang'wan, eng' peetuutap muut ne po arawanooto ye kingo yaatak kipsengwet ami kobooto luulenik eng' ye neegitee aineetap Kebar.

EZEKIEL 40:2

Ki imutwaa eng' ng'ang'utigap Kamuktaindet anyo emetap Israel ak kondea tulweet ne kooi miising', ole kimi itoondap teekseetap nganaseet eng' murot tai.

DANIEL 1:17

Ago ki igoochi Kamuktaindet naet ak utaatyet neranichuuto ang'wan eng' kaneetetapkei tugul ak ng'omnateet. Ki tinyei Daniel kaguiyet ne po ng'ang'utik tugul ak karwotitaosyek.

DANIEL 2:1

Eng' kenyiitap aeng' ne po laitornatetap Nebukadnezar, korwotyi Nebukadnezar karwotitaosyek che ki yai koimak muguleldonyi ak kobeetyi rwondo.

DANIEL 2:26

Ki teebe `laitoryat Daniel ne ki kiguuree kora Beltesaser koleenji, “Tos imuuchi iboorwo kiit ne ki ageer eng' karwotitoet, ak kaarorennyi?”

DANIEL 4:13

Ki atestai ageer, eng' ng'ang'utik che ki pwanjo ami itogunnyu, ak ogeero, ki choorgei riibindet ne tiliil kobunu kipsengwet.

DANIEL 4:5

Ki arwotyi karwotitoet ne ki imua; ak ki ima kabwaatutik ak ng'ang'utik che ki pwanjo ami itogunnyu.

DANIEL 5:1

Ki yachi laitoryat Belshazzar igoorto ne oo kiptainikyik eliphuut, ak koei divaik eng' taitap pichooto eliphuut.

DANIEL 5:22

Ak inyee Belshazzar, weeriinnyi, koma iming'inge eng' muguleldang'ung', nganda ki ingen tuguuchuuto tugul!

DANIEL 5:30

Ki kibar kemounooto Belshazzar, laitoryatap Kaldeik.

DANIEL 7:13

Ki ageer eng' ng'ang'utigap kemoi, age ne kergei ak weeriitap chii, konyo eng' pooligap kipsengwet. Ki nyo ole mi Ineendet ne po Keny, ak ki kimut ineendet koriik taitap Ineendet ne po Keny.

DANIEL 7:15

Ago ki aragen anee Daniel eng' saboondanyu, ak ki ima ng'ang'utik che ki pwa metinnyu.

DANIEL 7:7

Kingo pata niito, ageer eng' ng'ang'utik kemoi, tyondo ne po ang'wan ne imuisei ak kogim, ak kotinyei kimnateet ne siirtoot. Ki tinyei kelek che eecheen che po kariik, ki am ak kotonaton, ak kotyechatyech che ki ng'et. Ki teer tyonyooto eng' tyong'ik tugul che ki indoune ineendet, ak ki tinyei kuinoik taman.

DANIEL 8:1

Ki nyoonjo anee Daniel, ng'ang'utyet ne uu ne kiga ageer eng' tai eng' kenyiit ne po somok ne po laitoryat Belshazzar.

JOEL 2:28

Ak ye ibata chooto, ko tuun aroong'jini Kabuusennyu piik tugul; ak komaoten weeriikwok ak tiibiikwok, irwotyin poisyekwok karwotitaosyek, keerei murenikwok ng'ang'utik:

AMOS 3:7

Iman ma yaei kiy Kiptaiyat Kamuktaindet ne Toroor kotom kong'aang'ji ung'ootyennyi otwogikyik maotik.

HABAKUK 2:2

Ak ki wolwo Kamuktaindet ne Toroor, koleenjo, sir ng'ang'utyet ak iyai kotook eng' tuguuk che kisirei, si kobiit komuuch kosoman chiito ne labati.

KAITOSYEK 12:6

Ki leenji anyun Kamuktaindet ne Toroor, “Ogas anyun ng'aleekyuk: Ngo mi maotyot kwenung'wong', aboorchinigei anee Kamuktaindet ne Toroor eng' ng'ang'utyet, ang'alaaljini eng' karwotitoet.

ROMANIK 15:4

Amu tuguuk alak tugul che ki kisir keny ko ki kisir si kinetkei, si kenyooru kamang'unet eng' muitaet ak eng' kagaigaet ne po siruutik.

2 KORINTOEK 12:1

Kanyool aloske, agot ngo ma nyolu; ago aityini keersosyek ak ng'ang'utik che po Kiptaiyat.

NG'ANG'UTYET 1:19

Sir anyun tuguuk che kaigeer, ak tuguuk che miitei, ak tuguuk che tuun piitu eng' let.

NG'ANG'UTYET 10:4

Ak ye kingo kagobolyo tuloosyek tisabu, amach asir: ak ki agas kutit ne punu kipsengwet kole, “Ng'ooch tuguuk che kamwa tuloosyek tisabu, amesir.”