DANIEL 6:8 - Bukuit Ne Tilil

⁸ Igimiit anyun ng'atuutyet, ee laitoryat, ak isir kaineng'ung' eng' siruutichooto, si ma kiwal, ko uu ng'atuutyetap Medik ak Persik, ne ma walaksei.

BUKUIT NE TILIL

⁸ Igimit anyun ng’atutiet, ee laitoriandani, ak isir kaineng’ung’ eng’ sirutichoto, si ma kiwal, ko u ng’atutietab Medik ak Persik, ne ma walaksei.

DANIEL 6:8 Referencias Cruzadas

ESTA 1:19

Ngot kocham anyun laitoryat, ko myee komwa ineendet ng'atuutyet ne po laitornatet, ak ngesir kobooto ng'atuutigap Persik ak Medik si ma ki wal, ngesir keele ma konyonei kogeny Basti taitap Laitoryat Aasuerus. Ak ingogoochi laitoryat etunatennyi ne po laitornatet chiito age ne kaigai kosiir ineendet.

ESTA 3:12

Ki kiguur anyun siriigap laitoryat kobwa eng' arawet ne po tai eng' peetuutap taman ak somok, ak ki kisir ko uu tugul che ki ng'at Haman kong'atyi kiptainigap che mi kaplaitoryat, pounik che ki pou emet age tugul ak kiptainigap pororyet age tugul. Ki kisirchi emet age tugul ko uu sirennyi ak pororyet age tugul ko uu kutinnywa. Ki kisir eng' kainetap Laitoryat Aasuerus ak ki king'ooch eng' peteitap laitoryat.

ESTA 8:10

Ki sir Mordekai eng' kainetap Laitoryat Aasuerus ak kong'ooch eng' peteitap laitoryat, yeityo koyooktoe paronochooto piik che kibunei paraisisyek, che ki laanyei paraisisyek che chepcheben che kiboisyei eng' poisyetap laitoryat, che ki kiichin piusyegap kaplaitoryat.

ESTA 8:3

Ki ng'alaal Esta kogeny eng' taitap laitoryat ak kobutyi keelyekyik, kogaigai eng' peegap kong' kole koisto yaityetap Haman Agagindet ak ng'aleekyik che yaacheen che kimachei koyachi Yahudik.

ESTA 8:8

Osirchi ak okweek Yahudik ko uu ye omache, eng' kainetap laitoryat ak ong'och eng' peteitap laitoryat. Amu ma imuuchi kowal chii parweet ne kisirei eng' kainetap laitoryat ak keng'och eng' peteitap laitoryat.”

TIENWOGIKAL 94:21

Iyumigei agobo saboondap ne po iman, Ak korwookyi korotiik che ma tinyei tengek.

ISAIAH 10:1

Pwo eng' icheek che ng'atei ng'atuutik che ma po iman, ak eng' icheek che sirei kamaaset,

DANIEL 5:28

PERES; kagepchei pounateng'ung' ak kagigoochi Medik ak Persik.

DANIEL 6:12

Ki riik anyun pichooto, ak kong'alaal eng' taitap laitoryat agobo ng'atuutyetap laitoryat koleenji, “Ee Laitoryat! Tos ki ma isir ng'atuutyet ak inde kaineng'ung' ing'at ile eng' peetuusyek sosom, age tugul ne saaei kiy, ngo kamuktain age anan ko chii, kobatenen inyee, ee laitoryat, kewiirchin keriingetap ng'etuunyik?” Kowol laitoryat kole, “Po iman kiito, ko uu ng'atuutyetap Medik ak Persik, ne ma walaksei.”

DANIEL 6:15

Ki iyumgei anyun pichooto eng' kayanjinet koyumjigei laitoryat ak koleenji ineendet, “Ee laitoryat, nai ile ng'atuutyetap Medik ak Persik koma kiwalei, ng'atuutyet anan etanutik che igimiiti laitoryat.”

MATAYO 24:35

Siirtoi kipsengwet ak ng'wony, ago ma siirtoi ng'aleekyuk.